想問下肺癌第四期去養和食標杷藥要幾錢左右

家母現在身體健康嗎？

同埋，千祈唔好盡信公院醫生（好多都好垃圾，真係可以寫文）
more

我老豆一驗就ALK肺癌4期，即刻食第三代標杷藥，每個月五萬幾，而家食左16個月，有好轉，腫瘤仲細左

你記唔記得你屋企人化療既藥名?

我屋企人都係CA Lung Stage 4
岩岩開始做化療, 公立醫生&莫教授話我屋企人呢隻既副作用好輕微

但見到你咁講, 又好擔心

我阿婆第四期肺腺癌﹐打左5次Pembrolizumab所有腫瘤都細左一半﹐但最後因為其他事細菌感受肺炎走左
千其比d唔乾淨既食物比病人食!!!!!!!!!!!!!!!!!!!!!
我舅父on99咁未整熟隻雞就比阿婆食﹐然後就出事了

接受現實，4期肺真係等死，
肺功能冇咗就冇咗，抖氣都辛苦，
有種每分每秒都覺得自己會死既感受，
咁樣生存落去真係開心？

趁仲有時間帶親人做啲佢想做既野

一二線好似lenvatinib 大約萬八一個月，如果再無效轉免疫藥就要大約四五萬

明白你講要比佢知最壞情況
但唔係CT都未有報告，又未test咩mutation就落定論既
何況肺癌食標靶藥真係似買六合彩咁
其他癌症做化療電療手術都可以預期到
肺癌食標靶藥可以今個月話進度好好
下次就話隻藥唔啱再無藥食要停藥
我都經歷過我明白
但我想同樓主講，搞清楚係咩性質咩異變先，無資料的話所有人都係靠估，想唔想醫都係全家人的決定，唔好理連登仔話四期就唔好醫

佢有但要你俾錢，因為唔係藥物名冊
請上網搵下有無ngo資助或者新藥試驗

祝好運

睇邊種肺癌啦

我覺得唔係抱唔抱有希望
其實冇人會對個病抱有希望
大家都知肺CAN咩料 包括中招既果位家人
其實點會唔知 睇電視都聽得多啦
作為家人聽到個消息更加係被打沉到絕望
但要調整心態 作最壞既心理建設
其實如果情況好差(差到倒數階段)
醫生係會同你講
你亦可以聽完醫生意見同埋講比你聽有咩負作用先決定
因為醫生係會講比你知黎緊會用咩藥 有咩用等等..加油樓主

太長太多啦，講少少啦

免疫治療貴，又多程序要搞，好多醫生見你睇得公院又無錢，就唔會俾你知有呢個option , 個時我係問醫生先有得做testing, 唔問就直落化療

試過第一針落化療，但等緊PDL1報告先決定第二針打咩
結果個醫生睇唔睇個PDL1 result（over 89%, 可轉第一線打單免疫）, 直接叫我屋企人繼續打化療。到我問佢份report 出咗未, 先好似如夢初醒發現有份報告未睇

阿婆阿伯無人陪個d真係會被佢哋耍

仲有d再仆街d我個fd中咗招

PS都有好醫生嘅，但唔多囉醫生都係打份工，唔好當佢地係聖人，好多都真係*打份工*

呢個真，個陣公立話淨係做寧養淨返三個月， 而家捱到三年幾仲有機會再繼續拖

不過洗左半份首期….. 但親人係無價既

唔好顯示你既無知啦大佬

同事呀媽食咗十幾個月標杷左右，食嘅時候腫瘤越嚟越細，到最後醫生話已經唔見咗，不過大概都係20至24個月左右...癌細胞再出現。今次拜拜了。
賺了屋企人相處時間，用錢買時間，睇吓你覺得值唔值得。多做善事，對屋企人健康有幫助，加油💪🏻

後生既一定一定要去陪，問清問楚，你唔問佢hea你，你問佢一定要答你。
而且一定要搵second opinion 即私家，一次都係一千幾百但佢係會真心答你同為你地諗
政府如有照ct就叫私家出信俾你去借光碟，咁係最經濟既方法

難聽講
所謂既醫係格硬延長佢壽命
但其實化療係好撚好撚好撚辛苦
最後又唔會醫得番
不如趁呢段時間比佢做想做既野，安安樂樂咁去好過啦…
其實cancer死已經比好多人幸運
有足夠既時間處理心事、同親友道別
唔似因意外死既人，咩都未做就走左

有時真係唔好咁自私…唔好因為唔捨得親人走就點都要延長佢條命..無憾咁走得有尊嚴先係對佢地最好

抽組織好似萬幾
電療一次100k
Pet-ct, mri又萬幾-兩萬幾一次
每見一次醫生又兩千幾

總之洗錢好似倒水咁

可以唸比佢體面，舒服地走， 同醫生講明唔醫（唸清楚先）， 打嗎啡打到唔會痛，交代完要交代，見下朋友，突然間有一日開始打訓覺針，一直訓覺直到離開

以上安排係中價私家住左一個月， 收30幾萬，

即係十皮一個月，保險claim 唔claim 倒？

人地唔係你阿媽，咩家母 係伯母

你搵下免疫療法，大概就係令你個免疫系統認得癌細胞係有害嘅，靠自己身體打，效果都唔錯