【亂禁寫】《與學生妹搭黨鐵尾班車入屯瞞...咁就出事》(13)

我仲未校對

小可咁遲喎你

呆咗一段時間

等

係咩情況？

「放開我呀！」

「Jill！Jill！」

只係聽到佢哋兩把聲...好似喺度糾纏...

我企返起身...雙手揸實支手槍...小心翼翼咁一步一步行過去...

當我差唔多行到去最光...大射燈照射嘅位置...我見到有兩個身影攬埋一舊...

再行前啲...睇清楚啲...就望到Chris攬實一個...女仔...

係一個黑髮...髮長未掂膊嘅女仔...

『搞咩吖？』Chris做咩攬住個女仔...明明就係射鳩我哋嘅狙擊手啦...

而且Chris仲要嗌佢做...Jill？

「細蚊唔好亂嚟！」Chris好緊張咁望住我手上支手槍！「佢係阿Jill！我細妹阿Jill！！！」

咦喂！我真係冇聽錯喎！Chris真係話個女仔就係佢個細妹阿Jill喎！

但阿Jill不停掙扎：「你講咩吖？放開我呀！」

Chris仲係勁肉緊咁攬實阿Jill：「我搵咗你好耐喇...終於俾我搵到你喇！」

阿Jill擰晒頭：「我冇阿哥！我唔係你細妹呀！！！」

『搞咩吖...喂你哋都係起返身先好唔好？』我就拉返起Chris...

當Chris一企起身...阿Jill就立即彈後一步...同時喺大髀拔出刀仔！

我就一手捉實阿Jill手腕：『有咩事慢慢傾...唔好一嚟就動刀動槍...』

阿Jill望住我...手震震咁點點頭...

我就鬆返開手...阿Jill就收返埋把刀仔...

Chris勁著緊咁望住阿Jill...

阿Jill就皺晒眉咁望住Chris...

我見阿Jill身上嘅裝備都好齊全...再加上地上嘅狙擊槍...仲有身邊嘅設施...防線...

『你哋兩個都唔好亂嚟住...得唔得？』我打量住Chris同阿Jill，『我去...接埋Cherry同嘉惠上嚟先...』

Chris同阿Jill都點點頭...

『嗱係㗎喇！唔好亂嚟吖！等我哋上到嚟先再慢慢傾吖！』雖然我都仲係有啲唔放心...但都要落去搵咗Cherry同嘉惠先！

阿Jill都係同Chris保持住一定距離...

我就衝落天橋！淋住雨咁跑去搵Cherry同嘉惠！

“灑灑灑灑灑灑灑灑灑灑！”雨勢又變得大！

『Cherry！嘉惠！』我邊跑邊大嗌！

Cherry就拖住嘉惠跑過嚟：「細蚊！細蚊！」

我哋三個就跑向對方！擁抱！

Cherry攬得我勁實：「細蚊！細蚊你冇事就好喇！」

『冇事冇事！』我都攬住Cherry同嘉惠！『冇事...都唔知係唔係真係冇事...』

「吓？」Cherry帶住疑惑，「唔通...Chris...」

『係...係...唔係唔係！呃...點講呢...件事有啲複雜...』我望住Cherry，『呃...你記唔記得Chris講過話佢有個細妹？』

Cherry點點頭：「記得...叫阿Jill㗎嘛...」

『嗯嗯...』我點點頭，『個狙擊手就係阿Jill....』

Cherry皺晒眉：「吓？」

『其實我都唔知個情況係點...都係過返去先啦！』再過耐啲...唔知佢哋兩個邊個會亂嚟先...

Cherry仲係一頭問號咁點點頭...

我就同Cherry一齊拖實嘉惠...向住天橋方向跑返過去！

“灑灑灑灑灑灑灑灑灑灑！”淋住大雨咁跑返上天橋...

當我同Cherry拖住嘉惠跑到上天橋...阿Jill同Chris都仲係保持住距離...對峙緊咁...

我哋行近多兩步...阿Jill就皺住眉咁打量Cherry同嘉惠一眼...

Cherry疑惑咁打量住阿Jill：「你就係Chris嘅細妹...阿Jill？」

阿Jill勁大反應咁：「我都話唔係咯！我冇阿哥㗎！」

Chris想行前一步：「點會吖？我係你阿哥...你唔認得我吖？」

阿Jill勁緊張咁後退兩步：「你唔好過嚟吖！」

Cherry一頭問號咁望實我：「究竟而家係...咩情況？」

『我都唔知...Chris一嚟就話佢係佢細妹阿Jill...佢又話自己冇阿哥...』我擰擰頭後，打量住阿Jill，『咁你係唔係叫阿Jill吖？』

阿Jill點點頭：「我係叫阿Jill！但我冇阿哥囉！」

Chris又想行前一步：「咩吖？你點會唔認得我...你明明就係我細妹阿Jill...我哋以前成日一齊打War Game！你眉頭條疤痕係你細個嘅時候我帶你去玩War Game整親！嗰陣你流好多血！擔心死我！但你就好堅強咁話冇事冇事！」

阿Jill就摸住眉頭擰擰頭：「咩吖？呢條疤痕係我小學嗰陣同人打交整親！根本就冇打過War Game！」

Chris又好緊張：「點會吖？你話過你好鍾意打War Game！而且你狙擊能力特別出色！就好似你頭先咁！識得用射燈照住條大直路！落住雨都打得咁準！」

阿Jill又擰晒頭：「我係嚟咗呢邊之後先發現自己有狙擊天份！用狙擊槍！」

『等等先...等等先...』我Stop一Stop佢哋，『你所指嘅“嚟咗呢邊”...係指咩先？』

唔好搞到咁亂...有啲嘢都係要搞清楚啲先！

「我...」阿Jill諗一諗，向後挨喺天橋邊，「嚟咗呢個冇人嘅屯門...都有成個幾月...」

Chris行近阿Jill一步：「你都已經...有成個幾月...」

阿Jill對Chris仲係好有戒心：「有...由我喺九龍返嚟...」

Chris皺住眉咁行前一步：「比我更加耐...點解我...一直都搵唔到你...」

阿Jill唔想Chris行近：「你唔好過嚟呀！我根本就唔識你！」

阿Jill真係好抗拒Chris咁喎...

可能男女有別啦...再加上頭先Chris飛擒大咬咁攬住阿Jill...

咁講法...由Cherry同阿Jill講嘅話...個氣氛會唔會冇咁緊張？

Chris仲係好緊張：「你點會唔記得咗有我呢個阿哥...」

阿Jill又勁緊張咁：「咩唔記得呀？我係根本就冇阿哥呀！」

「點會冇吖？你係咪失憶吖？」

「我無啦啦失咩憶呀？」

「人失憶係唔會知自己失憶㗎...」

「咁我真係冇失憶吖嘛！」

「冇失憶又點會唔記得咗我吖？」

「唔係唔記得呀！係我根本就唔識你！」

『好喇好喇好喇！咁你點解要攻擊我哋吖？』唔好再糾纏喺冇意思嘅問題裡面...問清楚阿Jill嘅目的會好啲！

「呢層...」阿Jill諗一諗，「我係幫手負責守呢個點...」

阿Jill係幫手...負責守...呢個點？

今晚出完

鍾意嘅朋友記得Like同Share俾身邊嘅朋友一齊追～

有咩記得喺下面留言講～我會一一回覆～

三句預告

[Day 06－身陷險境] PART 05

“灑灑灑啪灑灑㗳㗳灑灑㗳灑灑灑！”

我...Chris...Cherry...就連嘉惠都一頭問號咁打量住阿Jill...

已經將[Day 06－身陷險境] PART 04 Upload上Penana