趙羅尼
2021-09-17 22:16:56
追晒post發現大家有幾點唔太清楚,不如等我解釋下:
1)你支持呢個project嘅錢只會喺集資成功才收取,不成功的話會全數退回。
2)眾籌成功後電影完成品會於網上串流平台播出,如果你依家比咗錢買咗online streaming 門票,咁電影拍完後你就可以用返呢張門票去睇電影,唔洗額外再比錢睇。
3)見有人話眾籌set 1000萬set 得太高。
籌一千萬嘅原因係因為要整個串流平台,買流量等都需要大量專業人仕幫忙;仲有海報tee shirt figure 等等嘅禮品製作成本、存倉及人手寄出都涉及大量成本,如果剛剛籌到1000萬的話咁呢啲成本已經佔左40-50%成本,即係話拍電影嘅資金有約500萬。而《幻愛》呢種愛情片一男一女做主角嘅電影成本係600萬,所以就算有500零萬拍電影都好有可能要部份工作人員搭膊頭去成就呢件事。
4)點解眾籌?因為想試野。尤其依家咁嘅時勢更加要另覓出路。
5)如果我眾籌咗,假設你套戲大賺,我會唔會有錢分?
唔會。因為香港法例係唔比眾籌賣股份,如果唔係證監會上門拉人,所以我喺導演的話講嘅「等觀眾做投資者」嘅投資回報唔係金錢而係電影嘅記念品同網上睇電影嘅機會,如有令大家誤會僅此致歉。
另外見到有個post嘈緊點解要課金支持,其實你睇完片之後如果喜歡可以支持,不喜歡就當免費睇咗一條十零分鐘嘅片,支持與否風儉由人,無需動氣。
最後麻煩如果開post位巴打見到呢個post就pin啦,謝謝!