[足球/穿越]重來一次的足球人生（4）第二章

哩場波好可能下個月都未打完….

入波喇入波喇

再多兩三話先有機會見到⋯⋯

懷疑岡部彰間戀老蕭

暗戀

又話個故無甜

請問今個禮拜場波打得完嗎？🤔

今晚有文嗎？唔該哂😬

Sorry今晚有嘢做 要聽日先更新

淨係踢咗場波
就叫人同你遠走他鄉
呢啲唔係Gay係乜嘢

Push

等文…等到🌹兒也謝了

晏少少 返緊屋企

三十六、


“我一直記得自己第一次見到長谷川千空，呢個比我細兩歲嘅細路嗰陣嘅情景，其實也都只係呢兩年嘅事。

岡部彰淡淡地看著在禁區前沿一臉踉蹌地回身追著蕭智堯的那個福島小子，禁區內那個他說不出名字的群馬前鋒早就虎視耽耽地尋找著空位，雖然小禁區處密密麻麻全都是人，但他感覺到這名前鋒能夠找到適合的路線。

“聽講話佢以前好開朗活潑，喺足球場上閃閃生輝，但我識佢嘅第一印象反而係寡言同強顏歡笑，只係作為哥哥嘅長谷川萬華又好似係一啲察覺都察覺到咁，又或者係佢有咩原因唔想去理，作為外人我亦唔方便講啲咩。”

「倒三角前點。」托著腮的的這名日本青年隊隊長說道。

蕭智堯用餘光朝門前瞄了一眼，位置上本應站在遠柱埋伏的今村一彥卻突然縮後了半步，很明顯是瞄準著近柱的一點空隙而去。

想到這裡，他便毫不猶豫地拉弓朝著小禁區角處大力傳去，這種傳球對於防守球員來說是一種惡夢，因為只要稍有不慎無法堵在前方，對方在門前接應的前鋒便能直接起腳破門，後衛無法再在之後跟進騷擾，門將也基本上無從撲救。

「！？」

中堅本還一前一後防範著後衛線與門將之間這個尷尬的區域，卻發現今村不知道在什麼時候溜到了兩人之間的縫隙中，恰到好處地接應傳球，以右腳掃把腳穩穩地掃到網中。

球場上一陣熱烈慶祝，而看台上的長谷川萬華跟岡部彰都默不作聲，因為今村一彥的這次走位其實非常順理成章，但置身鋒線上時，能做到這麼冷靜精銳並不容易。

關於這一點，曾經在前鋒位置上飽受挫折、被人詬病位置感不佳的長谷川千空應該再清楚不過。

「好波！」

隊友們簇擁上來，圍著今村跟蕭智堯大肆慶祝，兩人也笑著相擁而笑。

他倆不是全然配合不了，以前隊內訓練時也有過一些讓人嘆為觀止的進攻默契，但時而奏效時而失靈是最大問題所在，有時候他們更可能一整場比賽都搭不上弦而開始互相指責。

這一球是雙方都找到了較為顯而易見、最合理最正確的進攻選擇，於是兩人心中的路線重疊。

算是好事嗎？鈴木卓也不清楚，這好像不是這場比賽的課題。

而另一邊廂，站在邊線的杉田直人盤著雙手，神色凝重地嘆了口氣，他最擔心的狀況出現了。

他本還想著通過換人去加強進攻能力，讓球隊穩住陣腳，這也是對整場比賽都承受著巨大壓力的長谷川給予支持。

眾所周知的是，鐵了心要踢防守反擊的球隊一旦被對手先開紀錄，那在眼前迎接他們的，便是亂了陣腳、情急慌亂的反撲。

他雙手負後，緩步朝教練席走回去：「松岡同田中熱好身未？」

「啱啱熱緊，下個出界換會好啲。」助教答道。

「嗯。」杉田直人點了點頭，在腦海裡描繪著接下來的安排。「等陣我會叫佢哋壓晒上去，你同佢兩個講要踢得徹底啲。」

把視線重新移到球場上，長谷川千空的氣息看起來有點不太對勁，杉田直人知道箇中原因，但此時此刻，作為領隊的他能做的也有限。

彎下腰按著膝蓋，雙眼注視著地上千篇一律的草地，大口大口地調整著自己的呼吸節奏－這基本上是所有足球員都會經歷過的場面－表示他已經身心俱疲，又或是……遇到了什麼需要讓自己快速冷靜下來。

「你細佬嘅光茫……愈嚟愈暗淡。」岡部彰直起身子舒了口氣，並回頭四處張望著，似乎是想找個座位坐下來慢慢看。「作為阿哥，你應該知道啲咩？」

「知就梗係知，但係……我其實無咩可以幫到佢。」長谷川萬華一臉無奈地聳了聳肩。「雖然佢咁樣……我都有責任。」

「你係佢阿哥，呢兩年就話離開屋企啫，以前朝見口晚見面，除咗父母，最了解佢嘅人可能就係你架啦。」

長谷川萬華沉默著回以微笑，朝不遠處上方的座位指了指。

即便是坐在觀眾席邊陲處，球隊落後時應援團所發出的聲浪依然震撼非常，置身這裡反而更能感受到他們對於整支球隊以及長谷川千空的愛戴之情。

「對你嚟講，你覺得足球係一項孤獨，定係團隊性嘅運動？」椅子還未坐暖，長谷川便突然如此問道。

「吓？」岡部彰忍不住失笑了一聲。「點解你會咁問？以熱門嘅球類運動嚟講，足球已經算係好唔單打獨鬥架啦喎，呢個亦係足球成為世界第一運動嘅原因之一。」

「但係喺我睇嚟，足球就係一項要自己獨自去面對嘅運動－我諗佢都係一樣。」

哥哥的雙眼正看著在場上那似乎正趨向迷失的弟弟。

「由媒體去到愛好者，再到鍾意睇足球嘅廣大球迷，又或者係唔關事嘅網民同路人，大家都會覺得足球係一項團體運動。無錯呢項係一項十一人對十一人嘅運動，大家各司其職，諗盡一切方法去取得入波取得勝利，無論係贏波定輸波，好多時候都唔係某一個個體可以決定得到。」

或許是被入球振奮了士氣，場上的形勢有點一面倒，群馬伊香保溫泉的進攻又重新凌厲了起來，杉田直人在一次界外球後換上了兩名攻擊球員，隨後又再換了一名，但成效似乎都不怎麼樣。

而時間正一分一秒地流失著，距離法定時間只有五六分鐘左右。

「呢一點我明，喺成名前嘅大部分時間－應該話成個足球生涯，其實我都係喺度單打獨鬥緊。」岡部彰有點無趣地又側身托起了腮，輕輕笑道。「但我唔會因為咁，就覺得足球係一項要自己獨自去面對嘅運動，呢個只係成長中嘅一個過程。」

「我同細路呢種速度型前鋒，喺場上嘅大部分時間都係喺廣闊嘅環境度同對方嘅中堅一對一，的確要做到呢個情境出嚟，係有賴於球隊中後場各人嘅努力先做到，但當個波傳到出嚟，好多時候你都只可以靠自己去諗辦法入波，你嘅隊友……」長谷川萬華苦笑著伸出食指，在自己的肩膀上朝後方繞了繞。「亦唔會趕得切上嚟幫手，佢哋只會覺得，你應該要自己搞得掂。」

「咁係因為，你兩兄弟以前踢嘅球隊係咁，戰術係咁。」岡部彰答道。「我覺得呢個係你暫時仲未融入到青年隊嘅其中一個原因，小栗同坂口係翼鋒，佢哋雖然有非常出色嘅個人能力，但心入面一直都係習慣依靠中鋒嘅支援。」

「嗯……呢一點我同倉野尾絕對係無得比嘅。」長谷川萬華笑道。

「……喺我自己角度嚟講，團隊運動嘅定義係：你無辦法單純靠自己去做晒球場上嘅所有工作。我而家畀自己嘅定位係一個全能中場，我可以防守，我可以組織，我亦都可以盤帶同埋起腳入波，呢啲嘢我全部都做到，但防守同入波其實有好多隊友比我更出色，而我嘅工作，就係指揮隊友喺最適合嘅時候做最適合嘅嘢，然後一齊去獲得勝利－呢個就係我心入面對團隊運動嘅定義。」岡部彰續說道。「你可以唔好似漫畫作品入面咁熱血青春，攬住隊友話呢項運動係大家一齊努力點點點，但我認為，足球呢項運動嘅每一個環節，都係由所有隊友一齊組成。」

岡部彰突然伸出左手指向場上的長谷川千空，哥哥遠遠看去，只見得自己的弟弟像是墜入了一道黑暗的漩渦當中一樣，烏雲蓋頂，趑趄不前。

這刻他心裡面肯定是一直在想著，自己是球隊的王牌，有責任要挺身而出帶領球隊獲勝吧。

「作為王牌，想要靠自己去做啲咩幫球隊贏係好正常，但都要用啱方法；」岡部彰依舊托著腮，語氣平淡。「而對面嘅嗰個香港人，正正就係反面教材。」

「反面教材？嗰個蕭智堯？」


「嗯，」岡部彰微微笑了笑。「佢之所以一直得唔到高嘅評價同待遇，就係因為佢唔識『接管比賽』，當時佢喺關島嘅系列賽技驚四座，但在場所有嘅J League球探都唔敢去羅致佢。」

「如果你細佬想要追和甚至贏波，除咗要克服自己嘅心魔同諗通之外，就係要諗辦法……針住佢呢一點嚟打。」

支持

有文

主角根本就係反派

力做和波嘅節奏？ 唔好啦啩

主角永遠冇主角嘅待遇