一個A0毒L和O4女神的故事 (5)

538 回覆
158 Like 3 Dislike
2021-05-28 22:27:41
第七十五章 點解你要坐呢班巴士喎?

那個女生沒有跟隨阿康進入大堂,與阿康告別後,便自行離開。

Athena一直思索女生是何人。她好肯定,她曾跟這位女生見過面。

對,Athena想到了。她是Vicky,是阿康曾經追求過的女生之一。Athena仍在Smartoys的時候,阿康第一次見客,就是遇到這個曾玩弄阿康於股掌之中的Vicky,令阿康大失水準,差點丟掉了第一單生意。

阿康曾經當Vicky的步兵半年,受盡屈辱,所以他現在根本沒可能跟Vicky有任何瓜葛。但Athena想深一層,自己與阿康以前的關係也很差,她也曾經當眾辱罵過阿康,到頭來也可做到情侶。所以,阿康和Vicky也不是完全沒有可能。

Athena一直以為,阿康是條件較差的一方,異性緣不好。事實上,世界一直在變,現在的阿康也有獨特之處,未必不能吸引到異性的青睞。

儘管如此,剛剛從阿康和Vicky二人之間的身體語言來看,二人不似有親密關係,所以Athena也不會想太多。現在的她,只想一心一意維修好音樂盒,意志堅定,其他的事不再理會。

**********

距離音樂盒維修完畢還有一星期,Sophie幫忙打電話去音樂盒店,詢問音樂盒能否如期維修好。負責人抱歉地回覆,因為音樂盒的零件比較細小,維修所花的時間比想像中長,要再延遲兩星期才能交貨。

確定到最終的交貨日期後,Athena立刻預訂機票,打算獨自前往小樽。

Sophie剛好成功跟同事調更,在同一天出發札幌,並在外站過一晚,所以能夠陪伴Athena前去領取音樂盒。

損毀了的音樂盒終於修理好,外觀跟原本的一模一樣,完全沒有任何損毀過的痕跡。Athena扭動音樂盒的按鈕,音樂依舊動聽,而積木排列的次序,也因應Athena的要求成功改變了。

Athena望著音樂盒,一時感觸落淚。她從未試過為一件私事而這麼認真過,她真的很想阿康感受到,她已經改變了,會為這段感情付出。雙方的關係是對等的。

大師:「(日文) 你很像那位男生,那位訂造音樂盒的男生。他看見音樂盒的製成品時,也感觸落淚。」

Athena (Sophie)︰「(日文) 是我辜負了他對我的愛。我希望這個修理好的音樂盒,能修補我們之間的關係。」

大師:「(日文) 對,我延誤了交貨時間,我會給予補償。如果直接對維修費給予折扣,可以嗎?」

Athena (Sophie)︰「(日文) 不用了,我很多謝你能為我維修好音樂盒,維修費我會付全數。」

大師:「(日文) 你今天說的話,也跟那個男生當時所說的一模一樣。」

大師所指的,是阿康當時訂造音樂盒的事。跟Athena今次維修音樂盒時一樣,當時大師答應阿康兩個月訂造時間,但同樣延誤了,阿康還直接出發到了小樽,結果要在當地多等數天才收到貨。

大師最講求承諾,如果他未能在限期前出貨,一定會為顧客作出補償。當時他決定給予折扣給阿康,阿康拒絕,支付了全費後便離開。

大師:「(日文) 啊,我差點忘了這個!」

大師突然想起某些事情,立即走進貨倉,尋找一件舊物。沒多久,他找到了,並親手將之送給Athena。

Athena拆開包裝,驚見這是阿康之前找了很久、最終由Athena幫他買下的那隻Marvel限量版figure。

Athena (Sophie)︰「(日文) 為何你會有這隻限量版figure?」

大師:「(日文) 當時我未能及時聯絡那個男生通知交貨延誤的事宜,他便來了小樽。當他得知未能如期收到成品之後,顯得有點惆悵。經我再三詢問之下,知道他要盡快回港,排隊購買一隻他很想買到的限量版figure。」

大師續說:「(日文) 我叫他盡快離港,買了figure後才返來小樽,我為他支付機票費用,或者破例郵寄來香港。他說不要緊,稱沒理由要我負擔機票費用,因為要臨時預訂香港至札幌的來回機票,費用一定不便宜,有可能比音樂盒價錢更貴,同時他又不想我為他破例郵寄成品到海外。最後他決定多留數天,放棄買那隻限量版figure。」

之前Athena並不知道,當時阿康是因為要為她訂造音樂盒,而導致他買不到那隻限量版figure。當中的千絲萬縷,Athena到現在才一清二楚。

大師:「(日文) 當時那個男生拒絕我給予折扣的請求,之後我找朋友幫我買下那隻figure,當作是延誤的補償。但是我打不通他的電話,原來他只留了日本的電話卡號碼,我沒有他的香港電話號碼,所以找不到他,那隻figure便一直存放在這裡。你可以幫我交給他嘛?」

Athena (Sophie)︰「(日文) 可以,多謝你呀!」

臨走前,Athena在那本留言冊上,寫下她對阿康的情話……

在回程的航班上,Athena拿著音樂盒和figure,感到世上很多事情,真的冥冥中自有主宰。阿康因為要訂造音樂盒給她,所以買不到figure,到頭來由她買回figure給阿康,最終阿康要幫她籌集手術費而賣掉figure。現在又從音樂盒大師手中接回figure,而損毀了的音樂盒又被修理好,現在正完好無缺地握在手中。

所以,她相信二人之間的感情,一定可以挽回。

**********

回港後,Athena返回家中。她拿出手機,檢查電子郵件時,看見了提示郵件,發現今天原來是10月14日,即是Thomas的生日。當然,她已經沒有感覺,只是很久前設定好的生日提示,沒甚麼特別。

晚上,Esther和Chloe也來到Athena的家,看看那個被維修好的音樂盒。Sophie也已回港,並一起前來Athena的家。

Chloe︰「其實個音樂盒真係好特別,個樣望落都幾靚,你仲要攞埋隻figure返嚟,你今次小樽之行,真係收獲豐富。」

Esther︰「你打算點者?音樂盒又整好,阿康最鍾意嘅figure又有喺手喇,你打算幾時俾阿康知?」

Athena︰「我想約佢聽日出嚟。」

正當Athena想用WhatsApp傳信息給阿康之際,手機的新聞APP彈出了特別新聞報導的通知。她看見是嚴重交通意外,於是開啟通知連結,看看是怎麼樣的意外。

當她看到內容之後,立刻面露驚恐的神情,更握不住手中的手機,手機丟在地上。

Esther︰「做咩事呀你?」

Chloe︰「做咩呀Athena,你個樣咁驚嘅,仲要無端端跌個電話落地!嗱,你睇下,你個玻璃mon貼爆咗隻角喇!」

Chloe拿起了Athena的手機,並指著手機的角位。

Athena好像聽不到她們的問題,仍然一臉驚慌,似是看到一些極壞的壞消息。

Chloe︰「你睇咗啲咩呀?」

「交……通……意……外」Athena吐出這四個字的時候,嘴唇不停在震。

Chloe望著Athena的手機,讀出新聞的內容:

「大約晚上九時半左右,龍翔道西行近沙田坳道位置,一輛33號九巴突然失控,剷上行人路,撞倒巴士站上多名途人,最後撞上黃大仙中心的商場外牆位置。五名男女當場死亡,死者全部都是巴士乘客。另有多名巴士乘客和途人受傷,分別被送往聯合醫院、廣華醫院和伊利沙伯醫院急症室接受治療。」

Athena︰「阿康佢……佢好鍾意坐……坐九點喺總站開出嗰班33號巴士㗎,時間上好……好吻合,方向又中。」

Sophie︰「可能唔係佢搭嗰班車呢,邊有咁準!唔好咁擔心啦!」

Athena︰「唔係呀,阿康係一個好……好有規律嘅人,佢鍾意九點開出嗰款嘅車型,寧願OT……OT都要搭佢,已經變成咗佢嘅習慣。同埋呢架車好疏㗎,嗰個鐘數……嗰個鐘數喺黃大仙出意外,就一定係阿康經常搭嗰班,一定無錯。」

Chloe︰「咁,就算佢咁有規律,都唔一定會搭呢架車㗎!可能佢約咗人,好早就離開公司呢!又或者佢今日突然唔想OT,早咗返屋企都未定。你快啲打電話俾佢啦!」

Athena︰「係,你講得啱!」

Athena立即打電話給阿康,但直接飛去留言。很明顯,阿康的手機關了。

Athena︰「點解會直接飛咗去留言㗎,點解?」

Athena剛才還是一副驚恐的樣子,現在則變得憂慮和焦急。

她打了差不多十次電話,但依舊轉駁到留言信箱。

Athena︰「阿康唔會咁㗎,佢唔會唔開電話㗎,佢從來都未試過唔開電話㗎!點解會咁㗎!」

Athena忍耐不住,開始哭泣。Esther立即擁抱Athena,以示鼓勵。

Esther︰「可能佢電話冇電者,唔係出意外!」

Athena︰「唔會㗎,阿康平時好著重自己嘅電話,唔會俾佢冇電㗎,佢背囊長期都有兩個尿袋㗎,佢個電話根本唔會冇電!可能佢真係出咗意外呀,電話撞壞咗,所以收唔到我電話。嗚,點解要係阿康,點解!嗚!」

Chloe︰「就算,假如,萬一,阿康真係上咗呢架巴士,咁可能佢只係受輕傷呢,未必係死嗰五個!」

Athena︰「如果……如果佢真係坐呢班巴士,佢好大機會會死!你睇下呢段!」

該報導還稱,巴士損毀最嚴重的位置是上層右側中間位置,因司機曾猛力扭軚,導致右側車身直接撞向商場外牆,尤以上層為甚。五名當場死亡的人,有四個都是坐在上層右側中間位置。

Athena︰「阿康好鍾意坐上層右邊中間個位㗎,我每次陪佢搭巴士,佢都係揀呢個位㗎!」
2021-05-28 22:28:04
(續)

Sophie︰「OK,我哋唔好諗佢坐邊先。佢……佢有可能仲喺公司呢,佢可能有個大project跟緊呢,所以要留夜啲,一定係!」

現在,三姊妹盡量說出所有的可能性,去証明阿康可能沒有發生意外。

Athena︰「佢留喺公司都會開電話㗎嘛,關咩事!」

Sophie︰「咁你試下打電話去佢公司,睇下有冇人聽電話囉。」

Athena︰「冇用㗎,佢哋過咗辦公時間之後,電話會飛去留言。我以前喺嗰度做㗎,一路都冇變過!」

Esther︰「阿康個電話唔通,除咗冇電之外,可能……可能係收唔到電話呢!佢去咗一個收唔到信號嘅位,又有可能係佢出咗trip,佢搭緊飛機,所以收唔到!唔好擔心啦Athena,阿康會冇事㗎!」

Athena︰「出trip?係,可能係出trip!我打俾Johnson,問下佢就知!」

Athena打電話給Johnson,問他公司有沒有人離開香港工作,Johnson說沒有,所有同事都在香港。

Athena︰「咁,你知唔知阿康今晚有冇加班?」

Johnson︰「阿康呀……我估應該有喇!佢真係好準時,我意思係佢好準時每一晚都OT到九點零鐘,我最近睇過佢sign in sign out紀錄,都係九點十分左右sign out。你問呢啲嘢做咩呀?」

Athena︰「我擔心佢有事呀!」

Athena將現在擔心的事向Johnson說起。

Johnson︰「冇事㗎,阿康唔會有事,唔好擔心!一係咁啦,我打去問下醫院,睇下阿康有冇被送入醫院啦!」

Athena得知阿康沒有離開香港,最近又很有規律地於同一時間下班,乘搭那班巴士的機會很高,又坐在巴士損毀最嚴重的部分。一想到這裡,Athena再次落淚。

她不斷打電話給阿康,又嘗試用WhatsApp傳送信息,當然長期處於單剔狀態,信息未能成功傳送給阿康的手機。

「點解你要坐呢班巴士喎?點解要咁呀,點解?你唔好死呀!」Athena大聲呼喊。

Athena開始感到絕望,坐在地板上,抱著膝頭,低下頭飲泣。三姊妹認識Athena已久,從未見過Athena心情會如此低落,從未見過她這個接近崩潰的樣子。

Sophie擁抱著Athena,道:「我唔會再反對你同阿康喺埋一齊㗎喇!我之前一直都講好多負面嘅嘢,睇唔好你哋呢段感情,但我依家唔會喇!只要阿康冇事,我一定會衷心祝福你哋!信我啦,阿康一定唔會有事!」

Esther﹑Chloe︰「係呀,一定會冇事!」

得到好姊妹的鼓勵,Athena寬懷了一點。可是,阿康仍然生死未卜,完全沒有任何音訊。
2021-05-28 22:28:06
有文啦
2021-05-28 22:33:12
今晚有無?無就訓先
2021-05-28 22:33:21
唉屌,等到我就快崩潰先有野睇
2021-05-28 22:34:21
去醫院搵佢啦八婆,跪喺個地下把咩
2021-05-28 22:36:28
......................
唔撚係掛 所以結局係車禍?
2021-05-28 22:37:09
同vicky扑緊野啦
2021-05-28 22:37:20
遲就遲咗啲
都叫趕到今晚出到
希望今晚呢更嘅內容唔會令到大家瞓唔著啦
2021-05-28 22:38:13
好吊癮
2021-05-28 22:41:09
去到呢個十五十六嘅位,好難瞓得著喎
2021-05-28 22:42:10
原來Sophie 係空姐
2021-05-28 22:45:29
Live 咗 S條八婆唔好以為講幾句就洗到底
2021-05-28 22:46:57
2021-05-28 22:50:20
支持樓主寫sad end
sad end考文筆啲
2021-05-28 22:51:39
分頭去醫院搵啦
2021-05-28 22:52:28
應該同Vicky出左街/食飯,如果唔係唔會前文提Vicky
2021-05-28 22:54:16
唔好咁老土死啦
2021-05-28 22:57:02
睇完 星期日再見
2021-05-28 23:00:48
2021-05-28 23:15:34
阿康搭巴士撞車死
vs
阿康同Vicky瘋狂扑嘢中出
Athena會點揀
2021-05-28 23:28:26
阿康一定無事架
就算係sad end,我都想係佢哋兩個最終做唔成情侶,多過係天人永隔


如果係阿康過咗身,我諗起呢隻歌

https://youtu.be/XRvUzyJEsw
2021-05-28 23:29:24
sor,條link錯咗

https://youtu.be/XRvUzyJEswM
2021-05-28 23:34:53
阿康同Vicky瘋狂扑嘢中出
然後阿康搭巴士撞車死
2021-05-28 23:37:35
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞