想問下肺癌第四期去養和食標杷藥要幾錢左右

咁但係某d cancer可能用質子刀效果好d 但份保險唔包咪冇得用囉

我親戚之前肺癌第四期
食最新嘅鏢靶藥tagrisso
用咗差唔多兩年左右而家話冇晒啲癌細胞
不過隻藥好貴成$500美金一粒每日要一粒
佢喺外國住所以醫療保險包晒

唔知香港啲保險有冇包
喺外國嘅情況就係你冇保險，可以睇吓有冇資格參加medical trial，如果參加到就免費
上網都有coupon 減到一兩萬美金

以我所知隻藥要食一兩年
但係效果就好好
醫生就同我親戚講話佢而家冇晒癌細胞
但係要繼續食多兩三年藥
隻藥就冇咩副作用淨係肚瀉同皮膚乾燥

唔知多數情況係點, 但cancer 我覺得只係最尾階段易攰, 未去到冇力果D
係食左好多藥(藥本身傷身體), 同化療果D先令你連行都行唔到

其實... 放射治療已經包左
姐係癌症 有公司會寫包埋淋巴癌血癌白血病腸肺....
但有部分公司直接係寫癌症咁...

當初老豆手痛，以為冇乜野，但係一直都5好，走去私家醫院睇一睇，醫生就同我講最好有心理準備，我嗰都r曬頭5知咩事，跟住原來啲癌細胞擴散晒入埋骨，係私家住院十日倒就用左十萬，屋企5係冇錢，但係老豆死都話5住院話要翻屋企，本身入院前行得走得，入院做左輪檢查之後，出院就開始行5倒，嗰種惡化速度對於嗰陣18歲既我原全反應5倒，中學老豆老母離婚老豆睇住我，但係老豆一有事，我又做5倒啲咩，嗰種無力感真係好辛苦，仲要嗰陣翻緊學個人5識分輕重，有時成日都5係佢身邊，去到佢走嗰陣，我真係估5倒咁快，嗰種內疚、後悔全部衝入我個腦到，去到宜家一諗起成日都覺得自己係不孝子


純粹分享下，希望樓主5好好似我咁，有條件下多啲陪下佢，如果身體情況唔容許，就不如5好醫，多啲陪伴，起碼佢走都走得開心啲btw有機會醫當然要醫

樓主盡快做決定同治療, 因為差1-2日or 1-2星期 , 可以差好遠.
知道呢段時間樓主好辛苦好難涯 , 希望可以渡過到

拿 呢方面我就唔清楚啦 不過篇報導就係咁寫

咁係咪任何實體瘤，切左出黎，或者剪少少
拎去驗就一次過驗晒有咩標靶岩？

但係正常係，照一次身體有無擴散
搵出原發位置
之後再驗返相應既基因
舉例肺咁，可能得三隻標靶，
咁就驗下呢三隻既對應基因
所以應該唔洗驗全餐喎

我估全餐係咪比啲唔知邊度原發，
但已經擴散全身既人用？

求指教

樓主加油
我老豆都係同樣情況 第四期
初頭有間唔中去醫院做電療
依加食咗一年標靶藥 開始有抗藥性
唔知點算好
但我老豆話可能遺傳 因為我呀爺想當年都係肺癌死
但我老豆以前都係煙剷 可能佢都預咗

香港人想去既西方大城市正常打工草錢都係難買樓

你咁講我唔反對既

兩個星期我覺得合理時間
通常癌症本身都拖左好耐，
特別三四期果啲，無話等唔到兩星期既

政府等見醫生呢個係大問題
仲要有癌症，等兩個鐘係唔人道
私家真係快既

但你想好快咁比錢條無道德既人，
定等下，公立至少無利益衝突
講句野都覺得無私心

我夠膽講，你係啲外面掛牌既醫生
你搵100個都唔會搵到一個有醫德

如果保險佬介紹比你
1萬個都唔會有一個有醫德
眼中只有錢

不過我岩岩睇下睇下 保險可能講緊非手術式治療 未必會包 但如果寫到明講話包質子刀呀 數碼導航刀呀就真係包囉 有冇專業人士解釋一下？

珍，珍惜時間，比用錢延長
好一千倍
你延長佢痛苦，但係唔陪佢
不如唔好醫佢

唔係

你問保險包乜？
保險包乜都無用
你比左錢，之後再比單claim
果時佢話比幾多就係多
包就包，唔包就唔包

但以我所知，啲癌症plan應該 手術 化 電 標靶都包
但危疾就真係比佢批啦

補充多少少，驗基因突變都有幾種方法，通常最common都係睇某幾個基因（EGFR, ALK, KRAS),但有d 方法淨係驗得好少基因，有d可以驗好多（NGS)，價錢係會貴d，但可以買個希望, 某d藥廠仲會sponsor你做test，詳情問你既主診醫生。

另外，有d stage 4 patient係可以覆診足三至四年都唔死，所以唔一定stage 4就好快走，所以唔洗太灰心。

又會有肺積水

當年阿媽腸癌末期，打標靶藥，唔係養和醫院，係中環個啲診所。

兩個禮拜打一次，每次四萬幾，你當每個月十萬，挨左三年最後都係醫唔返，做左兩三次手術，加埋應該洗左四百幾萬

如冇錢可去藥房買印度藥，成份一樣，但價錢就平好多。

唔好理D人廢up想博就博，一定要陪多D你阿媽