【純愛】《內有寂寞人妻》

01 回憶

某夜獨自歸家嘅路途上

滴... 80.1

滴... 81.8

滴... 83.5

車廂靜謐得可怕，整個空間只有的士咪錶跳動嘅聲音。望住窗外嘅街景，呢種感覺似曾相識，不過揸車嗰個已經唔再係你。

「Chris，我好想再坐你車啊...」

我叫Erica，係一名朝九晚六嘅人妻OL。平時扮工會喺討論區同巴絲打們吹下水，傾傾下留意到某位巴打同我嘅興趣幾相似，於是加咗佢Telegram，就係咁我同Chris開始熟絡起嚟。私底下傾談唔需要太顧忌，反而可以了解對方多啲，例如生活、工作、感情，斷斷續續一聊就聊咗幾年，不過一直都只係透過訊息溝通，從未見過面。

直到今年...

02 緣分

星期一

下晝三點幾，喺沈悶嘅工作偷閒上討論區，竟然俾我見到深潛咗一段頗長時間嘅佢留言。

『米八型男：早』

由於好耐無溝通嘅緣故，梗係趁機同佢打聲招呼。

「𡃁妹仔：3點喇...仲早食完女嚟？」

隔咗一陣，佢又回覆我。

『米八型男：哪有女返完夜啱啱起身咋』

明明記得佢係返辦公室嘅工作，無理由要輪班㗎。好奇心驅使下，我打開Telegram傳送咗個訊息俾佢。

「hi～你之前返office㗎，轉咗工咩？」
『Hello👋🏻係啊，我辭咗職但係未搵到新工，咪揸住的士先囉🚕』
「哦～咁你揸日頭定夜晚？」
『夜更啊，日更要早起身好惡頂㗎😂』
「咁依家阻唔阻住你呀？🤔」
『唔阻，都未開工😂』
「咁你平時開幾點㗎？」
『六點喔』
「你同女朋友呢排點呀？夜晚有冇車震先？😏😏😏」
『....幾個月前散咗嘞』
「對唔住呀，我唔知你地分咗手...☹️」
『唔緊要，過咗咁耐都冇咩嘢啦😂』
「咁就好嚕👍🏻係呢～咁多年黎都冇見過你真人，有冇興趣約出黎食餐飯先？』
『夜晚要揸車難啲喎😂』
「咁點算好呢🤔」
『你係咪仲返緊XXX嘅ABC公司啊？』
「哇！點解你仲記得嘅😱😱😱」
『不如聽晚過黎車你收工，等你唔洗逼巴士咁慘😎』
「都好喎，但係你知我住邊咩？😂😂😂」
『🙈』
「我住XXX啊。好啦～我要開會喇，聽日見👋🏻」
『see u tomorrow👋🏻』

短短嘅對話，就將兩個久未聯絡嘅人重新連接起嚟。

星期二

返工忙咗成日，去到下晝六點，我突然收到佢嘅訊息。

『我啱啱攞咗車，大概15分鐘後到，要你等一陣ok嘛？』
「冇問題吖，陣間見😉」
『👌🏻👌🏻👌🏻我車牌係XXXXX』

究竟呢位網友真人同我想像中嘅佢，有幾大落差呢？心入面有啲緊張添。

眼見差唔多時間，我就離開公司準備同佢見面。落到樓下左望右望，喺遠處見到有架傳統石油氣的士打住死火燈駛緊埋嚟，我諗應該就係Chris嘞。

搭的士嘅時候大家習慣會坐後座，因為兩人係司機乘客關係，但無理由同Chris初次見面咁生外啩？我諗佢應該唔會介意我坐佢隔離嘅，於是我伸手打開前門。

「哈囉，你就係Chris？」
『係呀，Erica啊嘛？上咗車先慢慢講啦』

我順手閂門，然後開始同Chris傾計。

「你又知一定係我嘅？」
『我掛咗暫停載客牌，同埋得你一個喺路邊呆下呆下好似隻企鵝咁』
「喂呀，做咩蝦我喎...」
『你真係好搞笑吖嘛』
「傾咗咁多年，第一次見面感覺真係好特別，好在你份人正正常常，無嚇親我」
『仲以為討論區無真絲添』
「咁你依家收唔收貨先？」
『哈哈～』

望到前面嘅司機證，我終於知道Chris嘅全名。
「乜你中文名咁女人嘅，好搞笑啊！」
『...』

然後大家都沉默起嚟，眼見氣氛咁尷尬，我唯有搵嘢講，忽然一瞥到車頭擺咗個淺藍色嘅銀包。

「呢個係你銀包？隻色好特別啊！」
『係啊，都用咗好多年嚕』
「可唔可以俾我睇下呀？」
『嗱～』
「哇！你銀包爛到就快跌曬入面啲嘢出黎嘞！」
『唉，卡多冇計...』
「有～錢～人～」
『有乜鬼，有錢就唔洗揸車啦吓話？』
「既然係咁，不如換咗佢？真係驚有一日你會跌嘢喎」
『好吖』
「咁聽日放工之後我地一齊去XXX買？幫你揀個新銀包」
『好！就咁決定！』

轉眼間就黎到我屋企樓下。

「我到啦，呢度停低可以㗎嘞。多謝你車我啊！」
『我都多謝你陪我吹水呢』
「咦～係喎，頭先呢程要俾返幾多錢你呀？」
『咁近，車你有乜所謂吖！』
「呃...唔係幾好意思嘅...」
『唔洗咁客氣喎，咪當識多個朋友傾下計囉』
「多謝你啊。拜拜～今晚好生意吖！」
『承你貴言。拜拜～』

我哋初次見面就係喺的士上，一個如此特別嘅環境。臨訓之時，我決定傳送個短訊俾佢。

「我差唔多訓嚕，路上小心😉」

幾分鐘後，我收到佢嘅語音訊息。

『知道！早抖啦～』

唔知點解佢把聲俾人好開朗嘅感覺，有種神奇嘅魔力，令我非常期待聽日嘅來臨。

立即正評留名！

多謝支持

sor 慣咗唔推飛揚個變態故
推返先

03 昇華

星期三

今日係我同佢約定去買新銀包嘅日子，希望可以揀到一個適合佢㗎啦！

帶住期待嘅心情去到下晝六點，我又收到佢嘅訊息。
『陣間同樣時間見😎』
「好👌🏻」

落到樓下，我已經見到佢泊咗喺對面馬路，之後急步走過去開門。

「你等咗好耐呀？唔好意思啊...」
『唔緊要，我都係啱啱到啫』
「咁就好嘞，怕你等得耐咋...」
『平時等客仲耐啦！』
「都係嘅，哈哈...」

到達商場嘅停車場，落車之後我環顧四週。

「好搞笑呀！成個場得你一架的士咋！」
『唓～的士都係車吖，乜依家唔俾泊咩？行啦，呢邊啊...』

講完呢句之後，佢突然十指緊扣拖住我隻手。呢下親密嘅舉動令我心跳加快，雖然好想鬆開手，但礙於尷尬只好跟住佢一齊行。

貨架有許多唔同嘅款式，令人眼花撩亂，我伸手攞起其中一個。同一時間，Chris亦指住貨架上嘅空格。

『呀！我都睇中咗呢個款，點知俾你拎咗先。』
「我地心靈相通！嗱～你睇下呢個啱唔啱你？佢有好多卡位可以擺曬你啲卡落去」
『等我研究下先。好～就呢個啦！』
「都話我有眼光㗎啦」
『係喇係喇，你最叻嘞...我去俾錢先，你等等我』
「無問題，我喺呢度等你」

望住佢遠去嘅背影，我諗點解佢頭先點解要拖住我呢？或者仲未放低前度，所以慣咗手勢？想一直見到佢開心幸福嘅樣，可惜我已為人妻，根本就冇可能同佢喺埋一齊，好矛盾...喺我仲糾結緊嘅時候，佢拎住新買嘅銀包返嚟，並再次拖住我。

『搞掂～行得！可以車你返歸嚕』
「咁就有勞你喇」

喺車上大家有傾有講，出奇地投契，好似識咗好耐嘅老朋友咁，明明只係第二次見面。

幫推 幫推

留名

好似幾好睇
留名

留名

兒童巴

多謝支持
今晚會再出～

你個名叫你妹妹？
btw多謝支持

循例推推

推

三J咁犀利

輪流咁用

放工又推一推
今晚等文

返到屋企之後，老公打嚟同我Facetime，我全程心不在焉咁同佢傾計。頭先嘅畫面實在太衝擊，喺腦海揮之不去。我有啲迷失...究竟應該要點處理...我尋找緊嘅又係啲乜...

諗咗好耐，臨訓之前我決定向佢坦白並搞清楚佢嘅心意。

「hello👋🏻依家阻唔阻你揸車啊？」
『唔阻～擺低咗架車食緊飯』
「我有啲嘢想同你講㗎👉🏻👈🏻」
『咩事？』
「其實...我結咗婚㗎啦...」
『仲以為咩咁大件事添😂』
「咁你頭先拖住我...？」
『對唔住，我唔知道你結咗婚🙈🙈🙈』
「唔知點解你拖住我嘅時候，我有啲心動，好耐冇試過拍拖嘅感覺喇...」
『咁你老公呢？』
「佢去咗外國出差，仲有一段時間先返香港。我好寂寞...但係我哋根本就冇可能一齊，呢種關係對你太自私🥲🥲🥲」
『傻妹，同你出街好開心，我都知冇結果，但反而會好好珍惜我地嘅回憶...響我低潮時遇到妹你，都係一種緣份...你要應承我以後唔好成日諗翻轉頭，咁樣我仲心痛...』
「唔知會做你呀妹幾耐呢？我都想你有女朋友嘅...🥺🥺🥺」
『一世都係乖妹好唔好？』
「好啊哥～多謝你聽我傾訴🥰我訓覺喇，開工加油、安全駕駛！」
『okay，早抖啦妹👋🏻』

由哥妹互稱呢刻開始，我地嘅友誼就摻入咗感情，從此唔再一樣。

04 習慣

如是者，星期一至五都有Chris揸車接我放工。至於另外兩日佢放假休息，所以我哋見面只限平日夜晚。當約定漸漸變成默契，每日差唔多時間，佢會嚟到我公司樓下等待我出現，而我就成為佢開工嘅第一個乘客。

短短二十分鐘車程呢個私人空間入面，我哋乜都可以傾一餐。佢分享揸車有趣經歷，我訴說返工辛酸血淚。有啲心事唔方便同其他人講，佢會擔當我嘅樹窿，以男性嘅角度分析，並且鼓勵我唔好輕易放棄。

『妹吖，琴晚有個客...』
「哥，頭先我同事...」

每日最期待嘅就係呢一程車嘅時間，我終於可以放低所有包袱，做返最真實嘅自己，始終長期戴住面具做人實在太辛苦。

文已出～