【純愛】《內有寂寞人妻》

推

07 即興

一個下著暴雨嘅週六晚上，雨水打落冷氣機嘅滴滴答答聲非常嘈吵，令我毫無睡意，躺在床上面輾轉反側，呢個時候好想搵人傾下計。為免打擾身在外地工作嘅老公，我自自然然就諗起Chris，於是拎起電話冒昧打過去，希望可以聽下佢把聲。

嘟...嘟...嘟...

『喂？』
「哥，係我啊」
『妹，做咩咁夜唔訓吖？』
「我訓唔著，想聽下你把聲...」
『但係我今晚要早訓喎』
「點解嘅？你夜貓嚟㗎喎，轉死性？」
『哈哈，第二朝要做公雞吖嘛』
「星期日你要開早更咩？」
『傻妹，唔係啊...有齣戲我一直想睇但係唔得閒，我見上映咗一段時間應該差不多要落畫嚕，所以聽朝九點半去睇早場』

平時佢會製造驚喜俾我，今次不如由我做主動氹佢開心啦！我不經意咁問，嘗試引導佢透露更多資料。

「你睇邊套呀？」
『XXXXX，本身我有追開呢套日劇，依家推出劇場版梗係要支持一下啦』

一邊用電腦睇緊WMOOV嘅我，見到同一時間喺兩間戲院都有場次，究竟佢會去邊度睇呢？死火喇，好難估喎，因為兩間都唔近佢屋企...等我扮下傻先...

「套戲有double may做女主角，同邊個去睇咁開心呀？」
『梗係自己一個啦！邊有朋友會咁早起身陪我睇吖...唉...』

Bingo！我知到係邊一場了，因為得一間戲院嘅座位表顯示有一個已售嘅單丁位，而且係最尾嗰行嘅中間位置。我一邊網上購票，一邊繼續同佢講笑。

「可能到時會有人坐你隔離，等你冇咁孤獨呢～」
『點會啊？』
「睇唔到嗰啲呀！」
『啋過你把衰口...好啦，我要訓覺嘞』
「早抖～」

我從未試過凌晨十二點買第二日朝早嘅戲飛，或者呢啲就係即興嘅樂趣？

第二朝

由於唔知佢會幾點出現，於是我比開場前早十五分鐘到達。

過咗一陣，佢喺遠處行緊過嚟。當佢嚟到戲院門口見到我喺度，不禁一臉愕然指住我，嗰個錯愕嘅樣子真係一世難忘。

『你....點解會...』
「乜咁啱嘅，我又係嚟睇戲㗎喎」

佢一把將我緊緊擁入懷中，然後溫柔地喺我耳邊講咗句多謝。

文已出
樓豬現正迷失在.＊這場﹍×°紅隧塞車遊戲

推推推推推推

好睇好睇

可惡 琴晚果段斷開咗嘅

多謝你讚我吖
塞緊車嘅心情即刻好過啲～

留返俾你自行幻想

兒童巴個仔你好

好看的就是要讚👍🏻

Erica已經沉咗
主動做surprise比人喎

Chris 一招就引到Erica 出洞

Erica已經死咗喺佢手上

Chris高手呢

聽日又繼續出文 希望你鍾意睇啦

搞到Erica沉完之後又撇甩佢
點解會有啲咁嘅仆街架

成世人流流長，總會愛上幾個人渣。

我係佢個孫

出唔夠文嘅後果

唔好咁mean啦

講係咁講姐