【純愛】《內有寂寞人妻》

推

每日同Chris見過面，返到屋企之後我都會Facetime老公，關心下佢喺外地嘅生活，可能佢工作繁忙加上分隔兩地，對話內容漸漸變得例行公事，我哋嘅夫妻關係好似越嚟越疏遠...

作者沈卓怡曾經寫過——
喜歡一個人在城市裏變得愈來愈輕易。

就似在一架長途火車上坐了很長時間，中途火車壞了，下車後你看到一架單車，你很興奮地坐了上去，以為自己可以踩著這架單車到達目的地。

但單車只能陪你走很短的路，其實無法陪你到目的地，長途火車才可以。

或者你會問，既然夫妻關係變淡，點解唔離婚然後同Chris拍拖？我覺得婚姻係一種責任，當初經歷無數風浪然後許下承諾，就要努力一齊走落去。要知道Chris其實只係一個過客，老公先會係同我一生一世嗰位。

05 出走

朝早十一點，當我同工作努力搏鬥緊，擺喺檯面嘅電話發出咚一聲。為咗唔想錯過佢嘅訊息，之前我特意自訂咗專屬鈴聲俾佢，所以一聽就認得係佢搵我。

但奇怪嘞，呢個鐘數佢平時未起身㗎噃？嗱嗱臨拎起電話一睇——

『早晨吖🥱日更有啲事，所以哥今日開全日呀。陣間十二點半同妹食飯好唔好啊？』
「哥～咁早起身辛苦你喇🥺好吖，一齊食飯」
『老地方見，不見不散✌🏻』
「但係食咩呀我哋？」
『秘密，陣間你咪知囉😎』

帶住期盼等到午飯時間，落到樓下就見到佢喺架車入面向我招手示意上車。我有啲疑惑，喺附近食飯咪仲方便快捷，咩食肆咁誇張要專登揸車去食？一於開口問下佢先。

「咁究竟我哋食咩呀？」
『你唔好咁心急啦，帶你去一個好靚嘅地方食飯吖』
「好啦，聽曬你話！」

望住窗外，我哋漸漸遠離市區，轉咗入去比較僻靜嘅小路，兩旁長滿雜草，連一個行人都冇，好恐怖...目的地究竟喺邊呢？唔通真係要賣我豬仔？！

幾分鐘之後，眼前出現無敵大海景，遙望遠方嘅貨櫃碼頭，呢個角度欣賞藍巴勒海峽令人嘆為觀止。

『妹，今日天氣咁好，正唔正先？』
「哥～好靚！多謝你帶我嚟橋底睇風景，但係食咩啊我哋，海景可以當飯食？」
『傻妹，梗係一早準備好啦，擺咗喺後座啊！』
「咁我唔客氣喇～」

估唔到佢竟然會花心思去氹我，雖則唔係啲咩花巧嘢，但就為我平凡嘅生活增添驚喜。佢明知一切都唔會得到任何回報，不過仍默默付出，希望喺能力範圍內令大家相處得開心。

文已出～
雖然天氣唔好，成日都落雨，但係祝大家有個Happy Friday

live左 寫得幾好吖 加油

多謝蝴蝶絲嘅鼓勵

唔錯，點到即止

飛揚話我個故事節奏輕快

食咗飯未啊？

啱啱食完你又食咗未啊？

食完好耐喇
聽日再出文～

居然上到熱門

留名睇純愛

小丸子你好
但係暑假就完喇喎

格躺

推

十月先開學到時改名叫開學

可惡 點解個個遲開學
我星期一就開

推推

起碼你都有得開先啦

推推推推