[9月先行][Science SARU] 平家物語

都要睇邊個編劇，下套三谷幸喜就應該唔錯

資盛係三兄弟中最成熟嘅一個，亦係共平家存亡嘅一個
維盛同清經抵唔住壓力先後跳水，係得資盛上到枱面，趕琵琶走、喝斥清經、說客談判，好人壞人都係資盛做
側目表現內心與現實嘅矛盾真心唔錯

敦盛戰鬥嗰幕，隻海鷗其實就係清經
清經跳水後海鷗得以解放飛向陽光，最後同敦盛殊途同歸，比翼雙飛
敦盛同重盛三兄弟有啲唔同，就係敦盛一開始已經想貫徹武士精神，與其話係掙扎，更接近嘅應該係諗返死去嘅清經而想報仇，吐一直以來邊敗邊走嘅烏氣
猶豫係敦盛雖有打鬥嘅志氣，但平家孺子無殺人嘅覺悟，可以話係人性化，但亦係敗因之一

不遠有船可逃，熊谷用武將身份挑釁，合埋眼係掙扎to be or not to be既問題，要忍辱偷生，抑或奮戰赴死，何者更高尚？

背向敵人既自己，當下諗起既畫面係背向自己既清經，回過頭來望自己。話係報仇都可以，但更重要係有冇對得起誓言、有冇對得起清經、有冇對得起自己


海鷗除咗代表敦盛同清經，仲有個意義係琵琶都望緊敦盛既掙扎同戰鬥，鳥眼同時都係琵琶隻眼

成集琵琶既覺悟係層遞，清經死我冇野可以做，祈禱搵到我有野可以做，敦盛死我一定要咁做，將故事傳頌係身為作者既執念

平家當權時法皇係一直被軟禁，德子亦講法皇同清盛係同一類人

還三神器對話側重角度係時子，情勢所逼作為母親無奈接受兒子不得歸，亦係同德子做對比

今集真係道盡世間一切悲歡離合，維盛同妻兒離別苦，義經同牙靜初相識

資盛睇蝴蝶飛走，諗返兄長當初都係翩翩起舞美男子

百無聊賴吹起蒲公英惦掛心上人，若為作樂嬉戲降世間，孩童聲奪耳情感再難壓抑，突然故人現身合唱

呢次重逢係琵琶帶佢憶舊事，重拾童年同音樂，輕描淡寫就呼應返趕走琵琶事件，資盛由嗰時一直壓抑既感受終於可以釋懷

琵琶拒絕安德天皇養貓，我覺得唔係知佢就死而唔俾佢咁簡單

而係一個作者、一個女性對於皇權既抗命，平家物語註定唔係深宮權貴文學，而係交俾附近漁夫流於市井傳唱

交俾漁夫亦點出呢到係近海鄉下地方，土地生物輪唔到皇家為所欲為，始終唔係平家自定既皇都(上集海邊洗腳，白拍子有講城鄉差別)

留意返點解維盈見琵琶時會逆光，因為一行人之中得佢除低草帽。
上集平家陰影，其中一個象徵物就係頭戴草帽不見天日

經過瀧口入道開解、放下無文太刀，呼吸新鮮空氣時應該有某種解放

最重要係見琵琶隻眼諗起重盛。琵琶珍惜同佢既緣份，某程度係代替父親接納咗佢既軟弱。
雖然最後都係膽怯，但佢應該接納咗自己就係咁，有佛光都算係善終

第9集，3個原畫畫海都有唔同表達
https://twitter.com/ryoppe0905/status/1461690428437110784?s=21

今集啲分鏡幾靚

山代風我係犬王副監督
https://twitter.com/xlrhgpoxhgghbnc/status/1461620225145589760?s=21

今集前半用咗好多唔同顔色嘅光，紅黃藍白紫，各自應該代表血色、反省、深沉、眩目、彼岸

逆光係因為琵琶同維盛雖然再見，但已經人非物非，需要一刻去確認大家
維盛一開始跑去代表對俗世仲有留戀，之後維盛同琵琶嘅對話，維盛去意已決，逆光係準備消失

維盛呢段跳海可以同返清經對照，月光同佛光，獨奏同交代，鬱悶同清淨，琵琶嘅反應
同一個動作意義都唔同

今集資盛叫德子寫信嗰幕同資盛嘅角色形象好似有啲違和
想表達死都臨頭氣急敗壞?

第一眼見琵琶嗰陣，維盛係喺彼岸，之後先跑返轉頭

河流重逢既意義又真係似三途川，重點捕捉腳步係琵琶越過河川，維盛有呢次迴光返照先對自己逃避一切既人生無憾

琵琶睇維盛跳海亦係望落河面；瀑布分開天地，亦係此岸彼岸天人相隔

仲有最後蝴蝶落腳休息既地方係琵琶既葫蘆上

除咗維盛心境，用散落火花表達重衡罪疚都唔錯

賴朝要將平家斬盡殺絕，義經將火箭射向民居，某程度犯緊同重衡相似既罪孽(亂箭似星光，諗起高畑勳用螢光隱喻轟炸機)


仲有最重要既光係最後琵琶弦上既淚光，逝水思憶再被彈起，經歷牽絆係有情，但講述平家故事不得不無情

權謀都唔係重點只係表達資盛係為平家乜計策都要做，德子係為個仔乜都可以做

最後知盛要平家將士寧可失命不可失節，其實資盛同德子都為咗保護自己珍視既人事，一早已經犧牲咗名節

突然覺得落花流水好啱做mad

想睇返維盛同琵琶嬉水回憶講乜而重溫返，原來呢下係清醒

第4集無文仲有太多對白同意象同今集互為呼應，姑且cap低

仲有維盛岳父都係同妻兒分隔客死異鄉，請琵琶一曲慰藉

諸行無常

未睇，鳩估今集應該德子回