用户10001
2021-10-17 02:54:17
我唔會用TVB嚟形容，不過我都麻麻地《復活》。
魯魯同回溯Boss講唔好拎走佢啲傷口，其實個意念，同個劇完全相違背。先唔好講先前已經拎走咗莎莉嘅死，魯魯復活就已經係喺觀眾度拎走咗「零之鎮魂曲」呢道傷口。
魯魯修終局背負所有罪名嘅捨身成仁，呢個亦係屬於佢自己嘅救贖，假戲真做對全世界許下一個完美不可破嘅謊，推動世界走向和平，告別觀眾。劇情上呢度完同已經係完美。《復活》好畫蛇添足地，除咗拎走咗「零之鎮魂曲」呢道傷口及其不能推翻嘅必然性，仲將「零之鎮魂曲」嘅成果極速敗喺莾夫朱雀扮演嘅Zero手上，要人跟手尾。
係一種稍微令原作變得廉價嘅貂尾狗續。
另外一點「零之鎮魂曲」係耶穌針十字格級嘅殉道給予世人救恩，咁魯魯修同耶穌一樣先死亡而又奇蹟地復活，如果咁類比又會對《復活》嘅畫蛇添足其實係玩緊典嘅，多就唔會，係會釋懷少少。
成套嘢最美好唔係魯魯修返嚟，而係C.C.嘅魯魯修返嚟，永遠唔會有歸宿嘅女人終於得到佢不能得到嘅嘢。