又係喎 講個熊字都係死罪
上回講到阿祖都係繼續講返資源問題!
佢哋發現只有市中心一帶先有資源Respawn!不過因為市中心一帶會有怪物同自爆發生!所以都唔會冒險過去!
其實細蚊都唔明咩Respawn!不過就咁聽就係只有危險嘅地方先有資源補給!
本來佢哋都有唔少資源!不過班狗出爾反爾!
原來呢邊係有狗!喺晒狗屋裡面!
唔係信班狗吖化?
不過佢哋同班狗又有咩關係呢?
咩關係都好啦~總之就係柒咗囉!
阿祖點點頭:「睇嚟你哋都真係幫到手...」
吓?細蚊只係講咗個好簡單嘅事實出嚟咋喎...咁就幫到手㗎喇?
然後在場嘅一男一女就行到嚟細蚊同Cherry身邊...
而阿Jill就行到去Chris身邊...
男嘅就將細蚊身上嘅袋...槍...避彈衣都拎走...仲要望住細蚊件避彈衣上嘅大窿...點點頭...
女嘅就將Cherry身上嘅裝備同物資拎走...
阿Jill就將Chris嘅突擊步槍都拎走埋...
『喂喂...做...做咩吖?』做咩拎走晒佢哋啲嘢吖?
阿祖點點頭,打量住佢哋:「我哋會為大家分配好物資。」
『喂喂...等陣先...我哋好似冇話要幫手...亦冇話要加入喎...』係咪搞錯啲乜吖?
阿祖行埋嚟細蚊面前...面貼面:「冇打算又跟住入嚟?遊覽吖?」
又...又唔好咁講...想清楚返個情況姐...
阿祖好認真咁望實細蚊:「入咗嚟就唔輪到你揀。」
嘩...點解好似上咗賊船咁嘅?
跟住嘅劇情發展又會係點呢?
準備出文
槍射