保險問題 理性討論 佛系你問我答(3)

理財係需要靠自己既
我一出圖或者公司名就好容易比有心人report
如果大家仲想見到我答下問題呢，就煩請自己用方法去領悟我講嘅野，理解下我係講緊邊間公司同邊個計劃，同埋點樣上網尋找有緣人，有緣份自然會搵到

如果我再俾人ban就真係再幫唔到大家，所以大家如果真係想見到我答下問題嘅就真係唔好叫我留聯絡方法或者好強求要我講清楚係邊間公司，你自己講完我再答你係定唔係會比較好。

要怪就怪呢個行業可能真係形象太差太容易report，再唔係就其他行家唔鍾意我講咁多，所以請各位原諒我點解冇上個post咁圖文並茂咁詳細解答，我只可以用文字加少少抽象去講，唔可以好似上次咁喂埋大家食

我自己好珍惜呢個戶口，承載住我四年呢個行業嘅成長，希望大家可以體諒我，如果支持我嘅可以俾個like我呢個post，你哋嘅支持我會睇到嘅

如果我再比ban就可能證明呢到容不下我呢個聲音，咁就大家到時自己搵方法去得返個答案，我都深信有心搵答案去學習嘅，自自然然都學得識，保險唔係難既野係睇有冇放心機上去，對大家有信心嘅。

首先交代下小弟點解呢排有時潛水有時突然上水先，因為小弟呢排忙緊frm 同報master既gre，之前就係忙做野同cfp foundation(好彩高空飛過)，之後應該就上堂五月就正式再考另外兩份卷，所以時間比較緊張。通常我都係見到有人引用我post就會上水睇吓然後解答，又或者有人私底下搵到我咪解答佢。所以我上水時間係一時時，咪有好多日冇覆過，然後一日會覆好多個咁樣

同埋要多謝係我上一個post幫手答問題個位巴打，有你幫手我輕鬆好多，真心忙到冇咩時間，好感激你

大家如果有問題嘅都歡迎留低問題啦，有咩想問想講都可以傾，除咗人身攻擊既我見到就會覆嘅，但如果你見到我冇覆我唔係唔想覆你，係我忙緊啫

想追問如果係好多年前嘅精神科問題
宜加已經唔洗再覆診呢？
有冇邊間你知都可以買到？
唔該哂

呢個最多係可以試吓㗎咋，睇吓話我呢個已經係完全康復，會唔會有保險公司可以接受到，變咗係你冇得特別揀保險公司，係保險公司揀你。

老實講精神病好難斷尾，佢主要係驚一d傷害身體嘅行為或者病徵。你可以睇吓不保事項係會有寫唔包括咩精神科問題

如果正常確診就應該買唔到嘅，甚至係最寬鬆可以包含已知現存疾病嘅公務員保險，都係有寫明不包括在內。心理病或精神病症，包括但不限於精神病、神經機能病、抑鬱、 焦慮、神經性厭食、精神分裂、行為失常、譫妄症、失眠、神經 衰弱等直接或間接引致的治療(計劃內已包括之保障除外)

你睇睇呢個會唔會解答到你

買到 色拿 VHIS，但會不保精神科病

唔知有冇人識答我呢個問題 ，我老豆係我細個個時幫我供左份英國既兒童儲蓄保險，我依家22歲，份保險一早供完，佢自己係入面拎左一部分比自己買單位，之後前幾日拎左form返黎填資料轉我做份保單既持有人，佢叫我唔好拎哂d錢出黎 同埋如果我要拎錢既話 一定要有我地兩個人一齊既簽名先可以，但我上google查 話只要有持有人既簽名就得，搞到我有啲亂。

第二個問題係 因為我想拎一部分錢出黎做生意 ，但我有私人理由 唔想亦唔可以比佢知我想拎筆錢出黎 佢亦都無比agent個電話我，我點可以搵到自己張單個agent + 拎錢 同時唔比屋企人知

同埋亦想搭post問 由寄返轉權益人既信返去 到我成為持有人 再拎埋一部分保單價值 到我收到錢 大約需要幾耐時間

上個post問到可能將來會去外國讀書, 想買定個危疾先
其實危疾應該係香港買定係將來外國(英國/ 加拿大) 先買呢?
聽你講168同無限評價最好, 不過無限有冇地方比168更好?

係醫療中心做體檢 保險公司會唔會查到紀錄

呢個我上一個post有回答啊

想問皮膚咩保單建議
會有濕疹 玫瑰座瘡個類 療程都快睇左成萬
係咪好少保險會claim

呢啲應該係屬於門診保險喎，唔係屬於住院保險嘅範疇，門診嘅普通醫生同埋專科醫生咪可以claim

不過你而家睇咗咁多即係已有疾病，咁你而家買份門診保險都冇咩用途，因為都唔會包你以前有咗嘅病

如果你公司醫療可以包門診嘅咪用佢睇，可以睇專科的同冇已有疾病呢個限制，通常住院保險嘅公司醫療就一年等候期，門診應該就冇限制嘅純粹係當街症咁睇

呢個今日同同事傾過

照道理轉咗policy holder就只係需要新policy holder同意就可以。另外第二樣嘢就仲簡單，你打電話上去同佢講我嘅個人資料想查詢保單，cs咪一樣會講俾你知，同埋你可以上網download form根據電話得出嚟嘅保單資料填咗佢之後入form申請攞錢，呢個就唔需要經過agent嘅，咁唔經過agent咁佢唔知道嘅時候你爸爸都未必知。

同埋我想問吓你英國嘅意思係講緊英國xx定係真係係英國既買先？不過如果係英國嘅話同香港都係行同一條例，就冇乜影響嘅，係美國就因為保險係睇洲法律唔係聯邦法就有機會唔同州有唔同影響。同埋如果聽你咁講攞一部份就足夠買樓，咁你爸爸買嘅金額應該都好大，我就建議如果你真係有呢個需要嘅都要盡量小心處理以免影響同屋企人關係。

如果覺得幫到你手就幫手俾個like我個post la