其實唔識真係唔使衝出嚟
女權從來都冇令「大家唔覺女人會性騷擾男人」
好簡單,古代有冇女權?冇
咁古代人係咪就會覺得女人會性騷擾男人?
你諗下就知當然唔係
事實上大家都唔覺女人會性騷擾男人,但女權係近代先出現嘅觀念
咁有咩可能有因果關係
咁點解「大家唔覺女人會性騷擾男人」,咪就係
父權思想囉
因為父權系統裡面,男人喺性方面係強勢、主宰一方;女人係弱勢。所以大部分人嘅mindset就會覺得男人一定唔會係性受害者,而弱勢女人就會受害。
亦都係正正呢個思想,先會導致大部分男性喺性騷擾、非禮、強姦嘅個案都會被瞞報。性強勢嘅男人居然被女人非禮,講出嚟會傷自尊,同埋會被其他人睇唔起。樓主嘅個案正正係咁,樓主覺得被性騷擾,但清潔阿嬸就覺得「男人有咩可能會被性騷擾」,所以窒返佢。
女權出現,就係要將男男女女都喺父權思想鬆綁、解放出嚟。上面都有人講咗。所以女權推行得當,男女都會受惠。咁當然,有啲女權撚唔識又要講女權,自然會覺得過火。
講咁多唔知你明唔明,只係想講女權並唔係要打倒男人,唔需要咁抗拒。父權亦都會壓逼男性,所以請唔好擁護佢。