【亂禁寫】《與學生妹搭黨鐵尾班車入屯瞞...咁就出事》(13)

1001 回覆
11 Like 4 Dislike
2022-06-24 15:08:19
2022-06-24 15:11:30
2022-06-24 15:41:21
2022-06-24 17:30:47
2022-06-24 17:46:34
2022-06-24 17:47:54
2022-06-24 17:48:30
2022-06-24 18:34:50
2022-06-24 18:41:44
小新都好早
2022-06-24 19:00:15

上回講到阿Jill見細蚊佢哋好似幾幫得手,就叫佢哋跟住行!
行去邊先?又唔講...
Chris就梗係跟啦!難得搵返細妹!(雖然人哋唔認...)
細蚊同Cherry要帶住嘉惠,唔跟住去就好危險!
一行人只好跟住阿Jill行!
淋住雨咁行,細蚊都唔知行緊去邊個方向!
路痴果然係路痴!
行咗一段時間,終於見到強光!
睇嚟嚟到喇喎!
門口有守衛,仲要整備齊全咁!
仲同阿Jill講阿祖搵佢喎!
阿祖又係咩人呢?
一路跟住行,入到商場,見個規模都好大咁!
然後就行到入酒樓!裡面間開晒一間間房咁!
用嚟做咩㗎呢?
然後阿Jill就帶住佢哋入到一間房,裡面有幾個人!
其中一個中年男人就係叫阿祖!仲請嘉惠食朱古力餅喎~
咁算唔算係好人呢?
阿祖就打量住Chris...細蚊同Cherry:「我叫阿祖...係逃生陣線嘅其中一個小隊嘅隊長。」
逃生陣線?係呢度嘅組織?
阿祖繼續講:「我哋呢個組織喺呢度都...有一段時間...」
果然...仲要組織咗一段時間...
Chris接住追問:「你哋一直都喺呢度?」
阿祖點點頭:「以我所知,喺我未過到嚟之前就已經係...」
Chris繼續追問:「你係由邊度過嚟?」
阿祖諗一諗:「大家都應該係由市中心嗰邊過嚟...而且大家都唔會再想過去市中心嗰邊...」
『又係因為...怪物?』佢哋都...有咁嘅推斷?
「其一...」阿祖點點頭,「另外所有奇怪嘅現象都會喺嗰邊發生...好似話人體爆炸...所以我哋唔會再接近市中心嗰邊...」
Chris接住講:「咪住先...我諗大家都估錯咗...我哋喺青松嗰邊...有人自炸...亦有人異變怪物...就喺尋晚發生!」
阿祖諗一諗:「或者青松嗰邊都仲係有啲近市中心嗰邊...我嚟咗建生呢邊真係冇發生過...」
原來呢邊係建生...
又會唔會只係咁啱...未發生?
跟住嘅劇情發展又會係點呢?




準備出文

2022-06-24 19:00:31
老實講...我除咗係路痴外...地理方面都係好差...

我都唔清楚究竟係青松觀離市中心遠啲...定係建生離市中心遠啲...

阿祖見我哋好似仲係好猶豫咁:「我喺嚟到建生加入逃生陣線之前...一直喺呢度嘅成員都冇遇過人體爆炸同怪物。」

一直喺呢度嘅成員...

究竟逃生陣線又成立咗幾耐?

就以啱啱行過睇睇...佢哋嘅規模比起搜救者同求生者都要大...
2022-06-24 19:01:49
阿祖繼續講:「但我哋活動嘅時間都只係得四個鐘...」

Chris再開聲問:「係指都係得凌晨十二點至四點清醒...其餘時間都好似昏迷咁失去知覺?」

「係...」阿祖點點頭,「而且都係只要唔死...就算係斷手斷腳受重傷...手腳都會生返出嚟...復原...就好似從未受過任何損傷...」

手腳都會生返出嚟...復原...

阿祖打量住我哋:「我哋之前早就已經用電話錄低過...見過復原嘅過程...已經唔覺得有乜咁出奇。」

唔覺得有乜咁出奇?

但我仲覺得好驚奇喎...

可能對我嚟講...唔算係太耐...一個拜禮都唔夠...

仲未習慣...仲未習慣到麻木...
2022-06-24 19:02:47
阿祖繼續講:「但我哋呢邊都有同一個問題...就係資源短缺...」

資源短缺...呢邊都...

阿祖望住Chris:「你哋喺青松嗰邊都係...搵唔到物資...我哋呢邊都係一樣...」

Chris點點頭,諗一諗:「你哋都有嚟過我哋青松嗰邊搵物資...仲有搶過...殺過...」

搶過...殺過...

「冇...冇...」阿祖擰擰頭,「我哋只係派過人過去調查...見你哋嗰邊都係一樣冇資源Respawn...又競爭激烈咁...我哋都冇打算要冒損失呢個險。」

Chris仲係半信半疑咁打量住阿祖...
2022-06-24 19:03:44
阿祖再講多句:「我哋自己都有麻煩要應付...」

有麻煩...要應付?

仲有咩麻煩?我哋而家要應付嘅嘢仲唔夠麻煩?

不過有一點更令我在意...

就喺我未開口之前...

「Respawn?」Cherry就問咗我心中嘅問題!

冇錯...阿祖所提到嘅資源Respawn...
2022-06-24 19:04:51
阿祖諗一諗:「你哋應該喺好早之前就已經發現...更利店同超市嗰啲地方每日都好似Respawn咁,資源會補充...而且仲好似真係正正常常咁過咗一日...啲報紙都係新一日...」

我哋都點點頭...

冇錯吖...頭嗰幾日...就已經覺得奇怪...

阿祖見我哋點完頭,就繼續講:「呢啲都係喺市中心附近先會發生...」

『但屯門醫院裡面都係咁喎!』唔單止便利店...仲有醫療物資...

阿祖點點頭:「或者屯門醫院都係喺個範圍之內...總之喺嗰個範圍之內...除咗油,所有物資都好似會Respawn咁...」

嗰個範圍之內...
2022-06-24 19:05:54
Chris接住問:「咁個範圍有幾大?」

「唔知...」阿祖擰擰頭,「只係知唔會過屯門醫院...亦唔會到青松...」

Chris再接住問:「咁兆康呢?」

兆康...其實兆康同屯門醫院都幾近...

阿祖擰擰頭:「我哋唔會過去嗰邊...因為嗰邊都有另一個組織...」

兆康嗰邊有...另一個組織?

阿祖打量住我哋:「嗰邊有一個叫曙光嘅組織...佢哋唔歡迎任何人過去...所以我哋都唔知裡面係咩環境。」

原來仲有其他組織...
2022-06-24 19:07:20
咁其他地方呢?會唔會仲有其他組織?更多組織?

有咁多組織...點解又唔組織埋一齊?

阿祖打量住我哋個疑惑樣:「照而家所得嘅資料推斷...市中心一帶會有物資Respawn...同時會有怪物同人體爆炸嘅可能...即係想穩定有物資...就同時會有危險...」

『點會咁㗎...』究竟發生咗咩事吖?

「唔知...」阿祖擰擰頭,「推斷就係咁推斷...原因都係唔清楚...我哋亦都唔想冒險去市中心嗰邊搜集物資...就正如我頭先都講過...我哋都有麻煩要應付...」

Chris立即追問:「咁究竟係乜麻煩?」

阿祖望住麻雀檯上張紙:「係狗屋...」

係狗...屋?呢邊嘅狗屋?
2022-06-24 19:08:39
我偷偷望一望麻雀檯...上面好似係放咗幾張紙...

幾張大大張...似係...Floor Plan?

阿祖繼續講:「而家我哋呢邊最多物資嘅...就係大興狗屋...不過裡面有狗守住...」

Cherry皺住眉:「仲有狗?」

阿祖點點頭:「班狗都匿晒喺狗屋裡面...我哋本來一早講好...係班狗出爾反爾!」

一早講好?講好啲乜?

『係你哋一早就唔應該信班狗...』雖然唔知一早講好啲乜...但班狗根本就信唔過係必定嘅!

阿祖冇出聲...淨係望住張Floor Plan...皺皺眉...

點吖?俾我突破盲腸呢...唔使咁感觸喎...
2022-06-24 19:09:24
阿祖點點頭:「睇嚟你哋都真係幫到手...」

吓?我只係講咗個好簡單嘅事實出嚟咋喎...咁就幫到手㗎喇?

然後在場嘅一男一女就行到嚟我同Cherry身邊...

而阿Jill就行到去Chris身邊...

男嘅就將我身上嘅袋...槍...避彈衣都拎走...仲要望住我件避彈衣上嘅大窿...點點頭...

女嘅就將Cherry身上嘅裝備同物資拎走...

阿Jill就將Chris嘅突擊步槍都拎走埋...
2022-06-24 19:10:26
『喂喂...做...做咩吖?』做咩拎走晒我哋啲嘢吖?

阿祖點點頭,打量住我哋:「我哋會為大家分配好物資。」

『喂喂...等陣先...我哋好似冇話要幫手...亦冇話要加入喎...』係咪搞錯啲乜吖?

阿祖行埋嚟我面前...面貼面:「冇打算又跟住入嚟?遊覽吖?」

又...又唔好咁講...想清楚返個情況姐...

阿祖好認真咁望實我:「入咗嚟就唔輪到你揀。」

嘩...點解好似上咗賊船咁嘅?
2022-06-24 19:10:47



今晚出完

鍾意嘅朋友記得Like同Share俾身邊嘅朋友一齊追~

有咩記得喺下面留言講~我會一一回覆~



三句預告

[Day 06-身陷險境] PART 06

阿祖吩咐阿Jill:「佢哋就立入你嗰隊...你先搵個地方安頓好佢哋。」

阿Jill點點頭:「係!」
2022-06-24 19:11:45
曾南海翻轉繼續向前航 係珍寶海鮮舫 (羅生門)
https://lih.kg/3052145
- 分享自 LIHKG 討論區

2022-06-24 19:16:13
已經將[Day 06-身陷險境] PART 05 Upload上Penana
2022-06-24 19:17:27
而家先知佢係一隻潛艇?
2022-06-24 19:20:15
可能對我嚟講...唔算係太耐...一個拜禮都唔夠...

又拜禮
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞