保險問題 理性討論 佛系你問我答(3)

冇病冇痛嘅話
C記歡迎你 我覺得買呢啲保險最主要都係想對沖大病風險 買高端會比較好嘅 即係自願醫保優越

如果本身有病歷或者真係已經知道有事
建議你買美國bu仔 佢隻公務員保險係包已知已存在疾病 基本上係生過cancer又或者本身身體有殘疾都可以買到同埋作出賠償 不過缺點係同一個保障正常人買佢同公司另外一個產品會更加平同等候期半年 算係比較獨家嘅內容

打電話問吓啦 好似合約都有㗎 係公務員體制就難講啲 係有老師講返我知係唔得

你呢個係自己去做定係醫生建議先，如果你做咗嘅話我覺得你可以照交上去，因為始終都係有記錄存在同埋唔知你喺邊度做，交上去冇壞嘅，如果有事嘅話醫生已經係捉住份野同你講啦

平時入院都包 呢個點會唔包

琴日剝完智慧齒啞咗一日

休息多d先 有咩我繼續龜速打字覆返大家

保險新手，想幫親人買保險，想請教

1. 親人岩岩發現要洗腎，係咪已經投保唔到任何類型嘅保險？（非公務員）
2. 如買c記自願醫保（優越）係咪已經可以包晒治療危疾嘅費用，唔使再買煲呔戰癌保果類？
3. 由於儲蓄危疾較貴，預算有限但又想保障範圍多啲的話，係咪應該揀部份買儲蓄+部份買定期？
4. 儲蓄危疾見大家提168同無限，無限個sales 話168包嘅病其實無限都包晒, 想問吓係咪呢隻產品係保存保障嘅疾病係咪最全面？
5. 同埋好奇10Life top10儲蓄危疾產品點解無無限嘅，係咪有伏位？

1.應該係就算買到，都好難會再包括到腎臟呢啲器官引起嘅疾病，同埋買其他保險就限制會比較多，唔係話一定買唔到嘅，都係要睇類型同埋個醫生點評估個身體狀況。

2.係，因為佢份保額好高，唔需要再另外買一個去補充個保額

3.絕對可以啊，預算最好嘅就當然係全儲蓄，預算中間嘅就兩者混合去做，冇乜預算嘅就唔好特登全部買儲蓄，買定期就可以啦，重點係最重要係足額，買唔夠額就冇意思。

4.可以咁講，但係其實呢我做個對比呢應該係有10隻左右嘅冷門疾病係冇包到，你自己對比返就會搵到嗰10隻，冷門嘅。唔計呢個嘅話無限個保障內容同埋呢個保費算係市場入面算係唔錯嘅選擇

5.應該有㗎喎，早幾個月佢仲喺度個喎，我一間入去睇吓先

C記相對寬鬆好多 你可以試吓佢

請問你幾多%係儲蓄同定期呢？

感謝回覆 好詳細 #3如果揀部份儲蓄，保額應該定幾多好呢？唔知點樣計好

#5 岩岩再睇都係見唔到

另外想問想買儲蓄危疾買比bb，有冇推介呢？

佢嗰隻叫跨越無限 你拉落去會見到 頭先我都見到有佢


BB我就會建議你買無限 佢包好多先天性疾病，同ad hd都會包含，同埋基本上因為無限次呢個概念，都諗唔到會有啲咩再可以大革新，除非疾病再多落去，如果唔係小朋友可以用到大個都唔需要轉

oh, 其實我係指係Top 10 終身危疾保險果度見唔到無限，所以諗緊係咪有伏位
咁大人（30-40歲）又會建議邊隻好啲呢

想問下168係咪真係見左面同做財務策劃先會比報價？個agent 話唔可以就咁同佢講幾歲幾錢就可以比報價，話咁做會犯法，想問下佢有冇呃我

係咪即係第日取消無限的話，會有機會拎返本金？

另外係知唔知呢兩間邊一間批得鬆手啲？