預咗俾人屌同引戰,但我都要講,就係我見連登係咁吹風話鋼煉係神作,我懷着極大嘅期待,將09鋼煉六十幾集煲曬,結果而言,好睇嘅,但係同時都好失望,完全冇連登吹奏咁神,劇情冇驚豔嘅地方,即係冇啲「屌你老味原來係咁㗎」嘅位,都幾平舖直敘,劇情多數都估到,而種族仇恨個位亦都係hi啲就算,並冇真係着墨好深,解決方式亦都過分理想化,而某啲台詞甚至中二病到我起雞皮,envy死嗰陣講咩「人類唔好咁望我」真係聽到打冷震,反派都幾面譜化,總之就係天生的壞人
最後結局話用煉金術換返細佬,我又係吓左,呢個解法完全冇伏筆鋪墊過,至少喺前面借啲人個口提下咩煉金術好重要啊,係有機會喪失之類就已經冇咁突兀,總括而言就係唔錯嘅少年漫,但都只係唔錯,可能係因為始終十幾年前嘅作品,佢啲橋段已經比好多作品借鏡咗,所以我先會估到晒佢啲劇情,同埋覺得悶