[懶人包更新啦] 絲打喺邊度買bra? (19)

香港門市都有了 著上身好靚
諗緊應唔應該趁日本官網vip有9折買埋佢
等到做Sale嘅話好多時都冇晒自己碼

想問吓係圓杯定尖杯

Ig搵boom sims

其實Viutv,開電視甚至rthk, tvb應開節目教人度size買岩，著岩內衣
唔係個個都識上網搵資料

如果kellylove 著開36C
pj days 應該著咩size

建議你直接度自己上下圍數

唔記得留意唔敢答實添



我著之前呢款圓杯型好啱身，新款相對托得冇咁好睇但又唔會唔啱
可能算圓偏尖（？）掛

底圍72
比網上好多人建議過著pj 65圍
本身覺得效果幾好，幾集中。
着咗半年至一年之後發現背脊擠咗舊肉
早知着70
勸大家唔好咁進取，
以為緊嘅圍帶可以幫你變薄背，我係着到，但係唔一定最好。
唔係同時增肌做運動，有機會適得其反

同埋個人經驗表示pj 唔加工，釘杯屈杯等，效果唔算特別好。可能我多鬼鼠肉，點都會擠少少肉出嚟（65f 65g 70d 70e我都買過）
同埋考慮過唔夠包覆性問題，我都着咗半年胸托，但係竟然副乳太擠壓下，積聚左黑色素，搞到我即刻都唔敢再着。

我諗我會回歸返普通功能內衣/其他牌子，包覆性好d。 聚焦/胸型上一定要揀款，起碼冇擠肉問題，同埋冇以上副作用…

嗯，其實不嬲都無講過話著得越緊就越好
你啲pj個鋼圈fit唔fit呀，有無過窄，副乳太擠壓似係件bra唔太fit身？
你去試下第二個牌子囉，你70圍真係好多選擇，基本上香港有實舖嘅，你走入去都唔會無款試
你可以試啲背帶粗啲啲咁多，但又唔會包到成件背心咁嘅款，咁就唔洗怕著到胸位太低啦
例如香港有舖嘅可以試下曼黛瑪璉，wacoal個啲啦
如果想買啲靚啲但背帶闊身少少嘅，你可以網購下其他日本牌子，例如bradelis 等等，依到都有幾個sis略略講過咩款岩咩胸型，雖然無圖，你可以摷返之前啲內容黎睇
當然，以上都係舉例，唔係咩推薦，買bra最緊要試得多，依啲野同護膚品一樣都係人夾人

黑色素試下搽nivea美白個枝lotion?聽人講work?

我隨便追post都見到有人73下圍，有絲打覆佢可以試pj 65 某香討大神都覆過我有得揀要着緊啲。

不過你都啱，最緊要試到啱自己，啱先追post見到有絲打話mode marrie 啱圓盤隆起低，我著翻件陳年倉底貨發現真係好淺雞心而且着得P J耐，着返功能半日已經好緊好唔舒服….

頭先都落街去咗satami 試咗五六款bra, 只係得一款勉強入眼…集中唔分散，其他簡直係屎。

所以試一個啱自己嘅款，真係需要數以年計嘅時間…

Btw 好彩黑痕係冇着胸托一個月之後已經消失謝關心

如果你試到岩，上黎包膠下係邊個牌子同邊款咁樣同你差唔多胸型嘅人都可以睇下除左PJ仲有咩好選擇
橫掂如果買黎買去都同一個牌子，都有啲悶
satami個脇太高啦，著唔高
疫情無咁嚴重個時，你行下百貨公司睇下有無啲背帶闊少少但又無闊到成件背心咁嘅款
著得太耐個啲款真係唔係太好，好似你話齋，屎黎