躁鬱症躁期緊 好想搵人傾計 你問我考慮答

樓主過咗一年，依家點？
有冇好返d，食緊咩藥？

我由確診到依家已經5年，咩藥都食過哂咁。
依家食緊鋰劑加lamictal 。
上個月頭鋰劑由300減到150mg, 之後不斷有自殺念頭
跟著醫生加返300，到依家450，間唔中都會抑鬱，有自殺念頭，覺得點醫都唔會好，死咗佢仲好

試過晒咁多個combination, 個醫生都好似沒乜辦法，佢話最後叫我試epilim 加lamictal，但有機會有嚴重皮疹，所以揀最後先試呢個combination，真係沒辦法之中的辦法，但係我又驚出皮疹，同佢講暫時唔轉住先

由確診到依家反而愈食愈多問題，例如愈來愈驚同人講野，小小事都好焦慮，好多奇怪諗法，所以愈食愈灰。試新藥個刻覺得有希望，過咗一排先知新藥都幫唔到我，而且多咗d新的問題，愈來愈絕望。覺得自己沒得救，好似咩藥都唔得。

所以想知樓主食緊咩藥，好返d未。當圍下爐分享下

啱啱先見到reply我係改咗名嘅樓主 仲生存
我都試過好多藥 先前嚴重過一排
一日成十粒藥 早晚食lorans+xanax
試埋噴鼻抗抑鬱藥都繼續發癲
訓唔到 成日爆喊 又自殘又企跳
寫晒遺書想自殺
最後overdose咗鎮靜劑同安眠藥
入埋葵涌醫院住咗兩星期

入院後醫生同我傾過 覺得我有d依賴咗藥
試咗幫我減走d藥
而我出黎後都搬咗屋 養咗隻貓
依家好好多
鋰劑 pregabalin paroxetine就得
有時加埋xanax咁

絲打，即係你睇私家醫生都幫你唔到？仲引發嚴重鬱期？
噴鼻個隻係咪好貴，要噴三個月？最後係咩令你有好轉？係因為公立醫生幫你轉過d藥？

咁依家仲有冇睇私家？同埋有冇返工？
如果情緒1至10，10係最好，你會俾自己幾多分？

我依家食緊鋰劑加抗思覺失調藥，算係沒差落去但又唔係好好，可能俾自己6分，間唔中都有d自殺念頭，小小事都焦慮，但都生活到。上次覆診，醫生都沒改過d藥，可能驚我又發作。都唔知點樣可以再好d

嚴重鬱期應該源於本身生活壓力
再加埋同原生家庭吵大鑊
醫生已經好盡力幫我 可惜都撳唔住
噴鼻果隻我淨係噴咗兩次
吸到個人解離咗 有幻覺 行唔穩 但一樣咁鬱
然後我就入咗院無噴喇

好轉我覺得主要因為搬咗屋 同原生家庭保持距離
依家無睇私家住喇 公立d藥仲夠頂
慳下錢買罐罐比主子先

我抑鬱咁耐都一路返工
係入院前幾日真係差到sick leave咗
因為已經完全集中唔到 無心做野
淨係想自殘 整痛自己 自殺
出院後又即刻復工

我諗自己最近應該7.5左右啦
未至於好無煩惱 不過叫做訓到 生活到咁
經過死亡邊緣嘅我對現況已經心滿意足

你住咗葵涌醫院兩星期，即係上司同同事都知你有躁鬱症？
我覺得呢d好難同佢地講

我主要壓力係返工，我覺得返咩工都有人事壓力，做得耐對住某個同事或上司會好大壓力，甚至好驚同佢地接觸。
會因為工作壓力會想自殺，覺得自己做咩工都係咁，去邊到做都係咁，沒容身之處，覺得自己好廢好沒用
最慘係唔返工又唔得，要迫住返工，好似困死咗自己沒得揀

本身老細、熟嘅同事知
因為我成日要拎假覆診 所以之前提過
依家應該大家都知道晒

真係好睇公司人事關係
我同事都好錫我
果排有同事成日跟上天台睇住我
陪我食晏出去行陣
又拉住我唔比我入廁所繼續𠝹手
如果無佢地我可能仲大鑊 或者真係跳咗

巴打你返邊行呀？
真係好睇彩數 我細公司就幾warm的

希望你之後份工順利
始終一日返咁多個鐘工
返工令人痛苦嘅話好難頂

想問絲打你做野忙唔忙？工作量多唔多？做咗幾耐？辛唔辛苦？一開頭做呢份工時pick up得辛唔辛苦？

我轉左新工之後，做得好辛苦，好多野記好多野學，要你短時間內學哂佢，又多adhoc 野，要突然間處理，返咗三日已經好大壓力，成日好緊張。

好多身邊人話返新工係咁架啦，但係真係好辛苦，集中力好差，記性又唔好，理解力差，返返吓工，又突然間好想死，有時有驚恐。

因為政府工，好多人對我有期待，希望我做得耐。但真係做得辛苦，成日諗係唔係自己問題，自己抗壓力差，又咁容易緊張。真係好廢。

同埋絲打覺唔覺得次次鬱症發作之後，抗壓力低咗，專注力差咗好多？有時集中精神聽人講嘢都好困難，講嘢又係專注唔到。

我驚之後返新工都有呢個問題，好容易驚又緊張，以前都沒咁嚴重。

有冇躁鬱症朋友病到返唔到工呀