[9月先行][Science SARU] 平家物語

碧海潮生弄玉簫

義仲都咁短，賴朝應該更加無咩戲
主線都係擺返喺平家同琵琶度

武將嘅價值，並唔係用長短命嚟衡量
敦盛雖然死得早，但展現出武者嘅覺悟
現代人長命活着，但很早已經死了，80歲先收屍

重衡燒完奈良不能釋懷，只係無維盛表現得咁直接

あさぎ漢字會係咩

文教失宣，武臣用奇。奇兵有異於仁義，王道迂闊而莫為

呢個世道得敦盛盡到文者風骨武人慷慨

浅葱

係差義仲戲份太滑稽唔太夾成集氣氛

今集嘅平家無見過太陽，唯有敦盛得見黃昏日落

阿媽嗰段都麻麻，好似打機npc獲得祈禱技能就走得

有啲位打仗有太陽都特登遮住變日蝕
琵琶就藍天白雲，一前一後幾大對比

咁講又真係有心對比

清經被現實扳倒，理想明月被淚眼朦朧；落水時鳥代而奔月，伸手捉向無法實踐既抱負與誓言

敦盛太陽下回頭落馬，熊谷臉色從陰影漸現，終於可以堂堂正正面向敵人，日照見證下光榮戰死

咁講文學詩歌就係紀錄戰爭既情緒，亦係好多當權者忽略既時代面貌

祇園精舎，響鐘之聲，響出諸行無常。
娑羅雙樹，顯花之色，顯出盛者必衰。

依句譯得好靚。
另外首OP都好正

係，講得無錯，資盛同清經嘅竹林月下對話其實回應咗第三集重盛嘅困境，忠孝兩難存？平家無呢啲嘢，準備戰鬥啦
生死問題嘅反省，係後人透過文學詩歌敘述，但既然由人寫，就會有各自嘅諗法
呢套唔係論述平家時代嘅歷史記錄，而係描寫平家緣起無常、花開花落嘅文學作品

暫時覺得動畫雖然拎佛教做背景，但個實唔係寫諸行無常
而係OP歌詞嘅活在當下，可以話係幾積極入世

清經悲劇在於知道平家唔係打緊義戰，連個人原則都被否定，叫佢披掛都唔知為咩而打，一路漂泊已經失去根

敦盛回頭應戰亦非為平家興衰，唔想逃避只為實踐個人原則，不辱武士之名同守諾

反而係避世都冇好收場，德子想帶個仔有咁遠避咁遠，好快就殺到九州

我覺得有必要由琵琶被趕事件開始再釐清下資盛心路，順便再補充點解人物要咁多愁善感

之前提過琵琶之於資盛有幾種意義(#149)，一則代表資盛既童年，必須成為大人；二則代表資盛既音樂，必須棄文從武；三則代表資盛既猶豫，必須直面前路。

仲有一個意義未講，前面有評價過重盛係平家良心，重盛靈魂同隻眼一直守望琵琶，琵琶被趕同時就等於重盛(平家良心)被趕。

要留意當時資盛係閉起雙眼先再講違心說話趕琵琶走(圖1）；而清經係接受唔到琵琶離開，只能哭訴；

今集竹林對話係對良心被趕既一次呼應，資盛擰頭不忍直視，用強者理論同武力逼清經披掛；清經無法接受良心已逝，只能月下痛哭。

今集有兩次表現資盛擰頭，竹林呢次用咗俯瞰既間離審視(圖2)，兄弟倆已經變得比從前陌生(清經自殺前，敦盛指清經變得似唔同人)。

另一次係前少少做說客，曾經共事過既家臣背戈相向，要再離開太宰府。呢到資盛擰頭半邊用陰影表現(圖3)，係幾有象徵性既一幅構圖。

日蝕意象、雨落不停、趕路草帽，一路走難既平家活喺陰影。點解活喺陰影，資盛擰頭構圖就係其體現，因為無法直視。唔係講面向敵人，而係掩埋感情，逃避原則求存。

好似上集燒京都，就算覺得唔妥都冇人可以向宗盛規勸。燒京都有幾重意義，一係平家妻兒所待、曾經有感情既地方，二係對首都文明破壞，三係冇考慮過平民生活。(呼應琵琶被趕幾種意義)

另一個無法直視體現係清經，想直視明月但已淚眼朦朧、心灰意冷。鳥代奔月，月亮某程度就象徵緊佢對理想德性既追求，同埋係當年月下合奏既美好回憶。

敦盛要唔要回頭應戰既掙扎，我覺得係同資盛擰頭有做對比。首先佢係閉上眼，蒙太奇表現回想對清經既誓言，先再有堅定眼神(圖4)。熊谷臉色從陰影漸現(圖5)，其實係代表敦盛既視線，佢所直視既係過往感情同武者原則。(同樣諗返琵琶被趕幾種意義)


動畫改編其實係比起原著或者歷史形象更具人性。敦盛斬傷對方有過一剎猶豫、德子憲仁曾經相愛、清盛臨終諗起女兒、重盛折壽有唔願見到平家破滅既私心。

呢一切改編都係想令角色更似人而唔係刻板，所以先會有咁多感情。琵琶祈福某程度都係表達呢種主題，祈禱應該係更具信仰意義既行為，但佢係不斷思考自己可以做乜而作出既決定，係人選擇去祈禱，而唔係神佛命運選擇人去祈禱，作為故事傳唱者，人性遠大於神性。

幾重要一點係琵琶個名係琵琶自己選擇，而唔係家族遺傳既淺葱

仲有個伏筆係資盛心上人行裝偷望琵琶，想像下呢對相思人有冇得見面，依家既資盛見到佢又會如何

我成日覺得睇日本史唔睇書的話應該睇大河劇
因為budget一定夠、演員一定勁，同埋一定唔會寫崩