機械人產品綜合討論區 #24 謝絕老翻 歡迎互毒

唔理啦
volt tekka先啦

老千得個殻係日本ga ja
日本得十幾丁友做分銷+拎版權
個餡係香港公司黎

盒parts好似咁多人後追

大致係咁, 但日本個邊應該都有造型師參與

應該唔啱，依家已經分家咗兩間獨立公司，planning，攞licence, 設計產品啲前期嘢應該只係日本千值做嘅，佢哋比設計香港千記再去做大量生產， 所以上次日本千值因為佢哋未收到貨，隻SRX R1 香港到咗成個月都唔派得，而且兩個市場嘅貨內部有做marking, 水貨唔受保。

巴打真係好專業

謝指正

blade好似不嬲都係矮d，Evil先大隻霸氣

其實唔係
你高估左日本嗰間千值練
實際上香港老千先係大佬，日本嗰間係下把
日本千值夾夾埋埋得10幾個人
主要作用只係負責拎license +日本區銷售權
除咗呢兩樣嘢之外嘅都係全部掉晒俾香港做

下面有詳細解釋，但TLDR自己走寶

講真
點解會有日本同香港千值呢兩間嘅公司呢？

其實原本係有香港千值練(2006年)先，由兩個日本人加一個香港老細響香港創立
而呢三個人入邊，香港老細好似最疊水
本身自己有間公司專登幫海外品牌wing co. Ltd做ODM玩具
有返咁上下人脈，間公司規模都大


成立咗香港千值練後
三位老細本身諗住除咗自己設計玩具，仲同日本動畫拎版權做玩具
但當時日本仲係有一個不成文規定
就係拎版權嘅公司需要係100%日本人持有

所以嗰陣時候三位老細就開始共識，
嗰兩位日本人將佢嘅股份賣晒比香港人老細
然之後自己就去日本創立一間有日本人100%擁有嘅日本千值練(2009年)
作用就係拎版權+做日本分銷
日本千值練會將所有嘅產品版權全部都用ODM模式批晒比香港做（避開100%日本人持有規定)
有錢齊齊搵


實際上，無論生產+設計+日本以外嘅分銷權都係香港千值搞
香港千值練作為一開始已經存在嘅原公司，規模係大過日本好多好多倍
有成條team 負責生產管理設計同日本以外嘅銷售
你見到邊個邊個日本人/香港原型師設計都係香港方面負責
雖然香港同日本千值係屬於兩間獨立公司，冇從屬關係
但千值呢個品牌香港呢邊先係出錢出力嘅大佬
日本千值只係個殼

咁當然
呢間公司都好成功啦，
成功地將呢個玩具品牌切切實實塑造成為一個日本品牌
連香港人都唔知
成功地變做一間生金蛋嘅公司

上面我講嘅嘢全部都係港交所個網睇到
因為個香港人老細除咗香港千值練，仲100%擁有
D4toys+flametoys(即係鐵機巧)+美國千值練同其他公司

嗰位老細姓李
份文件披露左日本千值同香港千值嘅ODM關係+歷史
仲有啲股權分布
你google打香港千值練 股權 第一個result就係

日本千值練係日本既從業人數得12個人
喺東京有一個都幾細既地址

喱個option set其實係咪同初號機嗰幾把野一模一樣

啲人話顏色好似有少少分別
唔sure

都肯定唔完全正確，有部份野odm唔奇，但超碼之前好多隻已經講咗係由其他日本設計公司做設計，如Wings 旗下Chemical Attack, T-Rex, Trigger 雨宮哲等等都係非佢哋公司內部嘅日本外援

千值咁耐真係日本社內設計嘅真係得好小，日本官綱全部部有寫邊個design, 香港官綱先無寫，日本係咪從屬香港我又覺得唔似係，起碼近年啲新產品已經完全由日本優先發佈， 仲有佢哋未收貨你哋唔派得，下克上咩

咁用返呢個理論
其實都唔係日本千值練負責設計
日本千值練究竟有冇能力同資源自己設計係一個問題
香港同日本千值呢兩間公司關係千絲萬縷
兩間嘢同時間第一大客戶+supplier都係對家
極度依賴對方

日本千值練d野基本上全部都係外判哂出去
就算係由其他日本公司設計(無論係香港千值方面請日本公司去做設計提供設計方案，定日本千值主動搵公司設計)
最後都係掉返俾香港做成品


我理解份招股書嘅講法係
日本千值拎版權加授權>香港千值賣設計or日本千值搵設計公司>香港千值生產>香港千值再買返大部分玩具>日本千值喺日本銷售+香港千值係香港及日本以外地區銷售

無論設計係點，回歸原點，以日本千值練本身所創立嘅目的
相信香港千值練對產品最終設計都有絕對/大部份既話語權

份招股書有講香港千值係日本千值既日本境外唯一生產商嚟
除非日本千值有日本製造玩具，唔係嘅話香港千值就係唯一生產商

大家要斟酌嘅地方係日本千值究竟係唔係殻
老老豆豆，
其實都幾殻下
實質業務比較少同單一，搞日本銷售+賣返野俾香港千值係核心業務
賺嘅錢毫無疑問少過香港千值

千值練究竟係唔係真係一間純日本品牌
好似Bandai Tomy呢啲咁純正大和血統
又唔係bor

我自己個人認為
純粹“千值練”呢個「牌子」，香港既血統大過日本

香港就驚日本仔無啦啦飛起佢
日本就驚冇咗個靠山
畢竟千值練本來都係靠香港起家，連個名都係跟返香港本身間公司
香港又有完整生產同設計鏈，好難搵嘢取代

之前睇過佢哋上市果時份招股書，呢份再update咗近年啲新分枝，不過份野冇講明產品一定由社內設計，睇日綱就見到好多產品都係同其他日本設計師合作

講真
千值練呢個brand 好明顯係有心令全世界都相信係日本玩具品牌嚟嘅
兩間公司當然唔係從屬
但日本千值本身設立嘅目的係為左俾香港千值生產玩具去大家兩份賣哂全世界，齊齊搵錢
呢個初心係無變嘅

我覺得要整體d望佢個brand
有好多做日本牌子都會請日本設計師做設計
但咁樣唔代表佢係日本牌子

本身個”千值練”就係香港發明出嚟
日本千值只係緊隨其後
無論點樣都洗唔甩浸香港味

非日本牌子*

講起日本千記同Yamato/Arcadia有啲似，又係本身冇設計能力，只攞licence外判設計比T-Rex, 再外判生產比大陸廠，不過宜家T-Rex接笨大同千記job多到已經冇時間理Arcadia, 搞到A記吊緊命

不過新呢份嘢透咗日本千記同Wing都已經under日本另一間嘢，都肯定港日只淨商業關係啦

商業關係就一定啦
但短期內佢哋個模式應該唔會變
香港肯食返d貨自己走去賣，日本嗰邊無中生有咁賺錢
係邊度搵

Wing+日千
本身就係港千間母公司既第一大客仔
睇嚟好難變
大家都食住大家

咁日本仔都有做planning攞licence揾人合作設計嘅，最新隻雷登揾清水榮一設計好正丫

兩位高人學術交流太勁

同隻合金魂百獸換合金脾增高，再繼續改造Bob渣

巴打想問裝哂之後幾高幾闊 我連隻本體都仲未開 驚唔夠拉放

仲未變型還好，變咗有啲似公雞
始終覺得雷登最有型係action toys隻EX
啲人話佢似玩具
但我覺得好型