官網幅圖係有少少罅嘅
如果好大力㩒粒件落去都仲有條罅,可以試吓拆返出嚟斜斜哋剪短枝樁,再裝返入去睇吓條罅會唔會細咗
水口色差係正常,俾你用埋拋光劑都係喺度
呢樣一係開無視大法,一係上色,或者試吓噴消光睇吓會唔會冇咁明顯
不過中間嘅白點係白化,代表剪嗰陣把鉗太鈍或者剪得太貼拉扯到啲膠
可以試吓用指甲刮,下次剪水口剪遠啲
或者買把神剪
山仔係因為砂紙太軟磨唔平水口
要用打磨板或者銼刀磨平,再用砂紙磨走啲痕
砂紙磨完有花痕代表用太大力或者砂紙號數隔太遠
壽屋囡囡ABS膠由#800開始磨就夠,#600係用嚟大執(段差、表面收縮 etc.)
花痕就用粗啲嘅號數再磨一次,磨到冇痕先換大no.嘅砂紙