想問下肺癌第四期去養和食標杷藥要幾錢左右

雖然連登有好多醫師，但係我建議都係朝早趁主診醫生巡房去病房外問佢詳情。大多數情況下會叫你留電話即日同你解釋，過多陣會約你傾你想點醫/轉介公立醫院。醫生先知你老豆咩事，宜家問咁多都係整到自己同屋企人心情繼續差落去。
唔想安慰你太多，物極必反。講真第四期機會都較低，一係控制住做幾次手術係咁切，一係就舒援痛楚嘅治療方式。有好多考慮因素，好好drop低醫生講咩，跟住就係錢同家人意願嘅問題啦。希望你老豆陪多你幾年啦，五年存活率可以參考但係未必一定要信，手術風險先係最重要，好多第四期做手術直接白被入白袍出，要冷靜衡量清楚。你嘅心情都好重要，記得安慰身邊嘅人，見到你老豆就傾多幾句，同佢講啲好老土嘅說話，頭家你睇唔使擔心•••，佢係病房心情都冇咁傷心同日日胡思亂想。

加油！

加油

其實最應該既係問個屋企人想點
究竟係想醫定開心玩埋佢
唔同人有唔同睇法
問清楚先 有時夾硬醫仲辛苦

養和預埋其他住院醫藥費etc 有三百萬會安全D
如果咪經濟問題令自己壓力更大

比佢安樂啦

本身係去左私院做檢查之後確定確診?? 如果係可以問私院攞轉介信，再去公立醫院腫瘤科排期。佢見到已經係4期會排最快嘅期俾你地。如果已經知道埋係咩類肺癌，知道邊隻標靶藥係岩食嘅，到時見到公院醫生，就可以即刻開藥

出下暗瘡 皮膚少少爛。但整體狀態同正常人冇分別。唔會康復啦....只能夠控制，講白d比錢吊命。但依家識珍惜同屋企人好好相處，我覺得呢幾年相處遠比幾廿年唔係太理會佢地更加好。

如果我有咩事，我唔會浪費ｄ錢去醫，飲支靚酒，安安靜靜死左去好過。（真心)

啱，如果住公屋，其實係有賺。

乜原來宜家4萬就得
私家醫院仲收我5萬幾

本身都唔覺有野？越覺得年年身體檢查真係好重要

真心 問專業
我親身訪問過肺癌四期患者 確診後 keeps住食藥
有多十幾年命
去癌症資訊網 搵人幫下手 佢地會願意幫你

我見識少，未聽過第四期有擴散都康復得到
換言之，買藥只係買少少時間

大晒咩你交果啲稅

有時可能到真真正正面對個刻就唔係咁諗，始終求生係生物本能
唔係好多人真係可以做到坦然無懼死亡，如果做到嘅，一下重練仲免卻埋病嘅痛苦添，但唔係咁易

老闆阿媽末期擴散至骨，本身有腦退化，冇藥岩食，醫生話四個月，剩食止痛藥存活兩年半行得走得食得，不過佢已九十，説因新陳代謝慢所以會耐d,走果陣冇乜痛苦連嗎啡都唔洗打，希望你家人捱得過，不過真嘅，一定要保持心景開朗，勝過靈丹妙藥，good luck

唔覺 係真係果期暴瘦先認真叫佢去check check

想講多句
我地由診斷後所有決定都係專重患病既家人
佢係最堅持要醫個個
即使接受過唔同治療後
有唔同Side effect ， 例如:
甩頭髮、食乜嘔乜、生皮疹、暴瘦、
痛、好撚痛…..
佢都好堅持要繼續
我覺得醫療成效都好取決於病人心態
所以樓主都可以同屋企人傾下佢既意願

希望我打呢篇野幫到大家啦

老實好多人話第四期係無藥醫我唔認同，而講緊存活率5年5%，呢個數據都係講緊差不多幾年前。每年都有新藥出緊，都有新方法出緊，存活率你當係參考但唔好放心。無人知到底可以堅持到幾耐，我真係見過有人係食第一代標靶藥食咗十幾年都無事。亦有人咩藥都唔食，好快走咗。你問我，我睇完咁多case，我建議係盡量俾病人選擇佢最想要嘅，同埋做治療。唔做都會好辛苦。治療嘅目的係幫佢減輕痛苦，如果佢受唔到就要停啦。

講返正題

食咩藥點做治療好睇你有無銀彈
我講緊唔係幾十萬、係預有機會過千萬
無咁多錢就唔好諗太多，最好公私兩旁走

講緊肺癌分兩大類，（小細胞/非小細胞）惡性由高至低：
小細胞肺癌
大細胞肺癌
鱗狀癌
肺腺癌

一般黎講女性（不吸煙者）中肺腺癌嘅機會係比較高。吸煙者就另外三種。亦有人因為長期吸二手煙而中惡性較高嘅肺癌。

肺腺癌 - 大概d講，就係有基因突變所以有cancer, 好多人都配到標靶藥（ALK, EGFR etc), 宜家好似出緊第四代藥。配唔到都可以試免疫治療（要驗PDL1）（公院常用Pembrolizumab），但有聽過配到標靶嘅人通常PDL1指數唔高。

鱗狀癌 - 癌細胞基因突變多，基本上無咩標靶藥配，但用免疫治療個機會好高

大細胞肺癌（我屋企人中呢種）： 難配標靶藥，但都可試免疫治療

小細胞肺癌：極惡，預後極差，對化療敏感度極高，可試免疫

標靶藥睇你食咩，貴嘅5萬一個月又有，但有d係基金資助，詳細要再查

免疫治療基本上預4萬一個月，關愛基金上年開始有資助，坊間都有

而如果萬一醫生話只能做化療，有銀嘅，記得問醫生可唔可以行化療免疫並行，研究指出兩者並用嘅存活率係提高半年或以上（詳細唔記得啦，睇得太多essay)

所以要做好晒testing先知用咩藥，包括驗基因同PDL1。仲要預自己有幾多budget，最重要係你屋企人點諗

病人意願好重要，要尊重佢嘅選擇

希望以上資料幫到你

同埋，千祈唔好盡信公院醫生（好多都好垃圾，真係可以寫文）

擴散係有資助
可以用到標靶藥

基本上第四期用標靶藥同化療既機會係近乎零，但免疫治療相對個治癒率係會比較高，樓主財政上許可既話可以問醫生，醫生會評估你屋企人適唔適合用。

而講番標靶藥，如果係非小細胞既總共有心代，第一代每個月6-8000左右、第二代係過渡性質而且副作用大一段唔會用、第三代每個月大約要50000，但兩者都可以伸請資助，但無論第一代同第三代都好都會喺大約12 - 18個月後出現抗藥性。

而小細胞，標靶藥我冇記錯好似得一代，每個月藥費大約2-30000，但整體效果比非小細胞既標靶藥好，而且抗藥性會較遲出現。

利申：非專業人士，所以資料或有錯和非最新。