將軍澳討論區 (21)

黨鐵已經要等，連水都要等

師兄中肯
根本佢地自己周圍撩起火頭在先

最後揀左清半 咁啱預著個單位我同gf都好鍾意 就好快決定左
其實呢個屋苑之前我都覺得好遠所以無考慮過佢 直到後來有朋友搬左去個度 同佢傾開先知原來係有路行去將軍澳站同將軍澳南 自己試過行又其實accept到 想快啲又有小巴去坑口（睇樓真係要試下啲交通行程自己接唔接受到 好個人）之後先開始叫agent睇埋呢個屋苑 （好笑既係連啲agent一開始都好似好驚訝咁 覺得你做咩咁睇唔開要去睇清半 同埋我試過同agent講直接去清半大閘等 我行過去 佢會好似好surprise咁問你：行到過去架咩 諗返都好笑）
簡單講：如果接受到無得一落樓下就有7仔m記 交通又accept到 咪睇埋呢個屋苑 睇多啲唔同屋苑先知邊啲啱自己

十分鐘行到？我行過一次覺得唔得…我睇番手錶差唔多廿分鐘
D路又黑，入到去，電梯壞左，升降機又壞一部
等左勁耐先上到樓，心入面負評愈黎愈多

個露台設計又大陸feel
唯一係樓齡新，大，價錢較平
馬利布同晉海就比較好，不過太貴，睇兩房都話要930萬以上，買唔起，管理費亦唔平

但你要接受到，可能有個人同你同期買日出康城，佢三年後賺兩球，你可能賺得50萬，果下係好痛苦

我自己咁諗啦 如果一個單位好住既 都唔會諗住咁快換樓 姑終換樓都要成本 所以升同跌都唔太關我事 同埋宜家用平啲既價錢買 (對比將南）可以快多儲多個錢買第二間做投資

你有心將來一開二, 就緊加要注意個盤有冇跑輸大市
淨係幾年後加/轉按入第二層已經好大分別

8B 點會係河景 你真係風趣幽默

真係當人乞衣

可能我講得唔好 我覺得如果係唔夠budget既 買啲細單位博升值換樓無可厚非 但如果睇中自己心儀既 都無諗過短期放樓既 價啱咪入 始終自住唔同純投資 要投資回報高既既有其他地區/其他投資工具選擇

當然 清半我自己覺得都有啲優質既盤個升值潛力係有 而有啲盤我就一定唔會揀(2期f g單位）而我買左個度 宜家個估價都升左啲（無諗住放其實真係純自high用）

而我講買第二間做投資唔值得參考 （唔係一開2 所以我講我自己講得唔好）如果要有投資回報高既元素 咁買清半真係未必一個好選擇

哩個真，好多舊樓好好住，管理費好平，有哂配套
但大幅跑輸新樓，果下真係好灰
好似幾年前買將廣同康城咁，將廣好住到仆街，但人地升100你升50都灰左

你岩，但打個比喻就係你有份工做得好開心但加薪慢，有份西工但人工加得快咁，有人覺得最緊要開心，無後悔就得，但清半真係無餐廳無街市，同康城差不多

咁都要睇眼光既, 
康城都係得嗰其中一期跑嬴將廣姐, 
仲未計樓花嗰幾年既住屋成本

唔係3期以上全部贏咩？重有條橋都未通車

將廣將中今年都升左唔少了

淨係4同6都已經嬴唔到啦

好多都新樓買落升一球以上，雖然未賣得

其實最緊要清楚自己要啲咩 始終買樓唔係細數目

餐廳我行去澳南同將廣將中食多 街市就尚德買完轉796c/將廣買完行返去 so far都ok

你岩，恭喜哂巴打👍

你呢個例子好貼切
我最贊成係自住唔同純投資，最緊要住得舒服
Touchwood有咩事可能要住好耐

投資同未結婚等上車
就可以賺盡樓花期個住屋成本

1000萬下 晉海點會贏唔到

唔應該用閪工去比喻，因為新樓都係好好住，可能係面積細少少，管理費貴少少

咁8座B室應該望到咩

新樓要抽到，又要等建期