保險問題 理性討論 佛系你問我答(3)

我就覺得c記25000墊（半私家）+ b記標準，咁樣買又可保小病，又可保大病，同比零墊底費平
年紀大咗，又可以cut 標準，不知幾好

c記50000墊（半私家）+b記靈活，會比前者貴少少，呢個配搭既保障又唔覺會著數得幾多

都係唔轉了，反正年紀唔太大既話，一年唔爭得幾多錢
同埋將來有機會私家醫院大房都冇乜位置
考慮埋廿幾三十年後，500萬大房張保額未必真係好夠，通漲咁犀利

因為 低墊底換高墊底容易
一開始就買太高墊低費既話，後悔起上嚟想換返低墊又要重新核保
如果我一開始買低墊底費，我後悔既話隨時加高墊低費都可以

睇自己預算啫，我自己年紀又唔算太大，每年無謂慳果$875蚊（c記半私家35歲，25000墊同50000墊既分別）

上面有位ching預算夠，直情買零墊廢事煩都得，但貴好多

我都試答一答
半私家所有費用，都會比大房高，好似差唔多係一倍咁上下

另外
例如 手術費7萬

保單a 手術呢part 上限係4萬
保單b 手術呢part上限係5萬

如先claim a, 就會7萬-4萬，剩3萬claim唔到
然後再claim 保單b, 就變成 5萬-3萬，咁就claim足7萬，保單b仲有剩2萬額添

公務員

考盧買c字頭 尊尚醫療 15000/25000墊底
1. 保單生效之後至少理想隔幾耐時間先做body check？
2. 萬一claim左，公司來年推新product 增加coverage，會唔會唔受我買新product而准我續舊product？

假如買25000墊底
3. 如果想連頭25000都有得claim 無儲蓄成分下有咩好選擇？
4. 咁照野可以claim呢份先 而唔郁到c字頭高端可享受無索償折扣？
5. 見某些plan寫照CT/MRI/PET需要共同保險 咁樣計法買多份／唔買抵？

p.s. 因阿公阿婆患過cancer 所以幾concern呢方面疾病
Thank you

咁靈活基本入半私家房都好唔夠 真係買左點都要自己俾啲

咁就梗係OK

發燒都用到嘅 但問題係你每年比零墊太貴了

呢個情況正常應該係用公司嗰份處理咗佢，又或者簡單你都知道好小事就睇家庭醫生就OK

1. 理論上係即買即可以做，但我就會建議等返半年以上會OK d，最理想就係過兩年先唔當early claim。因為最怕就係你買完之後即刻check check到有嘢，咁保險公司一定係會懷疑你係咪之前透過其他渠道知道咗有事先買保險，一定係會有調查小組。過咗兩年嘅好處就係過咗咁耐咩病應該都一早發咗，又或者話等唔到咁耐，咁就會冇咁嚴格賠償會快好多

2.咁呢個就牽涉兩個情況。第一個，如果係原計劃升級，你自己繼續買緊就會下年自動幫你升級咗，當然啦如果佢保費貴咗就會自動貴咗嘅。第二個情況，如果係佢出咗個新計劃，你仲係持有緊舊計劃，又真係有過病歷紀錄(賠償與否唔關事嘅，係病歷影響，就算你冇郁過份保險睇過醫院就有醫院記錄，隔離恒生保險post成日都撈亂呢個)，咁就真係會影響你重新買一份新計劃嘅，咁呢個情況就唯有繼續留守原有嘅計劃。如果到時都係冇病冇痛嘅，咁就可以考慮轉換做一個新計劃，直到自己身體真係有個病歷其他保險公司冇得再買為止，因為呢個情況就等同重新買一份新嘅單，需要重新核保，咁過唔到就係過唔到，佢亦都有保證續保呢個條款唔需要擔心。

3.又係分開兩個講法。第一個你可以選擇買多一個普通嘅醫療保險，攞嚟應付個墊底費，情況就係先索償普通然後剩餘的再索償中高端醫療，咁就可以最大化減少你嘅自付費用，甚至乎墊底費方面係一分錢都唔需要自付。缺點就係如果你每年冇點用，都一樣係要交緊兩份保險錢，係會比較貴嘅。

第二個講法，揀得25,000墊底就應該要有可以承擔嘅心理。平時出事嘅話小病小痛咪自己應付，過咗呢個金額以上先開始考慮動用呢份保險，咁呢個先會做到分散大病負擔唔起嘅風險，而唔係小病小痛呢啲自己負擔到嘅都要轉嫁出去，性價比會高好多。同埋其實普通醫療嘅保費如果你慳返佢，其實幾年就等於返一個墊底費，正常人都係唔好彩極咪幾年入一次醫院，咁條數咪喺返度，而唔係需要每年喺度白交錢。二薦底費用係每一年去計，咁基本上只要第一單就已經俾咗25,000墊底，咁餘下一年都可以用到全數索償唔需要再比個墊底，呢個亦都係中高端醫療吸引嘅地方。

4.冇錯，同有公司醫療就用公司嗰份先係一樣，梗係用咗個價錢平啲嘅，咁貴啲嘅下年有折扣咁慳返嘅錢咪會多咗。但係正如我上面第三條咁講，公司醫療你唔需要自己負擔保費就梗係可以狂用，但如果個個人保險費用係出自你自己身上，你就要權限我上面講嘅白交錢呢個風險，係咪真係成日用得着同埋係咪有必要小病小痛都轉嫁出去，唔係自己慳返個保費儲埋有需要先動用呢？

5.呢啲位呢就爆硬嘅，咁所以一定係要用smm/ 有中高端醫療(墊底費保險)係後面食住，如果單純只係靠一份普通醫療加smm (只可以cover多出來費用嘅八成至九成，睇唔同公司計劃)你自己都需要負擔一定嘅自付費用，如果想索償多出嚟嘅點都係要用埋中高端先得。

希望答案幫到你，不過其實我應該上一兩個post都有咁講過，可以參考下

暫時未有移民打算就買佢啦

我自己都係用佢 ，保費會平25%，其他多出來嘅升級服務我自己又唔係好啱用，所以呢個平平哋其實幾好，不過我成日都係諗咁咪食唔盡我自己個終生八五折優惠，有時都會諗係咪應該下年轉上去好，跟住再望吓個荷包都係算啦

話說我想問吓呢

有冇咩平台係我可以現場live咁樣講嘢，跟住其他人可以一路文字打問題好似達哥開直播咁樣？

咁我可以可能每個星期有一兩日，大家如果有咩問題係想即時聽到我講吓，又可以即時有互動嘅，同埋最重要係大家都可以公開聽到，大家覺得呢個想法如何？定都係鍾意我文字上面嘅解答多d?

OT:
成日話買左保險就可以住私家
點解依家全香港人中流感就入公立 ???????