保險問題 理性討論 佛系你問我答(3)

bo記標準醫保，住半私家級數係唔會有50%調整因子

而靈活醫保就只係（額外醫療保障）呢part有半私家調整因子

有冇研究C記 VHIS 優越 最新果個大房plan

你想討論bowtie買唔買得過 定係想問個問題係咩

如果你冇病冇痛冇病歷嘅話 亦都覺得佢保障範圍同埋保費比較適合就可以轉換過去嘅

如果本身已經係有過病歷或者病歷嘅，我就會建議留喺度，如果唔係你重新買過申報都會好麻煩

我最近先有幾個係買唔到呢間，要走去買c記呢個就會批既，你可以參考上面幾個巴打嘅情況，最後都係順利買到嘅雖然都係有不保事項，但係好過完全買唔到

你係要流血不止先得喎，普通呢隻唔得，因為佢個定義係緊急牙科門診，係講緊突然之間跌親跟住係咁流血嗰啲呢，咁相應嘅牙科處理就會保障到

出院免找數，咪即係講緊你入醫院前同保險公司講定，醫生會出個預計賬單例如10萬蚊，保險公司審批左之後就會直接出個免找數額會等於或者大過10萬蚊，通常都多過既佢會預多咗，咁你咪拎住呢個就去做手術，唔計薦底費嘅話就一分錢都唔需要比嘅，免找數嗰度比咗

一方面懷疑係咪有伏，一方面又喺度話點解要係咁講講到改咗條款自己買唔到，但係講緊嘅都係幾十蚊保費

幾十蚊真係飲杯嘢都冇咗，當買六合彩就唔好用常理去推測，咪買咗先最多咪輸幾十蚊。如果而家呢一刻仲諗緊點解唔係一早買嘅，我都可以好老實同你講就算重來100次，這些機會都不是你的，因為正常想博嘅係坐言起行一見到就即刻買

唯有希望佢唔cut單啦

樓上有人講驚high end年紀大比唔起
我都有呢個考慮

雖然就咁睇未必貴過普通plan好多
因為有deductible嘅plan都比同plan但冇deductible平唔少

基本上d濕鳩自願醫保或者普通plan都唔夠claim cancer或者中風
我有諗過有冇其他辦法

個人黎講覺得cigna topup大房5萬deductible以上幾抵
應該一年唔駛1000蚊
反正生can多數化療唔係住院,大房冇所謂
雖然要自己比10%但相比之下保嘅野多過cancer plan好多
而且cancer plan好多去到60歲以上都好貴


但呢個plan最大問題係只做香港醫療
係外國退休有事就仆街
除非特登返香港做手術

基本上睇晒所有plan
冇plan係cigna topup個價位+coverage
但包外國
cancer plan就反而包外國


結果隨時都係要買份high end 5萬deductible + 基本vhis
老咗cut vhis將high end deductible轉去萬幾兩萬

咁其實一份high end 走天涯咪得
有幾可真係每年都會用得着，你用唔着嘅年份咪會有ncb，同埋慳咗一份每年都要keep住比出去既basic plan。咁其實慳咗嘅每年保費，當自己做下投資又或者就咁儲起佢都好，幾年等於返個墊底，呢個做法係比較適合普通情況。
真係有幾何年年入醫院，都要用得着佢，最大嘅情況咪就係一年有機會用佢咁嗰一年都已經扣咗墊底，同一年都唔需要再比就冇呢個考量。

同埋我相信絕大多數人都係有公司醫保嘅，不論濕鳩定係本身包得好好，咁點都會幫你食咗一部份，退休之後先考慮轉落去低墊底費都得。係自僱人士又或者係公務員體系，好知道自己一直都唔會有公司醫療幫手食墊底費，就一定係揀萬幾2萬呢d位。