求救！揸兜信用卡被盜用，銀行意思想我硬食

渣打做野係咁 我之前都係 永不錄用

Sorry我更正番，佢係話7.9美金運費，但send左兩筆英磅既受權過嚟，呢一下我己經即刻打左比銀行，其實我係冇授權過

自己入信用卡資料+OTP驗證埋
責任一定歸你負責

樓主中左釣魚網已經衰左啦 自己入埋OTP就更加走唔甩
上到金管局都一樣 銀行大條道理唔會食

自己無保管好自己財物 係自己責任，除非你話銀行錯失，如果唔係點解要為你既On9 賠比visa master

做過銀行dispute team

公道d講 自己比人呃左 銀行唔幫你食都合理呀

唔通d人中左電話騙案 過左幾千萬 銀行都要幫佢食

樓主要反醒下點解會信個sms

邊有商戶係未有授權情況 主動用你信用卡 再要求你授權收費架

Sorry我更正番，佢係話7.9美金運費，但send左兩筆英磅既受權過嚟，呢一下己經即刻打左比銀行，其實我係冇授權過呢兩筆數
Sorry 之前講得1999，其實係我女朋友被盜用唔係我，我依家問清楚返成件事

如果你無授權過
無俾過otp
咁個sms銀碼係幾多已經唔重要
做咩你一直強調7.99美金令人誤會

我永遠會開一張卡，1萬額，專係比海外網購用

因為我之前將個重點擺咗喺原先個授權係講緊7.9美金，我以為我女朋友授權左，但被盜用嗰兩筆數係total 5000英鎊，我問清楚番晒成件事再整合返之後係冇授權過任何數，我女朋友話見到兩筆英鎊更加唔會去授權，就已經即刻打咗俾銀行

唔洗理條友係人都唔想負責 大把傻仔中左釣魚網都唔知 以為自己真係無責任tim

因未經授權交易

唔好意思咁多位，係我講得1999, 因為我之前將個重點擺咗喺原先個授權係講緊7.9美金，我以為我女朋友授權左，但被盜用嗰兩筆數係total 5000英鎊，我問清楚番晒成件事再整合返之後係冇授權過任何數，我女朋友話見到兩筆英鎊更加唔會去授權，就已經即刻打咗俾銀行

Pin la

搞大佢 一上東張西望就無事

我有3張大貓卡，網上，apple pay , 實體卡，一齊用，用咗5年，乜事都無。

但用渣兜，淨係用實體卡+apple pay ,淨係有優惠嘅商戶消費，無網上消費，張卡唔夠半年，就已經比人盜用咗，check 到5項喺巴西嘅交易，合共8千幾港幣。
唔明點解咁都可以俾人盜用到。

拿 簡單講 你女朋友有無入過任何金額既OTP先？
有既真係9成9無得dispute

無入過OTP都仲有得拗下

你試下search下東亞定唔個恒生卡post
之前有絲打死話唔關佢事唔會比錢銀行 開左Tg group

我比過意見佢 自己之前做過fraud team
你睇下佢最後有無還

其實通常點盜用

真既confirmation msg 比人騎劫左，你收到個訊息係假既，明明碌緊你幾千但比個假msg 碌你一蚊美金，唯一個OTP 係真既
當你自己打個OTP入去時即係你授權左個 phishing 網站扣你錢，銀行就可以唔賠，因為佢已經盡左佢責任用左OTP 同你確認左，但係你自己冇確認手機安全比人hack 左msg ，好似係

報MA 俾足資料MA話你淨係授權過7.9美金
叫銀行自己查返自己點解會放左5000英鎊出去
同埋d SMS要screen capture 俾埋MA
經MA既投訴銀行7日內要覆既

一向都唔太信 信用卡 , 覺得好多漏洞 .

想請教你授權意思 , 假設李加誠去酒店 , 咁李加誠用張黑卡信用卡授權酒店收錢啦 .
李加誠叫 room service 叫左枝紅酒 , 5千蚊 ( $5000.00 ) , 咁酒店就透過之前既信用卡授權收左李嘉誠 5千蚊 , 而唔需要每次飲飲食食都問一次授權啦 , 呢個正常使用情況 .
但如果酒店員工出錯 , 金額入錯左 50萬 ( $500000 ) , 都一樣過到數嗎 ? 李加誠無辨法叫停銀行唔好俾嗎 (唔 cut 卡之下) 或者取消酒店授權 ?

我問清楚女朋友，佢係冇輸入過任何OTP，佢話一見到咁大額嘅數梗係唔會授權，當時已經即刻打咗俾銀行

重點係 你授權7.9可能就係授權緊5000英磅 不過呢點你可以同銀行搞清楚5000英磅果兩筆交易 佢係用咩方法搵你女朋友授權既

如果你女朋友拎左5000英磅果兩筆既OTP 黎入落去phishing 個website既話 就應該無得拗了

我搵吓個post先

用一個回覆打清楚件事, 然後pin啦
唔通你個個post都覆呢啲咩