開汽車美容店 你問下 我又答下 (2)

係啦係啦 tg你俾嘢你做

露晒底 鍍膜前唔打蠟 直接搽上去

漆面問題 洗車仔邊識咁多
翻噴時催谷件嘢，搞到生熱痱，細窿可以打蠟，大窿要翻噴

鍍膜水更方便 效果比噴蠟好
樓主背書式回答 答完好似冇答咁都幾勁

其實呢唔好再用d 土炮字眼 打腊。 香港d 汽車美容 ， 拋光又話打腊， 上sealant 又話打腊， 又話要打5 6 7 層。

都啱 不過我個行得打蠟
汽車美容 又打蠟 又研磨 又拋光 又漆面調整

師兄，想幫架車做番小小保護，希望公路無咁易俾沙粒彈花，又或者洗車輕鬆少少。

最正應該係ppf，不過價錢問題，宜家target做鍍膜。見市面又7H三層，有d又9H單層，其實應該點揀？

係啵 真係靠你提一提我先醒起 真係唔該晒你
我開完Post之後發現自己打錯咗TG Account
原本都諗住更新返比人搵到我 不過我驚有啲行家或者Haters惡意攻擊 所以就無話返比大家知 又唔記得講返呢個Account 唔會搵到我 呢樣野真係要同大家講句唔好意思
BTW 應返你先, 首先非常多謝你有同我公司合作既諗法 不過暫時嚟講唔駛搵我做喇 一嚟我地都做唔切啲單 二嚟我地公司都揀客做
始終我唔係果啲咩單都接既公司 我公司方針係要求合作伙伴一定要有返咁上下專業美容知識 唔係果啲靠呃靠氹既公司都會合作 所以比較少同新既公司合作 再次多謝你既好意先 如果有機會我一定會考慮同你合作 多謝你既欣賞

鍍膜前打蠟 呢個做法確實我係不敢恭維既 喺我既學習裏面 打蠟同鍍膜唔應該同時共存 如果最後要做鍍膜 拋光研磨時都應該盡量唔做蠟去處理 即使用咗蠟去處理 亦應該上鍍膜前將蠟完全清除

當然唔係話用蠟去清靚架車係錯 只係上一代學既做法係先用蠟打好個底 因為佢地果個年代唔興做鍍膜 所以唔會有影響 最後都係上蠟 但去到新一代有更好既做法 拋光研磨都可以唔用蠟去做 無話邊個方法必定啱或者錯 只係時代變更後會有更多合適既產品配合返新方法

如果你都想知多啲新知識 我都可以推薦下我覺得比較合適現代既書比你 希望呢個行業既人可以做得更好

確實我都唔係做咗好多年 而且我好相信術業有專攻呢樣野 始終我唔係做咗好多年果啲老行專 總會遇上我無咁熟悉既情況 所以我都希望可以有更多專業既行家可以答多啲唔同既問題 大家交流討論 或者學習都完全無問題

雖然我唔知你會點稱呼自己係一個咩定位 可能係整車師父 噴油師父 或者係其他更加勁既名 不過依我呢個洗車仔所睇 根據我入行後遇到既師父所教 凡事都必需先搵出根本原因 再落判斷 然後用最小傷害性既方式一步一步解決問題 咁先係真正對車主有好處又做到口碑既生意手法 所以先要問多幾句 睇下相 甚至見到實物先可以比到一個可行既方法點樣做

當然你作為一個咁強既師父 可以由二十幾個字既文字描述就立即判斷到係咩事 唔需要知道任何前因後果 都係我希望做到既事情 不過我經驗不足 唯有問多少少 知多少少 先去答個車主 以免自大地答咗啲可能錯又可能唔啱又有機會搞衰架車既答法 始終每位車主架車都唔係平價貨 每一個想做返靚架車既車主都唔想比啲無料既車房為咗搵錢而亂搞自己架車 所以唯有問多少少 希望見諒

請問你指既「鍍膜水」實際係咩野?
比噴蠟好既地方係咩野?
車主既需求係咪可以用「鍍膜水」解決?
因為可能我唔夠了解車主實際上既需求係咩 所以理解唔到佢最終想要咩野 所以希望你可以分享多啲如何喺咁既情況下可以了解到車主實際要求 希望你可以分享多啲知識比大家 等大家都可以學習到多啲汽車美容知識 多謝你

好多人都諗住用打蠟兩個字去解釋晒全個施工流程 呢個其實唔係話完全因為果個人錯晒 只係因為學師時 師父無真正理解及解釋到到底做咗啲咩野 導致學習既人都只係以為用某個產品就可以做到咁既效果 而唔知原來唔同車漆 車款 年份 花痕深淺 等等一系列既因素都會好唔同 而且無諗過要學更多新既知識 渣住自己果套墨守成規 每日喺度閉門造車 仲要覺得自己果套係最好 做得唔夠好既野永遠睇唔到 所以先會有今時今日咁樣既汽車美容 講真台灣同中國對呢方面既知識由當初無香港咁好 去到今日好多人都做得好過香港 只能講香港人食古不化 而且青黃不接 以為自己好勁從來唔去學新知識

如果驚比公路上既沙石彈花 基本上可以講鍍膜幫你唔到
如果你想唔好咁容易比沙石彈花 可以考慮做PPF 當然又要睇你車漆咩色啦 因為始終係一張膠膜 你話完全唔變黃係無可能既 但係如果你係深色車漆會無咁覺眼 加上好重要既前提 你必須經常洗車 而且唔好用垃圾料 先可以成立到
如果做Coating 你可以直接講你遇到邊一間點樣講
因為Coating 唔係硬=好 但硬亦唔等於差 最緊要係Coating 既牌子 配方係點樣 因為Coating 既硬度唔係鑽石硬度 擋唔到石仔花 如果你想因為做咗Coating 而令車漆唔會花 可以放棄呢個諗法

全港應該得你咁前衛 唔打蠟鍍膜
唔怪得要上連登搵客

唔識鍍膜原理既 會用蠟去做前期清車功夫 呢個係老一輩既慣常做法
如果有真正理解過成個物理原理 就知道應該盡可能避免用含蠟產品做前期清車 雖然含蠟產品容易做好清車既功夫 但上鍍膜前需要做好除蠟除脂 如果用咗蠟做打車清車既話 真係要做返足功夫 結果得不償失 唔係話用完全唔含蠟既產品 但做鍍膜應該盡可能避免喺漆面仲存有蠟既情況下施工 呢個係好多書都有教既物理知識 雖然鍍膜粒子理論上比蠟細 應該唔會有影響 但淨係用好簡單既物理諗法已經知道無蠟喺面層擋住會好過有蠟喺面層
雖然我唔係大師父 好似你咁樣三兩十個字文字描述就話自己完全了解到發生咗咩事 不過我知道凡事檢查多兩次 了解多少少 總唔會錯得過判錯案既
等同於我會盡量跟返有根有據既物理理論去做 就算當我無做得特別好都希望做得足夠 而唔係亂咁嚟

一撻撻

白電油溶咗落去油漆度（水性）
試下過二千砂紙先再打蠟

裝大頭鬼 全港都係打蠟做好個底 之後脫脂劑
你本咩書咁有前瞻性 介紹嚟睇下

完全救得返機率不大 清除到部分已經算好

咁由得佢巴打知唔知成個頭冚噴返珍珠白大約咩價位？

1xxx-6xxx 一分錢一分貨

想搵你洗車啫，唔洗隔成日都冇回覆呀？
定咁少事就疑似block咗我

唔覆你正常，因為佢間鋪好似執咗

唔係掛