我果隻兩年前走左,佢陪住我過左人生好重要既十幾年,經歷左幾個人生階段,開頭一兩個月真係好心痛,但始終時間會慢慢撫平心情
過左兩年,依然時常會諗番起同佢玩既時光,發夢有時都會見到佢,有時自己一個靜落黎既時候,睇番啲相,諗番起佢,雖然冇再好激動,但偶爾都會靜靜落淚
有種好空虛既感覺,因為失去左一個好朋友,而且係一個極之鐘意我既好朋友,但永遠再見唔番佢
你問我點面對既話,我只可以話,繼續正常生活落去,時間會慢慢撫平你個傷口,但係永遠都會有條淺淺既疤痕喺到,耐不耐都會引起一啲陣痛
(佢係我第一隻養既寵物,暫時都冇勇氣再養,因為生離死別太苦,亦都怕自己當左新果隻係替代品,但如果接受到,我覺得再養一隻都對你好有幫助)