話香港地少人多根本係呃鳩你

1.點解唔係有曬地契文件就係永久擁有㗎啦除非俾大陸強制收翻姐

2.同當時嘅英國政府買囉唔係啲地契點嚟

只係因為當時地價超平，你哋先有錯覺覺得佢哋非法霸佔地。

比錢收返都唔得?
我夠膽講班鄉黑 你有錢連個祠堂都賣埋都得呀
香港好多地方都係咁收架啦

另外改良埋個丁權制度, 以後唔比套丁, 可以改為選擇一定呎數公屋單位代替

我發覺你份人諗嘢都幾自私，你唔去就代表人地唔去，你唔需要就代表人地都唔需要，似足嗰個話菲律賓女仔沒鞋都可以踢波，所以港隊連場都唔借得嗰條廢老

重建當然有需要，前提係有大部份業主都賣咗，達到某個成數嘅業主賣咗先可以強拍

但係如果你話收人哋圍村啲地，人哋圍村佬係咪大部份都想俾人收先?如果一樣條件梗係支持佢發展啦

問題係人哋圍村佬反對嘅話你夾硬收就講唔通囉

你啱，以後唔好笑共產黨文革
總之多數人覺得塊地要收就要殺咗個地主在拎咗塊地，地契嗰啲乜都唔使理

我支持佢俾錢買返農村啲地㗎事實係好多村屋地方都被劃分為農地，連丁屋都唔俾起，村民要嚟都無用，晒撚曬啲地

但唔係強制收囉

齋掃係無用，你唔比地方滿足呢啲用地需求，你掃佢佢都只會喺第二度再黎過

咁要挨高地價政策就好爽嗎?

呢啲好多都係短期租約地
係政府批佢地咁用

農地改變用途嗰啲就應該嚴正執法

買地=政府買使用權，地永遠都係政府的，你並沒有「擁有」塊地

同埋唔係同英國政府買，而由清朝(自古以來)有既世襲

英國政府唔想一黎就搞鳩班牛屎佬先由得你

其實係好難㗎，之前衙前圍村

市建局指出，餘下的20個業權，4年來未能收回，當中大部分業權因業主已離開香港、土地空置，多年未能聯絡討論收回業權問題；另有一部分是兩名或以上業主共同擁有業權，但因為其中一名業主聯絡不上，業權殘缺未能收回土地。而因為補償價錢不合理而不賣地的業主則佔小數。

原文見：衙前圍村強制收地 3個月後拆 | e123長青網-長者服務及老人院資訊
https://www.e123.hk/zh-hant/news/64218

圍村好多業權問題㗎

用政策鼓勵收
例如好似大陸咁, 起幾座原居民安置邨比佢地自己打理
成座都係自己兄弟同聲同氣, 丁權就用原居民安置邨單位代替

而唔係一句話好難就唔理, 之後走去啲無雷公咁遠既郊野公園起樓
又要爆山又要起路都要錢 不如比買鄉黑啲近鐵路/ 市中心既地

咁點解決居住問題?
就係政府講既無地? 但香港係咪冇地 唔係

郊野公園及特別地區佔地44 300公頃，即全港土地總面積的40%，為目前最大的受保護地區類別，為本港逾98%的動植物種提供棲息地。

我唔係話40%用曬 10%郊野公園用地 已經解決大部份香港住屋問題

當然高地價政策下. 政府會唔會積極發展又係另外一個問題

政府地就係，都好多都係租私人地
都係嗰句，你唔比地方滿足嗰啲需求咁你叫人去邊。你掃晒佢地但係停車場貨櫃場既需求唔會減少

要令到郊野公園用地變成有配套又可以發展嘅熟地嘅成本加上你講嘅高地價政策

到底會幾貴先買到嚟發展

鄉黑地>郊野公園
無論係開發成本同潛在土地使用率都係

停車場同貨櫃場係因為政府自己唔起多層停車場
你收返1塊爛地起左多層公共停車場連公屋, 已經換到5塊爛地咁多土地啦
無錯係要滿足需求, 呢樣係政府問題

鐵倉嗰啲又真係有需要既, 咪搵個區域安置佢地

係英政府為左保障原居民福利先派丁權比佢地用地起樓，你係咪傻左？
同埋無「擁有」塊地係咪代表政府隨時收翻係正確？照你咁講出面啲樓全部政府可以隨時收翻？咁既思維同共狗有咩分別
同埋退一萬步講，就算塊地真係清朝留落嚟，英政府當時無收翻/侵佔啲地，塊地就係村民架啦。

咁都有得講咩自古以來，明明就係兩個唔同concept

咁呢個我認同，一大堆農地荒廢左，樓又起唔到又無人耕田

咁咪用填海地同用棕地囉，你要發展郊野公園就要大工程，成本高耗時長，而且你用得一次就會用第二次

你呢個回覆連些少point都冇，高地價係因為產業單一化，唔關公共設施同郊野公園事

新界民政署長的黎敦義在向立法局宣佈丁屋政策時，已強調丁屋只是一項中短期措施（interim measures）。目的是希望藉興建丁屋，讓原居民獲得環境較佳的居所，因新界當年只有7%房屋是屬於正常的永久性房屋，其餘93%統統是老舊村屋、臨時性房屋甚至是非法搭建物，故准許原居民興建丁屋是迫在眉睫。

英國佬唔想你亂鳩咁起咋

你以為真係咁福利你？

政策錯咗比人攞黎濫用就唔可以修正？

由得佢錯？

你隻死資本階級走狗，擁護非法政權唁唁犬吠住壓制人嘅法律，土地當應歸於創造勞動價值嘅人

一路都話郊野公園其實係最唔efficient 嘅發展選項
成本高得嚟得到嘅熟地又少

不過好多人淨係睇到個盒嘅外表好大就以為裝得多嘢，其實係實心嘅，要鑿好耐先開到窿擺嘢就唔講，淨係話明明有個大盒，點解唔比我擺嘢

最好緊係填左個維港佢好 以後海都唔洗過
返正都係大白象 有野出黎總好過依架困獸鬥
佢唔係呢到大白象就會係其他地方拎返架啦