終於睇完第三季夠膽入嚟追post,見巴打們對Love嘅評價都幾兩極,我自己就好鍾意Love,覺得佢唔係好靚嗰種但係就好有氣質,同埋細細粒好想保護佢
第三季頭幾集佢好明顯身體狀態唔係幾fit,下半身好肥,不過中後段瘦返少少即刻正好多,去圖書館party、屋企花園執波俾西奧、換妻派對、仲有結局嗰集件低胸衫,幾個look都好鬼正,好有衝動攪佢
結局Joe殺Love睇住由佢掙扎到冇反應,真係有種sad嘅感覺,雖然佢係癲,但都係童年受家庭影響,父母假恩愛、細佬長期依賴自己,諗住可以早早結婚同前夫建立自己人生,點知老公生cancer好返都要拋棄佢,真係好慘,諗住搵到Joe呢個性格、行為咁接近自己嘅人,為咗佢殺人滅跡到生仔結婚點知原來連呢個痴線老公都接受唔到自己………原來經過兩季舖排之後見到Love死係會有種好心噏嘅感覺
同埋佢演技真係好好,Joe同佢攤牌離婚佢嗰個反應,再聽到Henry仔喊行開時一系列感情變化,真係演得好好
第四季冇Love真係即刻冇左興趣再睇,Joe去法國,雖然女主角應該唔會係瑪利安呢個黑妹,但就算係一個好靚嘅女主角,我都覺得好難可以取代到Love俾我嘅感覺