保險問題 理性討論 佛系你問我答(3)

俾保險嘅問題煩咗幾日，希望樓主或者其他巴絲打可以幫手俾下意見

今年26歲，月入34k，我而家有嘅plan:
1. 儲蓄保險，$3000/月，供5年，已經供左3年
2. 危疾，$1600/月，供25年，已經供左3年
3. 住院，自願醫保靈活計劃嚟，係上面危疾plan嘅附加契約，每年同危疾plan一齊交，$200/月
4. 醫療戶口，$1500/月，供20年，聲稱供斷尾後可以用滾存嘅利息交老左果陣嘅保費，已經供左2年

而家做咗幾年野同埋有少少投資經驗，發覺自己當年真係勁on9，真係好後悔買咗咁多有儲蓄成份嘅plan再加埋今年開支大咗少少就發覺咁樣落去都唔係辦法，所以想睇下邊啲應該cut左佢

我諗緊儲蓄保同埋危疾就算啦，都已經供咗三年。
係個醫療戶口我覺得應該要cut咗佢，因為睇過樓主係上兩個post講醫療融資嘅陷阱。
但係我個agent又會話，「如果每年咁樣俾消耗性嘅醫療保費，隨着年紀越來越大，去到80歲嗰陣已經俾左成一百萬出去，而醫療戶口就只係擺低3 40萬嚟保障以後唔使俾咁多。」

咁其實佢講嘅情況係咪真係咁呢？入面係咪都有啲謬誤喺度？同埋老咗嘅時候應該點樣買保險至啱？

新年仲咁多人問問題既，新年就好應該周圍去玩下啦

答咗你呢個問題先

1.你呢個會唔會有個計劃名？咁我可以大概評估下你係買咗個咩計劃，不過五年pay你已經俾咗三年，都無謂中間cut咗佢，咪放喺度等佢滾存下。

2.危疾即係買咗咩保額？1600 月供嗰陣23歲應該有接近100萬hkd? 都係個句買咗咩公司先，危疾最主要就係睇你買嗰個計劃係包咩疾病同埋個產品結構係點樣，有咩事可以點樣做賠償，同埋賠償機制係點。咁有咗呢個內容我先可以做個判斷

3.靈活計劃其實可以考慮升級做中高端計劃，因為最應該轉介嘅唔係小病小痛嘅風險而係大病嘅風險，亦都係遇到呢個病嘅時候才正常冇可能負擔到嘅咁先最應該買，小病小痛如果以你呢個歲數呢個收入呢其實我覺得你應該負擔到，再唔係已經公司醫療搞得掂，着眼點返應該係大病嘅可能醫藥費上面。

4.醫療戶口應該即係另外一張儲蓄單啦？俾個名我同埋最好你影一影有供款金額同回報嗰一頁，記得遮住啲名啊同埋私人野。如果回報上面唔係特別理想既，我就建議你cut撚佢，長痛不如短痛。但係如果都算做過得去啦我就建議留返低反正都開咗個頭。

你而家呢個情況呢最好就應該要搵方法重組睇吓邊一個應該要留低，邊一個就要壯士斷臂，換另外一樣更加好嘅去替代佢。佢呢個假設係冇咗計算通脹喺入面，同埋假設你係冇做其他投資，同埋佢都係假設咗佢個非保證回報係會keep住做到proposal 所寫嘅金額。如果你同一時間係有放喺銀行又或者係有做其他保守投資，其實你相比比出去嘅金額都係一齊上升緊，仲會有個流動性係到。但係如果你係一啲投資經驗都冇亦都係唔想煩嘅，呢個會係比懶人來講算係唔錯嘅疾病儲備，呢個就睇你自己需要去選擇就可以。

至於老咗應該點樣買呢，我就建議儲蓄形式嘅保障例如危疾呢啲後生搞掂晒基本上你老咗就唔需要煩嘅，如果老咗先買我就開始唔太建議啦保費太貴同埋個槓桿效率冇咁高。淨係需要煩嘅係醫療呢part，我就會建議係選擇一個中間嘅薦底費嘅中高端醫療走天涯就算數，因為就算有公司醫療又好退咗休之後已經冇咗，揀太低薦底費嘅去到老年階段又變咗好難負擔，咁呢個時候一個中間嘅薦底費保險就會好似幫你買咗一個醫院嘅全年票咁樣，一個保單年度你俾咗一次薦底費之後成個保單年度都唔需要再比可以做到全包，亦都唔需要擔心保額會用爆呢個問題，算係解決晒所有醫療相關嘅問題算係唔錯嘅。

巴打有無研究
唔該你先

唔該晒樓主同上面位師兄嘅回覆
我補充多少少，我全部都係喺AIA買嘅
1. 儲蓄保個名叫簡愛延續計劃2，預期回報如下:

2. 危疾係叫加裕智倍保2，詳情如下:

危疾個保額係一百萬，最多可以有五次賠償
4. 醫療戶口預期回報如下:


其實師兄你都講得好啱，我能力上唔擔心有起事上黎負擔唔到，所以其實一個基本嘅保障對我黎講都ok，如果咁諗係咪自願醫保都OK？
同埋我公司就冇醫療保險(HA staff，唯一福利就係可以免費公立醫院醫病，但買得保險都係因為唔想住公立)
高端醫療好似每年要俾一筆墊底費，咁其實支出係咪仲大？

真係唔該晒你新年都咁有心答得咁快

啱啱再認真睇過
cigna vhis貴過同level fwd
支付額有冇咁多揀

fwd就諗緊智采定尊衛您
計過尊衛您好似好d
coverage其實都只係大房vs半私家
但尊衛您有vhis扣稅又有no claim discount
計晒呢d價錢差唔多

唔知咁諗有冇錯

同埋另一樣野係唔知買幾多自付額好
依家呢份工基本上同高端plan一樣 (0墊底+冇cap)
就算唔計依家呢份工本身都有份基本vhis + smm
加埋做開d公司至少比到大房+smm plan

就咁睇好似直接自付10萬都夠 (少病用基本plan大房夠做,大病2份一齊上/中佢個list免自付)
定係5萬穩陣d好

巴打其實咁睇嘅話cigna有咩優勢
完全諗唔到邊度好過fwd
冇no claim discount價錢又貴

想請教下，最近買左危疾，但剛剛先見到有人話有精神病會影響買保險。
我完全長見識了。
但我無同保險經紀提過係6年前係患有抑鬱症仲要食藥食左成年，醫生未話好翻曬但我自己覚得已好翻就無再就醫。
咁會唔會影響我以後claim危疾？
我要點做？🙏

多謝數到三、孤獨的可憐蟲同一眾巴打解答問題 學到野
睇咗幾個post同網站研究咗幾日


打算買FXD尊衛你墊底費25000/50000，再按能力再加個煲呔基本

主要係因為尊衛你包全球急症 而C記同level無全球急症，會變標準計畫（我冇睇錯的話）

如果唔計呢個因素我會揀C記

係咪大部份高端都係可以退休/失業轉低墊底費？

師兄，我今年36，想同66歲媽媽投保c 記或FxD, 自願醫保是否唯一選擇？會否很大機會不被保？

想幫兩老買保險 bupa家庭醫療好唔好