保險問題 理性討論 佛系你問我答(3)

THX 巴打

公司有group medic，想買多份醫保，買傳統高端定自願醫保好

睇有冇移民打算

有就普通醫保 冇就買自願醫保

又或者ai_ 隻定期危疾都OK嘅

五年調整一次保費 保障範圍算係咁 可以睇睇

暫時未有 我睇左AIA份ceo同自願醫保 ceo癌症非手術無指明保邊類型治癌 而自願醫保就指明係保電療化療鏢靶療程之類 係咪代表第時有新技術 ceo plan會照保 自願醫保就唔包？

自願醫保嗰隻就OK 㗎啦

因為你如果係屋企人一齊買一定係要考慮折扣呢樣嘢，你知溝沿係會仲平過你買李澤楷，李澤楷仲要係本身個人市場街客來講賣得比較平同埋性價比高嘅選項，你c記折扣完係同佢幾乎一樣嘅價錢咁冇理由唔做

Bup_ 隻公務員唯一可取嘅地方就係可以保障已知現存疾病，簡單講就係我知道自己中晒招㗎啦都可以照買到，相對地個保障範圍就好少得幾十萬，大病未必夠用。同一個保費如果買其他公司嘅醫療可以買得更加好

你係咪講緊CEO2？佢下面呢個位咪有寫包邊個治療方案，基本上個個都有寫係指明要用邊類型方法個喎，爭在係寫喺細項定係寫喺隔離，所以基本上一定都會有限制嘅。佢冇可能寫一啲根本就唔知道嘅技術寫喺入面，咁點樣計算個成本

明白 可能我睇漏 唔該晒巴打
公司有medic係咪買2萬5墊底費果隻就可以了？

保障嘅疾病比較少

同埋佢都係每五年調整一次保費 相較之下紅A個定期危疾會比較好包得多啲病，但價錢就貴返少少

得38種真係比較少，不過上網有得買算係幾方便

藍十 佢呢間公司主力係做gi即係一般保險生意為主

咁如果以我之前索償嘅經驗去睇，算係不過不失嘅，但係有時會搏大霧咁樣，需要自己睇緊少少

如果我就咁睇個保障範圍同埋價錢咪都係同李澤楷差唔多，係個每年限額同埋終身限額比較高，cs服務OK嘅起碼電話打得通先，佢而家好似做半價都吸引嘅

買左李澤楷了 但仲審批緊🥲🥲🥲 唔知受唔受保

紅A最高都淨係可以買到25000 你都冇其他選項啦

同埋有公司醫療只係講緊可以幫你負擔幾多部份嘅薦底費，如果你本身公司醫療都係廢廢地，可能15,000會比較好，如果係本身包得好足好高限額50000 75000都係可以選擇嘅範圍

公司果份係AIA 004 plan

年尾 生意比較多 佢呢排都批得好慢
Premium financing生意銀行嗰邊都落晒最後通牒 話要8號前好交晒佢 唔想積過年

有冇得upload嚟睇吓 你遮一遮住其他

就咁講我都唔知咩嚟

同埋如果衰咗你咪睇下c記

最近有個巴打同我查詢 有depression食緊藥都買到 只係不保精神疾病 其他都OK

而家就幫佢睇緊其他公司嘅醫療有冇得做到，盡量想幫佢壓低個價錢

有考慮 但唔知可唔可以同時申請[url]你tg係？ [/url]

Sorry ar 唔會留低TG 架

自己搵方法處理 有緣份搵到我嘅咪可以搵我 冇緣份嘅你就咁上網買都唔會差嘅

最多有唔明你係咪喺呢個post度講吓

C記自願醫保係咪算偏貴果d
不過見佢有出院免找有第一日就保未知病症
雖然已經投左保 生效緊

唔該哂巴打 我去問一問

如果街客價咪中間偏上 未去到最貴
Broker agent 一樣價錢嘅大家同一個保費表

公務員又或者係本身同行會有同業優惠 有終身八五折咪同 李澤楷差唔多

我上個禮拜先轉咗c記咋嘛 今個禮拜都生效咗 我都係早一兩個禮拜先發覺原來我有呢個員工優惠 我見差唔多到期就轉咗佢

同埋佢未知現存疾病 買咗第一日就包係幾吸引 其他公司都要等一段時間 李澤楷都31日

出院免找數就係要預先申請嘅，唔係衝入醫院就用得，呢個係講緊例如個肚唔舒服就睇普通科普通科轉介專科，專科幫你book時間入醫院做檢查或者手術，咁嘅話呢個預約過程就會可以做到。但係如果係講緊例如半夜衝入醫院呢就要自己找數先啦

你唔做嘅話咪申請唔到 因為保險公司嘅角度係要你有個明確嘅情況佢先落到判斷

如果例如係醫生覺得有需要觀察 但係一直落唔到判斷嘅 係保險公司角度都係個風險 佢咪要睇清楚個風險先可以決定俾唔俾你買

如果保險公司叫到你都冇辦法啦 都要去做 除非唔想買住