個人意見:
東野圭吾嘅作品比起其他傳統偵探小說作品,會更想探討某個特別題材多過真係解謎(例如核電,腦死,殺人犯家屬等等),變相佢係近似社會(?)小說多過偵探小說。
新參者係加㾓恭一郎系列比較後期嘅作品,講加賀恭一郎調任去個新地方之後查一單案,佢用好幾組當地人物嘅小故事去逐漸帶出需要嘅線索,本身單案就好簡單,本書主要係想講小人物嘅故事多過查案,唔啱口味好正常
放學後就係佢第一部得獎作品,傳統查案作品,正正路路。
解憂雜貨店sell溫情嚟講算係咁,不過不失,係套戲帶起咗本書。
有心睇東野圭吾嘅,有時間重新睇一次白夜行,值得攞獎嘅作品。
穩陣好睇嘅可以睇伽利略系列先,如果都唔啱咁就唔建議再試,東野圭吾本身就好多作品好伏