想問下肺癌第四期去養和食標杷藥要幾錢左右

推

補充一下，第一代有兩款 ：gefitinib（iressa藥廠名）同erlotinib（tarceva）；另外喺HA，第一代標靶藥（tki）入咗藥物名冊/定可以申請關愛基金可以唔洗錢 ，但申請到之前都有機會要自費幾個月先。

第三代就貴好多，聽返嚟最新價錢係三十六萬一個月。但驗到有腦轉移嘅話都可以申請關愛基金，另外可以睇下聖雅各同撒瑪利亞基金仲有冇得申請資助/封頂計畫（食夠十個月之後由藥廠free，唔肯定重有冇因為宜家價錢平咗）。

第二代同樣有兩款afatinib（giotrif）同埋dacomitnib（vizimpro）但只係啱罕見變異，而且副作用最嚴重。
第三代係最新，副作用一定細過之前嘅tki，價錢都最貴。

ok咁假設你家人係最常見嘅非小細胞+efgr，通常醫生會建議你食第一代先，因為如果第一線用第三代tki，當第一代tki失效（開始抗藥）你就冇得再食tki，一定要化療或者電療。

宜家你要準備吓見醫生有咩想問佢，例如腫瘤擴散到邊、有冇去到骨/腦/其他器官、需唔需要開始化療電療先、有冇咩禁忌唔可以做、有咩唔可以食、呢隻藥同嗰隻藥有咩分別（存活期overall survival ，無惡化存活期progression free survival，副作用，價錢）、其他治療方案，醫院有冇咩patient group/社工/research group/clinical trial 可以俾病人join

希望幫到巴打

第四期末期好難救

如果香港有安樂死其實好多人可能都會揀

唔好放棄，爭取時間同屋企人相處同完成佢嘅願望先

非小細胞可以先試下搵中大腫瘤科，有個臨床測試既藥物https://clinicaltrials.gov/ct2/show/NCT04027647?cond=Lung+Cancer+Stage+IV&cntry=HK&draw=2&rank=7

好彩可以頂幾年

但係香港買完層樓就係你
你租樓嘅話啲錢係去咗包租公度
所以唔可以直接等同稅收

我呀爸都係第四期，但唔係肺係肝。 確診之後日後嘅治療方案完全取決你屋企經濟，最少都幾萬起跳，我屋企窮所以開支淨係係標杷藥到但都已經好大負擔 比再貴嘅藥同醫院看護都只係舒緩病情。講到尾最重要都係陪伴屋企人多啲啦，傾多啲計睇下佢有咩心願未了或者想做嘅就做咗先。

其實首先要check 左屬於邊個type 的lung cancer。

然後再睇lung cancer 有冇任何基因突變。

Non-small cell Lung cancer 亞洲人常見的基因突變之一為EGFR. EGFR 的基因突變分好多種。一般而言有80-90% 的帶有EGFR 基因突變的病人均為Common EGFR 基因突變（Del19 和 L858R mutation) 餘下10% 為非常見EGFR 基因突變。病人可以使用EGFR-TKI
第一代：Gefitinib 、Erlotinib （公立醫院已有generic 藥物； 無惡化期中物數為10個月）
第二代: Afatinib, Dacomitinib. （Afatinib 可申請Sam Fund； 無惡化期中位數為12-14個月）其中Afatinib 在罕見基因突變的臨床數據最多
第三代：Osimertinib (無惡化期中位數為16-18個月）

其他基因突變包括 ALK, NTRK, MET, KRAS, ROS-1, BRAF

如果病人無基因突變的話，通常會check PD-L1 expression level. 醫生會根據病人的PD-L1 expression level 決定病人的治療方案。

注意：免疫治療不一定為帶有基因突變的Non-small cell lung cancer 病人延長壽命或無惡化期中位數。

病人需要與醫生商討合適自己的治療方案。

詳情可參考:
1. https://www.asco.org/research-guidelines/quality-guidelines/guidelines/thoracic-cancer#/150121
2. https://www.asco.org/research-guidelines/quality-guidelines/guidelines/thoracic-cancer#/10201

就算二十年後 香港都未必可以比藥用大麻合法化 末期癌症嗰班真係注定痛住咁走

同路人
由上年11月尾發現到而家已服用8個月既標靶藥
暫時副作用係個肚既問題比較大，成日無胃口同不定期便秘或肚屙好反覆，不過精神仲係唔錯
最初係因為隻眼有疊影先去照個腦，即日發現腦有腫瘤
但醫生估計唔係起因
再照全身後先確定係肺擴散咗去個腦度
然後要即刻排期電療個腦同時抽肺組織驗
睇吓有冇得標靶治療，之後發現可以配合到
就開始食第二代藥物
但食咗一個月已頂唔順副作用太強
除咗臉有紅腫同手指邊位都出現嚴重潰爛
個肚更加係瘋狂肚瀉，跟著就停咗食藥
而家轉咗食第三代，效果控制係唔錯
癌指數正常，不過除咗食藥之外
係要keep住照全身同抽血驗
但洗費就變得愈嚟愈貴
唯一感受真係把握機會陪多啲屋企人
盡力而為，共勉之

補充我頭先講 太眼訓打錯咗少少
通常係第一代去第三代咁食
但係都有聽講過係有啲病人1去3再翻1
或者食幾個月1再食幾個月3咁
如果有買保險嘅叫埋agent同你跟下有冇得claim

仲叫人揾公立…

個粒藥本身成本可以好平
但係你唔諗下藥廠R&D燒咗幾多錢?

我經歷過 樓主請睇睇我留言

我中3升中4個年暑假期爺爺確診咗肺炎末期
醫生話最多半年命
但後尾申請到資助食標靶藥 撐多咗年半
醫生話標靶藥無用 身體有抗性
問爺爺做唔做化療同電療
爺爺想陪我嫲嫲多幾年 所以忍住痛做
佢保持心境開朗同佢睇開咗 佢話一生人活咗咁多年有咁多仔女同孫都滿足 只係想盡力陪佢老婆多幾年
之後做化療電療個陣 佢身邊啲院友都無哂頭髮又跛腳又要坐輪椅
爺爺同佢地傾計發現佢地全部好痛苦 同埋無屋企人陪 一個人面對
反觀爺爺有五個仔女 十幾個孫成日輪流陪佢
所以佢就算末期癌症都好開心 做住化療都好健康行得走得
之後癌細胞仲試過縮細範圍 醫生都話好神奇 可能開心樂觀就係最好嘅解藥

到依加過咗5年 爺爺癌細胞雖然無消失 但佢仲行得走得禮拜三 六日去馬會買馬仔

佢呢兩年都Keep住日日食蕃茄 飲蘆筍汁
食得清淡咗 好多嘢都戒口

想同樓主講唔好絕望
依加醫學進步咗 如果你有錢嘅 搵最好嘅醫生同藥比佢
加埋陪多啲佢 開心啲 做啲佢鐘意嘅嘢 唔好成日諗住癌症
有可能末期都好得番的

研發癌症藥物成本高，臨床研究經常失敗是導致藥費貴的成因。

通常preclinical 研究都要試過千個化合物或protein drug 先可以搵到岩的candidate. 之後大量candidates 在第一/二期臨床研究失敗。即使藥物能夠上市，藥廠往往只有幾年時間收回成本及賺錢。藥費貴係在所難免。

可以差別好大
如果用得到 immune / target，係有機會控制得好好，就算過咗5／6年都生龍活虎都大有人在
但前提係要用到藥（又要有個 target, 又要有$），係 responder , 又要好彩無乜併發症
（例如上面有人留言話阿婆用藥好地地但突然細菌感染過身）

所以要分開，可以用藥控制 vs 康復係2個概念
類似糖尿咁，一般嚟講最多都係用藥有效控制，但同完全康復，係2回事

想問吓你親戚係咪因為冇復發， 或做到手術過到5年呢個期限呢？
同埋醫生係咪講佢算醫好左？

訓好d 食好d 病人心情好 好緊要

Offtopic, 想問下胰臟癌做左手術，以為無事，但2年後突然發現擴散左去肝到有3粒瘤，都係4期，有無得食標靶藥？

背景：3月發現，睇公立到依家，醫生都係建議咩都唔做，佢話可以化療，但都唔建議。
食緊中藥，3月到7月都無擴散出去（3月同7月各照左次PET scan) ，肝有粒瘤仲要無左，但另外2粒大左少少。

其實肺can最大問題係你控制得住呀，但好多時都會削弱咗你個肺嘅功能跟住奶啲細菌感染/肺炎跟住就bye bye

唔該巴打，你既資料好幫到手⋯⋯⋯

唔該晒巴打，我諗我都會安排屋企人去養和驗

有無咩名醫係比較nice?