【亂禁寫】《與學生妹搭黨鐵尾班車入屯瞞...咁就出事》(13)

“砰！”又有一下槍聲！

的確好遠...但就唔知邊度傳過嚟...

“砰！砰！”聽住遠處傳嚟槍聲...再跟住阿Jill行多陣...轉個彎...就帶到我哋嚟到一間店舖...

“啪”阿Jill一開燈...盞燈就閃爍閃爍...

阿Jill就喺啲紙皮箱裡面摷摷...摷摷...

摷咗陣，阿Jill就拎起...衣物：「嘉惠件病人衫都濕透晒...幫佢換咗先...」

望住阿Jill手上嘅衣物...黑色短袖衫...短褲...仲好似有條...白色嘅...底褲...

Cherry接過啲衣物，阿Jill就幫嘉惠解開胸前嘅衫鈕...

要幫嘉惠除衫...

我同Chris就立即擰轉身！望住出面！

要幫嘉惠換衫都早啲講聲等我哋兩個男仔迴避迴避先啦！

一陣睇到啲唔應該睇到嘅嘢...好老尷㗎嘛！

背住佢哋兩個女仔加個小妹妹...淨係聽到換衫嘅聲...

『你覺得跟住你細妹...真係冇問題？』都係同Chris搵啲嘢講吓...

「我冇諗過有冇問題...」Chris擰擰頭，「我只係知難得搵返自己細妹...唔可以再失去佢...」

『但佢...唔認得你喎...』其實我都唔知係咪應該用“認得”嚟形容...

「但佢的確係我細妹！」Chris相當堅定！

『咁點解佢真係唔認得你...直頭好似唔識你...就連你同佢所經歷嘅過去都唔同...』唔係單單唔認得...直頭好似係認錯人！

「點都唔會認錯自己細妹囉！」Chris仲係相當堅定！

『自己阿哥亦都點都唔會唔認囉...』反轉嚟講都係一樣姐...

Chris冇出聲...只係諗諗...諗諗...

可以諗到啲乜？思考到啲乜？

講真嗰句...而家遇到嘅迷團已經夠晒多...

亦都係得唔到答案...

再遇多一兩個迷團都唔出奇...亦唔見得解得開...

我哋又可以點做？

“灑灑灑灑灑灑灑灑灑灑！”望住出面仲係落住勁大雨...

我同Chris都冇再出聲...

只係默默咁睇住雨景...

黑夜嘅雨景...總係有幾盞大白光...

“砰！砰！”不時仲有槍聲由遠處傳過嚟...

然後...然後...

「都算啱著...」阿Jill把聲就喺背後傳嚟...

換...換好喇？

「估唔到呢度都有小朋友嘅衣物...」Cherry把聲亦由背後傳嚟...

「唔該Cherry姐姐～Jill姐姐～」嘉惠把聲都由背後傳嚟...

我同Chris就慢慢咁擰轉頭...擰轉身...就見到已經著好黑色衫褲嘅嘉惠...

睇起上嚟都真係幾啱身...

阿Jill將嘉惠件病人衫放埋一邊：「你哋曾經去過醫院？」

『係吖...早兩晚...』早兩晚...仲有Angela...

Chris指指我哋：「我都係喺醫院遇到佢哋...」

「哦...」阿Jill點點頭，再喺啲紙皮箱摷摷，「聽講醫院裡面有啲奇怪嘢...」

Chris就接住問：「你係指個女仔？你哋都知？」

阿Jill邊摷摷紙皮邊點點頭：「拎武士刀嘅長白髮女仔...我都係聽報告得知...唔使諗住喺我身上套到啲乜詳情...我知嘅唔係好多...只係叫我哋唔好接近醫院...唔好去冒險...」

『乜都話唔好去冒險...咪搞到好似而家咁囉...』我冷眼打量住阿Jill...

阿Jill拎住兩支水，同一條生命麵包：「你知我哋而家啲咩？」

『資源短缺～又唔敢搵資源返嚟～』照頭先嘅觀察...明顯啦～

阿Jill放好兩支水同條生命麵包喺檯面：「一日最衰都係班狗！」

嗯？一日最衰係班狗？唔係第一日知啦吓話？

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

阿Jill指指檯上嘅生命麵包同水：「食啲嘢先啦...雖然唔係好夠分...」

我同Chris都打量住檯上包生命麵包...同兩支水...

資源真係咁短缺？要捱生命麵包咁慘？

好準時

謝校對

要捱生命麵包咁慘？

就好似飛揚咁

一目十行仲要搵到錯字

資源短缺吖嘛

你應該去做教師

無耐性教書

仲有立入⇒納入

lm

究竟飛揚慘啲定細蚊慘啲

做翻譯又得

謝校對

冇撚

各有各慘

你哋都係要捱麵包