今日第一日跟老母做地盤，食飯既時候我喊撚咗

我老豆老母係我好細個既時候就離咗婚
我自細就跟老母生活
老母讀書唔多 一直都只能做藍領 例如保安 仲要係十二碼果d 我未起身佢已經出門 到我放學放工佢都未收工
一次機緣巧合 佢識人介紹做地盤 一做就做咗十年
係就係搵多咗工作時間又少咗
但就經常聽到佢抱怨呢度痛果到痛

至於我畢業後 就一直打份hea工 返工就係上連登果種 直至疫情失業日日做廢青
當積蓄都洗曬美股輸曬 我終於決定跟我老母做地盤

今日係第一日
老母一早起身煮好飯裝好比我帶 我問佢點解唔夜晚果餐煮多d 佢話隔夜唔好食 想比我食好d
終於出門 未去到地盤我已經出曬汗
到做既時候仲辛苦 我自問做gym2年 都頂唔順
一包英泥40kg 我一次一包咁抬上架一個轆既雞公車
總共三包 當我想推既時候… 屌你老母推唔郁
我調整下姿勢 降低重心再推 屌你老母成車反咗
最後都要我老母走過黎幫我

終於熬到12點食飯
我地搵咗個位坐低
我諗起我以前睇唔起地盤佬
而我依家好似個乞衣咁坐係地下食飯
我望一望我老母 佢問我夠唔夠食
唔知點解我既眼淚突然湧出黎
我即刻低頭望住個飯 係咁眨眼 試圖將眼淚擠返入去
「夠呀 你食啦…」

我腦海開始出現kendrick father time既歌詞

https://youtu.be/toEW7_-pvOY

落雨又可以hea等

我腦海出現

https://www.youtube.com/watch?v=5GL9JoH4Sws

好媽媽

岩啦
等你呢d自以為高高在上既人感受下你老母湊大你條契弟係幾咁辛酸

lunch係咪食蒸魚飯?

睇撚到眼濕濕

咁廢

新仔雞公車推英泥四包基本野啦

偷雞去7仔買支嘢飲

體力勞動最忌用死力夾硬頂，多多都唔夠你傷（尤其係腰），睇吓有冇人教到你點樣慳力/避免受傷

有大學畢業求其搵份工hea都好過做地盤啦

你唔食蒸魚飯邊有力搬

篇野貢熟口面之前係係咪警察行bid

咁嚟緊諗住返幾耐？

學返門手藝唔好做雜項 第時就會輕鬆啲

如果係真，你老母好撚偉大

一個字一個字咁打出黎

記得當年第一日做咕哩
中午飯係完全食唔落
雙手係一直震
之後亦見過好多生手第一日食幾多晏就見返幾多
樓豬仲食得落飯睇黎幾悠閒下

老母做地盤應該係雜工？
樓主都係去做雜工？