【鳩故】無啦啦有三條女同左我一齊住（2）

樓主，我們到了

「嘩！大吉喎！」

愛雯睇到o哂嘴：「我記得有人講過要響淺草抽大吉係好難架！」


「新地你呢啲咪好人有好報囉！」阿梅high大左咁爆呢一句，聽到我r哂頭



「下...阿梅你講乜呀？」



「....無野無野！依家去新宿囉！！！」


兩條友搞乜呀，又無啦啦拉我黎淺草又話咩今日對我有益



響新宿食完餐漢堡扒之後，我跟住佢地兩個響新宿大街漫步


雖然新宿啲架妹真係幾靚，但阿梅同愛雯村都唔係差好遠

我都仲見到有時啲架仔行過會望多佢地兩個幾眼


我諗我玩ocamp果陣，都無諗過會識到呢幾個咁既級數既女仔



「喂新地，今日等我地兩個幫你裝身啦！」

兩個帶左我去左間叫beams既鋪頭


「下..裝身？我都無講...」



「唉咪咁多廢話啦」

阿梅求其拎左幾件比佢：「呢幾件有feel，試左佢啦！」


搞邊科呀...

「咁...咁囉...」

我著左阿梅揀比我既恤衫同褲之後，行出更衣室


「咦，ok喎」

阿梅幫我整返好個領：「好心你資整少少啦，無女仔會鐘意架！」


「唔係呀，佢...」愛雯村望一望我，欲言又止咁


「丫你又講得啱喎！sorrysorry！」


up乜鳩...


「但係我覺得新地呢，唔適合著呢d窄既褲囉」

愛雯村又拎左條褲：「嗱架仔多數都鐘意呢啲架，闊少少，襯對皮鞋有feel啦」


「真咩？不如試埋佢！」



「喂...當我model咩...」

雖然有種比佢地兩個玩鳩既感覺

但比兩個女圍住襯衫，的確好有響連登睇故既感覺




最後跟佢地行左幾間鋪，終於襯左套佢地滿意既穿搭


「嗱！咁就perfect啦！」

又恤衫又闊褲又皮鞋，幾件都係佢地比錢

「其實...點解你地又會肯幫我比錢買衫既...?」

即使係到呢一刻我都唔明，所以我之後響cafe都忍唔住問佢地兩個


「見一場hallmate，咪幫下你囉」

阿梅一邊切pancake一邊答：「到時出pool飯你請我地請得大份d ok架啦」



「吓...乜出pool呀？！」




「咩呀仲扮，幫你溝chantal囉」








「...吓！！！」


我咁樣一嗌，全間cafe都聽到我講野


「sor...sorry masen...」

我道歉完之前再繼續頭先果個topic：「你話我想溝chantal？」



「下，唔係既咩？」

愛雯村即刻搬例子出黎：「嗱你ocamp又幫佢解圍啦、佢失戀你又講咸濕笑話引佢笑啦、佢漏左電話你又返轉頭拎返啦」


「如果你係兵既話，你已經超哂班啦！」

「唉佢邊度兵呀，勁識玩就真！」

阿梅大大啖吞下pancake：「新地又唔出手。特登以吸引代替追求」

「仲以為佢a0狗，原來fuckboy黎！」



「喂..冷靜啲.唔...唔好誇誇群先！」

我冷靜返個思緒：「我...依家都未肯定係咪...鐘意chantal...」


「咁你又做咁多野？」


「我...唔知點解見到chantal...就會想幫佢...」



「根據我中學大學既經驗」

阿梅放低叉，語重心長道：「當你懷疑自己係咪鐘意果個人既時候」


「就代表，你已經好鐘意果個人啦」



「...」

我...真係鐘意chantal咩？


「聽chantal講佢同阿純椰奶會去東北玩，你跟埋去啦！」

愛雯村又做軍師：「到時落埋雪，再告白，哇實勁浪漫呀！」

「但係你唔好好似之前椰奶講咁喎，『其實~我好鐘意你呀~~~』，呢句一定唔work！」



「唔駛告白架，啱feel既，一手捉住佢！夜晚即刻返酒店玩生命之旅！」

阿梅講到特別開心：「不過記得戴套，唔想咁後生做你地個仔契媽哈哈哈哈哈」



「你估chantal係你咁隨便咩！人地女仔黎架！」

「我夠係女仔啦！拍得多啲拖姐！」




佢地...係咪講得太誇張呀...


不過，阿梅話當我懷疑自己既時候就即係鐘意人

真唔真呀...



就係呢一句，搞到我之後果一日都無乜精神

無啦啦有三條女（椰奶、阿梅、愛雯村）同左我一齊住

唔明 佢地有一齊住?

我2020年頭係淺草中過大吉

咁你有冇大吉到

都唔知算唔算有

一直諗係同房/同屋
原來係同hall

呢d 情節現實真係發生過

唔好quote文please

食到Chantal未

quote文狗死全家
又block多隻quote文狗

推推推推推

19年5月

19年抽完
但到而家都仲未可以返日本化張籤

推

點解今日好似短左啲

Push

樓主我們到了