想問下肺癌第四期去養和食標杷藥要幾錢左右

醫cancer既標準approach
一開始喺私家盡快做晒啲檢查+開始治療先
到情況穩定少少就轉去公立maintenance

同一隻藥 私家醫院會比公立mark up好多

或者問下醫生睇下最近有無得做白老鼠
如果有 多數唔洗錢

兩三星期內暴瘦 又咳多左
同埋佢做體力既工作 話愈黎愈冇氣 做到差啲暈

係

我家人剛剛因CA Lung走了
就黎出殯，希望以下資料幫到你
首先希望你同你屋企人有心理準備
CA Lung四期其實多數淨翻時間唔多
大部份幾個月就會走
但我好好彩，由diagnosed後爭取到年半時間
不過呢d野話唔埋
所以希望樓主有心理準備
亦好好珍惜餘下日子，唔好令自己有遺憾

家人亦係不煙不酒經常運動
被診斷後就主要去QM醫
佢既主診醫生Dr. Roland Leung
俾覆診期都覆得密
而且有商有量，仲有另外俾d電話for emergency request
樓主可以考慮下

家人亦有食鏢靶
開頭食既時候真係情況好好多
佢仲可以行翻山
不過要揹住氧氣
但係行山係佢最愛既活動
我諗呢段時間就係佢最後快樂時光
但好景不常，佢食左一排就肺發炎
醫生話要停鏢靶
咁之後日子有試過化療、免疫
又有再試另一代鏢靶
每次起到作用一排就會又有第二度發炎

所以我建議其實可以係公立到睇醫生食鏢靶藥
佢地d醫生都算負責任
我地另外都有揾莫樹錦拎second opinion
所以最好申請醫健通
有d咩報告佢個面都睇到
佢有咩意見就會寫封信俾Qm主診
都基本上每次會採納

而到後期假如真係要長期住院
可以考慮公立既私家病房
二人一房都唔差
不過而家都係無得探病
除非情況critical

去到真係末期
可以真係考慮去私家
係for家人朋友可探病
爭取時間見面
而公立都會建議你轉去d療養院
例如葛量洪
葛量洪而家呢個時期係一個星期探一日每次一小時
而葛量洪都有提議我地再轉去南廊
南廊就可以flexible d探病

希望幫到巴打你
事事順利
祝你全家身體健康

第四期癌症，公立會priotize，第一次用藥時間係睇症日一個月內。 而且公立好多類似case，醫生好有經驗。

之前睇過，日本免疫治療可以一試，康復率高過傳統化療好多

其實好事黎，我老豆由確診到過身捱左差唔多四年

我同你一樣 我都好亂 我做仔 望住媽咪五月確診 EGFR LUNG CANCER 第四期 我養和同QM 都去過 如果你都係EGFR 基因突變（多數既人係咁） 會食第三代鏢靶藥 養和 一個月52-53K 佢個價mark up 左好多 瑪麗就一個月33~34K 到 關愛基金其實可以申請 但條件係要擴散左落個腦個doctor 先approve

交換tg 傾好無

Stage 4喎ching

唔係話串樓主，但係咪真係有經濟能力去養和？未計藥，淨住一個月院已經可以上到六萬

幫推

On9... 細胞異變你幾慈祥幾好人都改變唔到

其實標靶都只係治標不治本
可以既話搵下免疫治療啦

咁你都應該準備生can

相對20-30年前，第四期癌症多咗好多方法醫。
標靶藥都令化療藥有效咗。
第四期癌症嘅五年存活率係高咗嘅。
咁每個人嘅第四期情況都有唔同，好難一概而論。但可以積極啲唔駛咁灰住，有機會好嘅。

你都係試咗公立果啲藥先，唔得先再去搵私家。
有部份癌症嘅標靶藥有關愛基金資助，
講真係去私家都係試咗同一堆藥先，因為都係都普遍同有效嘅療法，到無效先再試新嘅同貴嘅藥。

印度藥

另外 痛苦都要講一句
記住叫屋企人寫定遺囑 寫清楚哂所有
果陣寫漏左一間銀行 煩到依家都未搞掂

免疫治療一樣會有抗藥性同副作用
有得用標靶係福氣黎 效用好 副作用又通常都少

真心 第4期擴散左
你話康復應該冇咩可能
只可以用藥物 化療電療同免疫療法控制
趁病人家陣行得走得
陪佢做佢想做既事
去想去既地方
我屋企人 由確診到走左
3年左右
一開始食第一代標靶 政府有資助
食左一年多d左右 7千左右一個月
開始抗藥
要轉第3代
E隻政府冇資助 3萬左右1個月
應該食左8個月左右
之後開始化療電療
但病人好辛苦好大副作用
到最後咩都冇做半年左右就走左
醫生當時話佢唔適合做免疫療法
計埋食藥 食下補品 蟲草 營養品個d
3年真係洗左成百萬

不過當時我屋企人唔聽話
見到d癌指數升就自己停藥
做化療太辛苦 又冇再做
如果佢繼續食 應該可以再拖耐d

病人心境都好重要 保持開朗
加油💪

巴打 希望哩個網啲資料都幫到你

https://www.ha.org.hk/visitor/ha_visitor_index.asp?Parent_ID=10044&Content_ID=10048&Ver=HTML

https://www.ha.org.hk/visitor/ha_visitor_index.asp?Parent_ID=10044&Content_ID=206049&Ver=HTML

屋企人又係唔煙唔酒，到發現嘅時候已經係肺癌第四期，仲已經轉移咗去骨嗰度
原本喺公立醫院度發現，之後第一時間就轉左去睇中環私家，個醫生係腫瘤科都算係幾權威，試咗兩隻標靶藥，Iressa同Tarceva，前者就一千蚊粒，每日一粒，初初個藥效好好，癌指數都即刻跌咗好多，副作用都係喺可接受嘅範圍，但食咗一年幾左右就開始冇效，所以轉食咗Tarceva。呢隻我已經唔係好記得幾多錢，呢隻嘅副作用好犀利，會令啲皮膚好乾同埋會生頭瘡，要再另外去睇皮膚科。標靶藥食咗三年左右，到最後食到兩隻都冇藥效就要去做化療。
屋企人有去學郭林氣功，雖然我覺得其實係冇實際嘅醫療作用，佢有啲似耍太極，可以keep住每日落公園做吓運動
飲食方面個醫生就叫唔好食大閘蟹、雞同燕窩，其他嘢就乜都食，因為食標靶藥會口乾同皮膚乾，所以都會煲多咗湯。仲有去睇中醫舒緩下啲西藥嘅副作用。

雖然醫呢個病用咗好多錢，可以話係用錢買時間，但我覺得換多佢五年嘅時間係值得，佢可以睇到我大學畢業，做做晒所想做嘅事情，我覺得可以今佢人生冇遺憾，洗幾多錢我都願意

最後樓主加油！

唔醫都可以使落佢身上 比佢開心咁走

你真係憨鳩鳩當好笑