懷疑自己有焦慮症，求救

少少個人分享

呢啲野就好似一個開關咁，一開左唔解決源頭就會隨時發作，利申同路人

但你要有心理準備，焦慮症同抑鬱症係近乎冇可能根治，遺傳基因有關係，個性又有關係，生活習慣同飲食都有少少關係，得部份係可以改變，佢可以透過藥物去控制你腦入面嘅神經分泌物質，但唔可能係長遠之計

巴打加油，好多同路人。返工係好大壓力，不過，記住，呢份工都唔會做一世既，有時啲嘢唔好太上心。我會聽下啲positive既歌，仲有跑步或者岀汗既運動都得

我就係咁 愈叫自己睇開愈冇用 但又唔知可以點樣鬆左手頭上嘅焦慮感

好同意，我性格係好認真，我亦都同你一樣 就算脫離左 都唔知將來會唔會都係咁

係呀 周不時突然會黎料

驚工作表現唔好/唔ot，比上司屌，但其實上司從來冇鬧過我 一味淨係自己得個驚字

曾經有個朋友同我講過金石良言，話睇唔開，咪合埋眼
即係呢刻睇唔開既，就不知抖下先，放鬆左先 無謂迫自己
可以試下478呼吸或者聽下啲meditation ，頭五六分鐘係最難，慢慢做就得樓主撐住

呢份工唔岩你做
唔好等啲撚樣話做夠一年再轉

明明你身體都俾晒signal 你
我之前份工做到成日燥底
日尻日諗係 聽日個進度點
下午要安排邊到搞野
講緊做到個人有焦慮 加埋
成日嬲 情緒係唔穩定

好明顯係工都唔撚想翻 最後叫轉左工
個人先叫平和 同埋無咁偏激
希望你可以轉換下環境
唔係只會生活係輪迴裏邊

我就係上份工咁樣 所以轉工（但同一行業）點知新工做幾日又焦慮。巴打你轉左工定轉左行？

冇錯！我都evaluate緊自己問題係邊，如果源頭係我到 就算轉工轉行都會係咁

我之前係落地盤夾野個邊
個人偏內向 同埋 好易緊張
上份工做左半年個時發覺焦慮多左
到八個月個時工期趕
咩都趕要交 會又要開 個工程又要行地盤
明顯感覺到 自己條理性線堅真就嚟斷

之後轉翻份單畫工程圖 （性質係一個外 一個內）
咁做自己有興趣既野 同環境又ok
個種熱誠 同埋 毅力明顯係對翻自己有信心
當然好同事 好上司 只係bonus

反正仲後生 只要唔係追啲不切實際既夢
正正經經搵翻份叫有啲前途既工
慢慢去探索同試 會好啲

Thx ching，job security對我黎講都好重要，但我依加份工係project base，一個月一個project，好冇job security

我都焦左十幾年
不過除左兩三次特別嚴重果排係持續食藥幾個月
其他時間都唔洗點食
我覺得你要睇精神科醫生
持續情緒影響日常生活就唔好諗住淨係靠自己
俾醫生幫一幫你
我都好怕適應新環境, 所以初初grad都轉工轉我好勁
之後諗通左, 就算俾我搵倒份超好前途既工如果我頂唔順做唔長
果份糧都唔係屬於我
所以搵左份興趣較大但冇咁好前途既工,
竟然就開始建立倒自信同滿足感
工作焦慮慢慢少左, 完全適應倒
你睇完醫生之後都要靠自己既, 有幾樣野可以幫倒你
工作態度(盡力就可以,冇左份工/比人炒都唔洗死),
運動 (呢個大家都知)
多接觸陽光(少見陽光會抑鬱),
多接觸樂觀既人(因為負能量係可以傳染, 自己已經唔開心, 唔好成日聽人放負)

感激巴打，小弟就係工作上冇乜自信，即使完成到d task都唔會有，本身性格問題，好容易受人影響，例如人地話我一句會令我好唔開心

焦慮+強迫5年患者
依家日日都過得好開心

去到影響生活就最好唔好諗住自己解決到
情緒病除咗環境性格影響
遺傳同基因我認為都佔好大比例
建議你試吓做啲放鬆情緒嘅嘢
遠離壓力來源
如果都仲係唔得就考慮吓搵醫生攞意見
醫生會評估你嘅情況
我諗好過你喺連登聽我鳩噏

我知依家好辛苦
但係拖落去唔解決
話你聽會更辛苦
我就係遲咗去睇醫生辛苦咗好耐

聽到巴打你好番都令我仲有希望，我亦都搵緊我嘅壓力來源係乜

認真，過來人經歷
睇普通科講你個情況
佢會轉介你睇精神科/見社工先

見完社工如果情況唔洗睇精神科多數醫生會開血清素比你
如果要睇精神科就要排期
期間搞唔掂就要比錢出面睇私家精神科

食藥真係幫助好大，精神病香港好普遍，我都係二字尾，食咗年半左右藥

而家做嘢效率高返，訓得到，可以集中到精神，加油

見到上面咁多過來人分享都唔講太多
不過好認同上面講焦慮有不同源頭，而當中存在一啲(非理性信念)，從而令你產生情緒，要學習接納自己同出現情緒
爸打如果feel到自己狀況唔掂真係要向身邊人講
可以嘗試起網上面做評估了解下自己情況先
之後再下一步睇下搵邊一方面專業幫手
It is ok to be not ok！
有需要可以搵我傾傾

Thx 巴打，介唔介意留個tg 日後有需要搵你傾下