【鳩故】無啦啦有三條女同左我一齊住（2）

無幾耐，飛機似乎已經穿過氣流，回復穩定

「chantal呀...」


「嗯？...哎呀！！！」

chantal發覺自己揸住我隻手成幾分鐘，即刻道歉：「唔好意思呀新地！痛唔痛呀？」


「呃...無..無事...」


我望一望，嘩頂紅撚哂

呢一揸，令到成個氣氛變得尷尬，直到落機


睇住前面椰奶佢地個個好興奮咁起哂身拎袋，而我地就仲響後排，都有啲無癮



「哈哈..唔好意思呀..」

chantal摸住頭：「頭先太緊張啦...」


「哦...無野哈哈」

我行出走廊既同時，都幫chantal拎起佢個handcarry旅行袋仔

「你個袋呀」


「唔該...」

我地一落到機，成班人就已經響條通道度等緊我地

「喂！快啲啦喂」tyson叉腰叉到成個大佬咁



「一陣上唔到shuttle bus又要等下架啦！」阿梅提醒


「知啦...」

我同chantal即刻加快腳步，追上大家



飛機係響成田機場降落，聽marie講過成日都要搭shuttle bus去過關


雖然仲只係響機場，但已經吸得出日本既空氣

比起香港既清新好多


「嘩，好舒服呀！」

嘉桓深深吸一口氣


「緊係啦，無哂香港啲廢氣」

肥昇指住拎住手機對住自己既otto：「喂做乜影我！」


「我諗住今次旅行幫我地暗hall拍vlog呀！」

otto將鏡頭掃視我地：「肥昇不如講下今次旅行有咩想得到？」


「咪搞啦屌！」


「當自己youtube爬咩哈哈哈！」

愛雯村笑道：「日本有肖像權架，一陣比架仔架妹鬧就好笑啦！」


見自己人都恥笑。otto只好放棄呢個大計

過完關拎完行李，我地跟住熟路既marie同愛雯村到下面搭架叫skyliner既車出上野

其實我對日本既地名真係0認識


「新地，做乜隻右手紅哂既？」坐隔黎既阿豪問


「...其實係因為頭先有氣流太驚，所以先揸到新地隻手咁」

斜對面既chantal尷尬笑道：「唔好意思呀新地」


「哈哈咁你就唔啱囉chantal！」

「係囉快啲報答新地啦，今日幫左你咁多！」

成班人起哂拱咁，搞到chantal紅都面哂


「你班友咪鬼煩啦！chantal唔駛理佢地！」椰奶笑住為chantal解圍


同時，我都見到larry,對我投以一個又羨慕又妒忌既眼神


佢應該已經當左我係最大既敵人，但係


唔通我朝早唔幫chantal拎返電話咩！？



「日本！我地黎啦！！」

轉左次車之後，我地終於到達池袋站


繁華程度猶如香港一樣，而且都係咁多人

唯一唔同既係，空氣同成田果陣一樣咁清新


「喂tyson你又話著背心既！」

「係喎，做乜著褸呀？」

愛雯村帶頭恥笑


「屌你...少少凍姐...」

依家氣温應該低過十度，tyson都忍唔住著左件jacket

狗哥一於少理

「唔好講咁多住先啦，快啲去民宿放低啲野出黎食飯啦，好肚餓呀！！！」


「知啦知啦！」



負責幫我地訂民宿既marie，帶我地成班人去到民宿

佢用日文幫我地同個民宿主人講幾句之後，就直接帶我地上房



「哇好大呀！！！」

我地訂既民宿係兩間房打通，各自應該有成七百尺


「好攰呀！！！」

成班男仔即使扒上大床


「嘩你班友仔丫！你地訓到亂哂我地點訓呀！」阿梅成件羽絨掉向傻強


「咁眼訓丫嘛！」

傻強望一下周圍：「但係，床...得8張咋喎！」


「訂果陣屋主咪話左得8張床，剩底果啲訓他他mi囉！」嘉桓又督住傻強黎講


「咁...」


「咁緊係女仔訓他他mi啦！」刀仔大笑

「啱呀啱呀！！」

我地男子組立即起哄


「丫你地都幾無風度架喎！」

椰奶指住堆拖鞋：「夠唔夠膽玩飛拖鞋黎揀床丫！」


「好呀！驚你呀！！！」

住過最豪華既酒店應該係響千葉，個屎坑大到仆街
https://www.agoda.com/daiwa-roynet-hotel-chiba-chuo/hotel/chiba-jp.html?cid=1844104

呢個品牌我住過青森嗰間，正嘢嚟

第一次睇樓豬故 原來樓豬係JFFT fans

踢拖鞋揀床firm

是咪要4個人一張床

新地加3條女一張床

我哋要諗下呢間房嘅上限係幾多

新地同chantal一齊訓啦

冇上限

由旅行想得到咩個刻就諗起米仔個完美icon
當我睇埋落去 屌0firm

飛拖鞋
記得之前米仔贏咗揀他他me

見到酒店外觀都想試吓住

有冇人同比叔瞓

Lm

推推推

推

push

我地以走廊為跑道飛拖鞋，邊個最遠又未去到廁所既就可以先揀床


「喝！！」

傻強一野將拖鞋飛到廁所門前，暫時穩坐第一：「嗚！！！！第一名呀！飛拖鞋之鬼！」


「有冇咁勁呀，出千！」

肥昇氣道，因為佢依家啱啱好第9，隨時無床訓


「食拖鞋飯就有你份！」椰奶笑道


「好！到我到我！！唏！」

下一個參賽者愛雯村用力一踢，將傻強隻拖鞋踢入廁所，自己霸占第一位


「嘩屹屹屹屹屹！！！！！！」

一見到傻強由第一秒變第尾，我地成班笑到倒地

「真係忍唔到笑呀ching！」

「乜野飛拖鞋之鬼，笑撚到！」



「喂，雯姐你不如冷靜啲先！」

傻強個樣即刻西哂：「點解要搞我先！」


「抵你死啦！」

輪到椰奶踢拖：「喝！」

拖鞋飛到中間，大約第三、四，應該穩陣


之後到chantal同阿純，但都係唔夠力，包緊艇



「好到新地啦！」


「呼...」

講真小小緊張，我將拖鞋著上，一腳飛向跑道


「砰」

可惜，軌跡偏差，飛左去隔黎既牆上

連跑道都飛唔到入去

「屌...柒左」



「...嘩！！！！新地你...屹屹屹屹屹！！！」


最後，tyson、愛雯村、刀仔、larry、otto、嘉桓、marie、阿豪都有大床訓

而剩低既我地就要訓他他mi

「嘩！好好味呀！」

夜晚，我地去左附近既一間燒肉店食

雖然香港都有牛角，但響日本食好似特別好食咁


「喂傻強又搶我舊牛」

「咩呀嘉桓...啱食就夾架啦！」

對面既果對歡喜冤家又繼續嘈既同時，隔黎既marie都聊下我


「新地，你今日都好犀利喎！」


「...嗯？」

我食住牛問


「你今日幫左chantal咁多」

刀仔飲住生啤道：「估唔到你都係個好仔」



「真...呀...」

傻強好似已經醉左咁：「計我話！新地...鐘意...chantal...100%既波！」

傻強拋完個咁大既波比我，就即刻訓返


「係囉！唔係點解幫佢返轉頭拎手機喎！」

「agger！」

「一定有野啦」


「屌咪屈啦！」我馬上反駁


chantal扁起嘴，唔知諗緊咩

可能佢諗緊：屌，唔想同新地呢個死毒撚傳緋聞囉！



唉...又要比人討厭

「咪掛住講啦，阿純搶哂你地啲野食啦」

食野大過天既阿純，已經偷偷地夾哂網上面既牛



「喂咁都得既阿純！」

「食到變肥妹呀！！」


阿純難為情笑道

「唔好意思呀，因為...太好食啦」




因為太夜+有幾個已經醉左既關係，所以食完燒肉都返去民宿早啲抖



「阿攞he羅卡啦是mi沙er~~~阿攞he羅cool ru是mi沙er~~~」

雖然搭左成日飛機，但班友都仲係未攰，仲用緊switch唱k




「新地...」

沖完涼準備訓果陣，阿豪將我拉到去一旁

「我聽日....會去同賣黃牛飛果個人交收，你覺得我應該幾時比張飛marie好呀？」


「吓...」

阿豪已經當左我係唯一傾訴對象

「但係...我驚你太遲講既話，佢已經有哂行程喎...」


「都啱...」

但係，我都係a0咋！