懷疑自己有焦慮症，求救

記住返工始終只係為左賺錢而已
上司同事們只係你既人生過路客
佢地唔係你屋企人女朋友好朋友們
所以無必要為左佢地而令自己煩惱架
平時可以進行唔同類型興趣活動
等自己釋放心中工作壓力
加油呀

都係，番緊工果陣都叫好d，一放工開始就黎料，一番到屋企就更加嚴重

我自己都有食開 我係因為屋企問題成日失眠焦慮

我份工好不定時ot，可以今日好得閒，聽日突然好多野做ot到凌晨，呢個不穩定性都令成日諗聽日洗唔洗ot

想快咪睇醫生，我就靠自己捱過去，因為唔想食藥

食左係咪真係訓得好左？

唔係，因為我有嘢做定係失業嘅時候出現過呢啲症狀，應該係工作太大壓力又唔得，冇野做零壓力又唔得，人嘅性格有好大影響力，有啲人唔做嘢食老綜又唔見有焦慮症，你話性格同心理有幾大影響力

我突唔想食藥，巴打可唔可以講下果陣你點捱過去

就咁聽你講 睇唔出份工壓力大到足以返到有情緒病
你boss 實際上有冇語言暴力你？ 或者其他同事欺凌你？
另外有冇可能係其他壓力來源 但你唔方便講/唔想諗起
所以潛意識默認係工作導致？

因為通常離開左壓力源 焦慮症就會馬上有好轉
你現在感到焦慮 有冇可能係你並未離開壓力來源？

有冇可能同遺傳有關？ 屋企父系 母系家族裡面有冇人有情緒病病史？

巴打有冇食藥/睇醫生？ 我性格都係似你呢種

另一半陪著
冇就試吓轉吓環境，唔係轉工/搬屋，係叫你改變生活習慣，即係好似上面巴打講叫你內心強大D

醫生話 退黑激素唔係每個人都有效 50/50咁
我自己食過冇咩用

之前份工好大壓力令到我有焦慮 但呢份新工暫時都冇乜壓力 但就係唔知點解d焦慮問題出晒嚟

我上個禮拜未番新工完全冇野 好正常 所以我覺得係工作影響

冇聽過屋企人有情緒病，只係聽過老母曾經有產後抑鬱

返工期間得閒就偷下懶嘛
用手機睇新聞影片相片
覆WhatsApp
上連登
打機又得

一時時架 同埋食奈左好似冇乜用

所以藥都唔可以長食，要久唔久轉吓

我都有咁做令自己舒服d 但唔知係咪咁 令原本嘅工作拖延左黎做 令自己好驚做唔切

有睇過醫生食Xanax，但唔需要再見佢，佢判斷我係輕症

試下去做下行為認知治療
話比自己聽 呢份工已經唔再係以前個份 唔需要再焦慮/感到害怕

焦慮本質係有害怕情緒係內心 但無處釋放
試下去打拳打沙包 將沙包當做你前boss
冇沙包打下枕頭都得 最好邊打邊鬧 重點係釋放下d情緒能量
或者隔日做半個鐘運動都對情緒病好有幫助

謝巴打，老實講我又真係呢排冇乜做運動同埋都覺得自己係有害怕情緒係內心

我諗我都要睇下精神科醫生

清試試睇下醫生
去到嚴重影響你生活
唔好再自己搵方法啦
你呢啲情況好普通
醫生會幫到你

唔好拖，加油

我有啲類似 fresh grad first job對份工睇得好重
之後又被前腦細chur爆
一開頭都係成日訓唔到，之後發夢見到腦細，
最後都係抑鬱症～
訓得唔好係身體一個好重要既signal，
訓得好其實內心情緒都會好少少

btw我最初係走去門診同醫生講我訓唔到，醫生就開舊式敏感藥比我助眠（黃色，藥房$0.5一粒，公立收鼻水專用）你可以參考下 最好就都係問下醫生

其次 當你焦慮又黎既時候，可以試下478 呼吸法
可能冷靜返個人

過來人經歷覺得，愈叫自己睇開啲愈無用
與其睇唔開，不如放鬆左手頭上既焦慮感覺先