《求婚嗰日，我發現我女朋友鍾意食屎》

多謝巴胶絲

好正

八仙果師傅咁勁架咩

痴撚線配方

戇撚鳩，隔兩日再入嚟都仲係咁黐撚線

成件事都好痴撚線

所以個八仙係咪真係有料

八仙果真係有用

多謝鍾培生巴
幾時搞返場拳賽同八師傅對打

等啲七仙羽同八仙果合作搞掂隻屎蠱先

會唔會有六仙子同九仙女呢？哈哈😆

（250正皮加更）

八仙果師父呢一刻嘅氣勢好明顯鎮住咗敏敏，搞到佢粒聲都唔敢出。

就喺大家都無出聲嘅呢一刻，八仙果師父突然好似閃電咁快咁出手，一手扣住咗敏敏左手嘅脈門。

「吖！」敏敏驚叫咗一聲，但係就完全反抗唔切。

我見八仙果師父呢下出手力道唔細，驚佢仲係誤會緊敏敏有做過咩傷天害理嘅事，但其實敏敏為人我又點會唔清楚吖，所以我即刻出聲想為敏敏解釋：「師父，敏敏佢……」

點知我呢句嘢都未講完，奇怪嘅事情又發生喇。

敏敏左手上面，突然沿住手腕開始出現咗一條紫線。

呢條紫線慢慢延伸，一直連到上去膊頭位置都未完。

「當你哋今日下晝走嘅時候，我都已經覺得好奇怪，平時我嘅驅蠱大法百試百靈，十五分鐘見效，點解今日會失手嘅呢？最後我唯一諗到嘅係答案就係，你所中嘅蠱並唔係一般嘅蠱。」八仙果一邊講，一邊指住敏敏手臂上嘅紫線繼續講：「從你手上呢條紫線已經可以反映，你所中嘅蠱係眾多種蠱之中最毒嘅一種，名為『血蠱』。『蠱』係一種養蟲之法，而『血蠱』就係要養蟲者以自己嘅血餵養毒蟲。你哋要知，愈毒嘅蟲性質愈寒涼，所以若果用到『血蠱』，即使威力強大，但係其實亦會令自己折壽，名符其實嘅損人不利己。若非深仇大恨，否則都應該唔會施行呢種毒法。」

聽咗八仙果師父嘅解釋，我同敏敏先明白點解頭先佢會質問敏敏嗰一堆問題。

「師父，我其實自從五歲開始就會不由自主咁食屎，我估呢種行為，應該就係你所講嘅『蠱』所引起嘅。如果係咁，試問我又點樣做啲咩傷天害理嘅事呢？」

聽到敏敏嘅解釋，八仙果師父嘅表情先稍為放鬆咗啲，同時亦都放開咗敏敏嘅手，講：「我作為一個修道人，若然今日你身中『血蠱』乃是孽障果報，我就一定唔會出手幫你。但既然聽落你似係無辜受害，咁我都可以盡力而為，嘗試為你解開所中嘅蠱咒。」

有咗八仙果師父嘅應承，我同敏敏好似見到到曙光一樣，即刻同師父講咗幾聲多謝。

「只不過，你而家身上帶有『血蠱』毒蟲氣息，斷估兩三日內都唔會咁快消除到，所以此地都係不宜久留。咁啦，你哋嚟我屋企暫住幾日，至少都有我保護你哋。」八仙果師父坐言起行，示意我哋跟佢走。

雖然我同敏敏都未有突然要離開屋企嘅準備，但師父又講得啱，如果聽日又嚟一次萬蟲圍攻，我同敏敏應該真係會頂唔住。

所以，都係乖乖地痴住八仙果師父呢個大靠山啦。

臨行之前，我同敏敏望住呢個一地都係蟲屍嘅屋企。

呢一刻，相信我哋心入面都有住同一個希望。

希望，下一次翻到嚟呢間屋嘅時候，問題已經可以得到解決啦。

八仙果師父帶住我哋上咗佢㗎車，經過大約一個鐘車程，我哋就到達咗佢屋企。

「嘩，原來做呢啲神神怪怪嘢真係咁好搵㗎！」我不可置信咁望住眼前呢個高級別墅嘅入口，同今朝去嗰座殘舊唐樓簡直係天淵之別。

「尊重啲啦，咩神神怪怪啫，師父話佢份工叫做『普渡眾生』啊。」敏敏細細聲咁糾正我，睇嚟經過驅蟲一役之後，佢對師父已經係敬若神明。

「我諗佢唔係『普渡眾生』，係『比華利山』。」望住「比華利山別墅」嘅大閘，我嘆咗一口氣，心諗自己做五星級廚師原來都唔係有幾巴閉，倒不如學下師父咁sell下佢啲神化產品仲實際。

八仙果師父架車兜到去其中一座別墅之下，就叫咗我哋落車。

「咁夜，我老公唔知瞓咗未呢？」師父一邊講，一邊走過我哋去開門。

而我同敏敏互望一眼，心諗，原來師父係有老公嘅。

呢個時候，門打開咗，驟眼望入去，同一般家庭嘅感覺差唔多，同我心目中放哂滿天神佛、八卦煉丹爐嘅情況唔多似。

「Honey，I am back！」八仙果師父叫咗一聲，然後樓上就傳嚟咗一聲「嗯」作為回應。

「我老公平時比較鍾意獨處，唔好打擾佢喇，你哋嚟二樓先啦。」八仙果師父引領住我哋走上二樓轉左嘅一間房，門一打開，成個佈置大小就同師父唐樓個Office差唔多。

「你哋坐一坐、慢慢參觀下先，因為『血蠱』呢樣嘢比較罕有，我要上樓攞幾本書查一查，你哋等我一陣啦。」於是，八仙果師父就咁留低咗我同敏敏喺房。

「今次，睇嚟真係有救喇。」我見八仙果師父走咗，先敢興奮翻少少咁捉住敏敏隻手同佢講。

「嗯，希望係啦。只不過我都係諗唔明，到底咩人為咗害我竟然寧願自己短命啲。」敏敏托住頭，睇嚟佢真係好煩惱：「頭先我喺程車上面一直諗緊，到底我得罪過咩人呢？嗱，五歲前我真係無咩記憶，但係幼稚園嘅我其實都係一個唔多出聲嘅小妹妹，照計都好難嚴重咁得罪人吖。而自從我五歲開始有食屎呢個怪病之後，我內心好擔心一旦有人發現，我就無哂朋友。自此之後我對身邊每個人都好好，希望為自己留住多啲朋友，所以理論上應該都製造咩仇家出嚟㗎。」

「嗯，但係世上沒有無緣無故嘅恨，既然有人寧願減短條命都要搞你，背後一定有啲連你自己都唔察覺嘅怨恨嘅。」雖然我口中咁講，但係其實我都一樣係諗唔明到底邊個會用咁歹毒嘅方法去傷害人畜無害嘅敏敏呢？

正當我哋兩個陷入沉思嘅時候，突然，我感受到有一件硬物隊住咗我背脊，仲有一把低沉嘅聲講：「你兩個都唔好亂郁。」

一時間，我同敏敏都好似定咗格一樣，勉強側住頭咁同對方打咗個眼色。

明顯地，大家都唔知呢一刻突然發生咗咩事。

「保持深呼吸。」低沉嘅聲再次向我哋發出指令。

「你……你唔好亂嚟啊，八仙果師父好快就翻嚟㗎啦，到時佢實用佢啲八仙果射死你啊！」唯今之計，我同敏敏嘅希望就係等八仙果師父回歸，所以我唯有用「拋」字訣嚇下後面個人先。

「佢？嘿！旁門左道，一啲都唔科學！」估唔到，後面呢個男人居然一啲都唔將八仙果師父放在眼內。

我同敏敏維持咗定格嘅動作一段時間，一直都唔知後面嗰個人喺度做緊啲咩。

唯一知道嘅，就係佢一直好細聲咁自言自語：「點解呢？真係無喎，無理由㗎。」

到底後面呢個係咩人呢？

而佢又喺度做緊啲咩呢？

就喺我心入面有「十萬個為什麼」嘅時候，我感覺到，背後嗰一件硬物似乎有少少離我而去咗。

一無咗呢個威脅，我諗到唔諗就即刻用我平時可以單手舉起隻鑊嘅黃金右手頭也不回咁打出一拳。

後面馬上傳嚟一聲慘叫，而我亦都即刻轉身，準備再補上多一拳去制服佢。

當我一轉身，我就見到呢個人嘅裝束。

一身白袍、頸上面有個聽診器，手上仲要拎住咗一部閃下閃下嘅儀器。

就咁睇，我忍唔住問咗呢個人一句：「你……係醫生？」

（故事待續）

星期日都出

大家好，我係默颺
再次多謝大家支持呢個故事，一個睇落咁無聊嘅故事

個故寫咗一星期，有啲意外咁多人有興趣仲會日日嚟追同講聲「痴撚線」
作為作者，今次呢個題材係一個好新嘅嘗試，
目的係有嘅，之後都應該會喺IG分享下點解要寫呢個故

但係重點係，難得有咁多巴絲每日都俾面入嚟睇下故笑下，
其實已經係一件令我好滿足嘅事

因為我啲存貨出哂，嚟緊就會變翻做每100正皮加一次更，
但係只要大家鍾意睇，我一定會繼續密密出
俾個小小預告大家，
故事愈睇，會發現愈令人意外嘅走向，
所以，歡迎大家繼續挑戰我嘅痴線程度，
同埋每日入嚟講聲痴撚線同我打聲招呼

最後，
今晚仲會有一更，請大家多多支持啦

有人追，梗係出啦

下一個加更位：350正皮
Penana加更位：500 likes
Penana link：https://www.penana.com/story/90310

舊故傳送門：
【穿越/愛情】我同鍾意咗十一年嘅人表白，佢竟然跳海死咗
Penana：https://www.penana.com/story/63218
【寫實/愛情】（出咗實體書啦！）我專門幫人擺分手和頭酒
Penana：https://www.penana.com/story/66301
【科幻/懸疑】你以為Flycation呢件事真係咁簡單？
Penana：https://www.penana.com/story/76137
【初戀/愛情】《副校長發現我寫甜故，竟然送一段初戀俾我》
Penana：https://www.penana.com/article/635866

最後留低埋樓主IG，大家有興趣可以去嗰邊催迫樓主加更，仲有得睇埋呢個故嘅「作者前言」，IG限定㗎
IG : windblowssilently

g chi

live

八師父係咪就嚟死

好正

好正但好痴線

我估個醫生都係神神化化㗎啦

我竟然每日都不自覺咁click咗入哩個post度，
追哩個咁L痴L線既故！

我估係師傅老公