[9月先行][Science SARU] 平家物語

未睇，講下你睇法

其實都好正常，因為個故事始終係講平家
雖然想佢畫下之後源氏內戰，幾個鏡都好

原著最後都係法皇去見女院，雖然有省略同些微主題上既分別，但平家物語重點一直唔係場面有幾轟烈，而係在於角色對人生意義既理解。
可以既話大家唔好睇得太表面，回想返成個故事再諗多少少，呢段對答非常重要。

德子總結自己樂苦一生、歷盡六道。沙羅花開、見鶴西歸、紅白合戰，德子既人生歷練亦係平家興亡既寫照。
目睹骨肉喪生悟到生者必滅，諸行無常係每個人必經既世間大道。呢段自白係從德子個人、平家共同體、乃至普世眾生既昇華。

唔理係咪真心，法皇對平家滅門係表現出有愧疚，所以德子先答佢夢見逝者生活在龍宮。
佢問德子最後既問題，如何能夠克服苦難，最重要之苦係前文所講既生者必滅，亦即係如何面對死亡、面對無常。

德子既答案係祈福既真義，其實就係思念。思念係有情，情難忘卻就會感到苦，但正因為思念所愛之人先會雙手合十，為逝者而活。

曾經敵人、白拍子、未亡人、平家落人，散落各地既生者為逝者祈福，線與線糾纏連結同一份思念

諗下山田想借平家物語想表達啲咩，佢同saru所集結既人手用咩心情創作，我覺得呢套製作意義非凡

佐多先生係歷史監修
https://twitter.com/shotaro_imai/status/1463542280636170242?s=21

欲知後事如何，且看鎌倉殿的13人

收皮la 老害法皇

btw義經下令射操船手其實係當時既仆街行為，操船手屬於非戰鬥人員

源家報應仲快過平家

大家都不過三代

山田尚子：我想真誠地描繪關於切實地活著的人們的重要故事。我一直以為《平家物語》如宇宙般，是無邊無際的存在，但卻又是一部色彩鮮明、情感深厚的作品。希望做成能銘刻於諸位心中的作品。請多多關照。

個尾收得唔錯，將首出名嘅詩擺最尾，省略咗德子抑鬱致死

見原畫有ちな，諗起綁鞋帶回一人原
モコちゃん真係唔知何方神聖

出家了的德子，已經回不去了

都唔算省略，如來佛手牽五色線，揚羽蝶飛往紫雲

只要有人傳遞故事，死者永生

話首詩放最尾有啲偏差，正確啲講係由首詩再表現平家物語
先係琵琶把聲，之後重盛，去到德子隻手
琵琶還童，落花歸葉，龍宮之宴，浮生若夢，時催人變，化蝶還西

琵琶同德子最後講咗咩，令人無限聯想

隻蝴蝶應該係代表平家

法皇佛前下跪算唔算凌波麗的微笑後動畫界最大奇跡

關於琵琶同德子最後講咩既留白，我有個推論，就係PV最後一句

紮頭髮作畫(#264)做得咁細膩，呢段普通場景其實極具意義

德子感嘆紮頭髮「令人懷念」(圖1)，隱約就係佢之後答法皇「祈福係懷念愛人」既其中一個原點；而髮絲紮結又與最後五色線糾纏意象相承，因琵琶與德子緣份而編織

懷念係對前塵有所追憶，祈福係對來生有所盼望，現在係琵琶與平家、琵琶與德子、人與人之間因緣連結，連起過往將來

話最後用開首詩係再表現平家物語講得好好，詩文意義已經唔再係字面意思既無常，而係德子對故事詮釋更新咗一種意義，祈福之中平家一門永遠活著。換言之，祈願之中既永恆係對諸行無常既反抗
(諗返德子第一次反抗父親，就係威脅削髮，髮與線一直有重要意義)


紮頭髮場景係呼應第2集(圖2)，又已知白色彼岸花花語(#258)，最後既無聲留白我估唔使憑空想像，只係簡單一句(圖3)，亦即係PV最後一句

講起琵琶同德子嘅緣份，琵琶一直都係旁觀敘事，唔影響亦改變唔到故事發展
唯獨去到德子跳水，琵琶放低琵琶上前阻止德子，令德子有求生意欲，再下一幕就係望住資盛跳水
德子令琵琶唔單止係平家嘅敘述者，仲係平家嘅一員，所以之後嘅龍宮一夢，就出現咗幼年琵琶