忍唔住借朋友account回覆,我係絲,因為我真係好想分享(sorry
)
我隻狗係上年2月走左,佢陪我過左14年
佢一直身體好健康,但係12歲開始身體就出現毛病,我每一次都親身同佢睇醫生,就算番緊工lunch break我都會去,醫生仲話感覺到我同我隻狗有心靈感應,知道佢邊度唔舒服,我可以代佢講到。。(sorry可能有少少1999)
佢係我同我同我屋企人養嘅第一隻狗亦應該會係最後一隻,因為愛得太用心,再承受唔到離開嘅傷痛。
佢係o係屋企心臟病發,雖然發現得及時,但送到去診所已經走咗,我仲記得個一刻崩潰同唔敢相信嘅感覺。我抱住佢仲暖笠笠嘅身體跪係地下大喊:你第時要番黎做我個仔
佢走左之後嘅每一日我都覺得我再開心唔番,大概係有佢係身邊嘅日子可以有100%開心,走左之後無論發生咩事都可能只可以有80%開心。
我每晚就係重睇一次佢係我手機入面嘅相同video,然後流住眼淚咁入睡,每晚都望住個mon同佢講我真係好掛住你。。
係同年嘅7月,係完全無調理/刻意嘅情況下我竟然有左bb (之前睇婦科一直都係話我好難有bb因為我嘅子宮問題,亦講到明如果我要懷孕都係要人工,所以我從來都無諗住會有BB)
到而家佢已經出左世啦,都係一個男仔,我就知道佢真係番左黎我身邊
所以我好相信如果真係好愛好愛好愛,念念不忘,必有回響。