介紹番
呢條友係勃艮第公爵大膽查理
喺15世紀勃艮第公國靠住喺百年戰爭中
係咁跣佢老細法蘭克王國
而變得越嚟越強大
傳到去大膽查理時
佢已經不甘於做一個法蘭克王國旗下嘅公爵仔
佢要將勃艮第公國升格成真真正正嘅王國
同神羅、法蘭克三分歐洲
嗰時嘅勃艮第公國係咁嘅
擁有低地國呢塊肥到漏油嘅領地
佢的確大把本錢
實力強到連佢老細路易十一都要忌佢三分
之但係喺佢嗰條掘起之路上
有粒絆腳石仔---洛林公國（上圖淺啡色）
呢粒石仔將勃艮第一分為二
吓吓調兵遣將交通貿易都要睇洛林公爵面口
咁樣搞唔掂嘅
於是佢就發動侵略洛林公國喇
嗰時作為歐洲最大錢嘅領主
佢嘅軍隊有好多新奇嘅玩具
好似火槍火炮呀咁
仲有佢喺歐洲各地所招募上萬人嘅僱傭兵
對住洛林公國如無意外真係食豆咁食
不過洛林公國同喺佢隔離啱啱成立嘅瑞士邦聯有好密切嘅貿易關係
瑞士佬啱啱先打到佢老細神羅叫救命
如果畀勃艮第吞咗洛林嘅話
唇亡齒就寒㗎啦
於是瑞士佬就全力幫洛林公國喇
大膽查理雖然揸住咁多火炮傭兵
不過喺嗰時火炮戰術仲未成熟
尤其是喺洛林嘅丘陵地帶更加唔靈活
面對喺山地出生、當時歐洲最強嘅瑞士長槍隊
勃艮第軍隊完全冇招架之力
大膽查理連輸三埸
賭注一埸比一埸大
最後仲喺南錫戰死沙場
死時真正畀人剝光豬
瑞士人傳統“No prisoners, no mercy”
自此強盛一時嘅勃艮第
就畀法蘭克同神羅瓜分
香港中學中史呢啲垃圾科簡直係精神污染