【鳩故】無啦啦有三條女同左我一齊住（2）

「嘩好高呀」

響東京既最後一日，我地去左sky tree


「喂新地，幫我地影相丫！」

「哦...」


我拎起椰奶既相機，幫佢同chantal影相


「睇下先，喂out哂fo喎！」

椰奶推一推我：「你搞乜呀新地，個樣咁眼訓既！」


「無野...」

鬼咩，佢地晚晚唔訓咁用switch唱k

根本仲衰過響暗hall同阿豪tyson同房



「新地呀，幫我影丫！」

chantal突然拉一拉我，搞到我觸一觸電


「嘩！！」


突然既呢下反應似乎嚇親chantal

「做...做咩呀新地..？」


「無..無事...你係咪影相呀？」


「嗯！」

chantal去到窗前擺pose


「刷！」

「點呀點呀」

chantal興高采烈起到埋黎：「原來我擺呢個pose都幾好笑喎，哈哈」


到底chantal對我黎講係咩呢...


「係喎，新地你諗好未呀？」椰奶再問


「諗...諗咩呀？」



「聽日跟邊隊呀？你真係0記得啲野架喎」

椰奶應該講緊聽日開始既自由活動時間

「我同larry都決定左跟chantal阿純架啦」



larry都跟...

都啱既佢都話要溝chantal


「我呀...仲諗緊...」



一講完椰奶已經屌我

「一陣買新幹線冇指定席你就好笑啦，企兩個幾鐘啦！」



「咩指定席...咩意思？」


「指定席你可以當係你買左位，咁你個位就唔會比人坐」

「自由席就係先到先得，如果比人企哂既話就要企」

larry走埋黎拋個書包仔

又長知識了

「larry講得啱呀」

阿純都過埋黎：「加上聽日係星期日，要買飛就襯依家啦...」


即係要決定就要依家決定

老實講，地點方面我冇所謂，反正我對架仔國都唔熟


我應唔應該，藉今次...幫自己揾出答案？



「我...跟...」


我決定


今次，就要為我同chantal既關係揾出答案


「哦...又幾爽快喎...」

椰奶似乎都嚇一嚇：「仲諗住你會諗到聽日tim」


「咁，我地一陣去買飛先啦！」

睇到chantal咁開心，毒撚心態都好容易覺得係咪因為自己都去，佢呢刻先咁開心

或者一切，都會響今個旅程得到解答

翌日，上野站

今日起就係自由活動時間，大家亦似乎會搭新幹線去唔同既地方

所以就響呢度道別




「好，咁返香港再見啦！」


marie、阿豪同otto三個雖然都會睇alexandros演唱會，但都唔諗住呢幾日響東京繼續hea，所以都去一去北陸玩（其實我都唔知係邊撚度)



我、椰奶、chantal、larry同阿純既東北之旅，正式開始


「依家十點半，班車11點...仲有時間...」

椰奶d道：「襯依家買便當先啦，一陣要坐成兩個幾鐘架」


「你地排啦，我買左啦！」

阿純兩手都係膠袋，似乎都係買上車食既野


「嘩你駛唔駛咁誇呀...」

larry指住阿純道：「依家走難咩？！」


「唔誇架啦，反正我點都食得哂既...」

阿純望一望佢個喼：「前幾日買果啲零食，都響哂入面」


響民宿果幾晚，幾乎都冇乜見到阿純手上冇野食既一刻

班佬冇問Larry同新地跟唔跟佢哋？咁識做放佢哋跟啲女仔

新地同Larry幾時打交？

推推推

隻揪隻揪

車汪「住手！你們不要再打了」

往死裏打

樓主會唔會反高潮比larry贏

無啦啦有三條女一條仔同左我一齊住

睇下幾時有

唔好啦

我地四個排隊買緊便當果陣，larry問

「諗唔到食咩呀，chantal你諗住揀咩呀？」



「我呀...應該揀炸豬扒便當」


「咦都好喎！」


唔係呀，咁尷尬既撩女對話larry都講得出...



買完便當，我地都落到下面月台

我乘機問椰奶

「係喎椰奶，我地今次行程點架？」



「係喎未同你講 」

椰奶拎出電話：「首先呢，我地會坐新幹線去到白石藏王站，響果度玩一日先，去狐狸村、睇樹冰」

佢地講地點名其實都無用，白石既話我剩係識白石麻衣同白石角


「之後就落仙台，玩三日再返落東京」


「咁仙台有咩玩呀？」


「唔係呀ching，無查過你又跟埋黎？」

椰奶氣道：「伊達政宗像、青葉城、秋保溫泉，呢幾度都係暫時plan左會去既地方」


「喂有車啦！」chantal打斷我地既對話



屌..咁我...

係為左知道個「答案」先黎架嘛...

大致上都明既，但係

椰奶頭先講...


溫泉？！




入到車廂，我地五個好快就搵到自己位

椰奶佢地三個坐右邊一排，我同larry就坐左邊



列車行駛之後，三個女仔基本上都係講唔停

一邊食野（有阿純唔駛講啦），一邊又睇下出面風景咁



而我同larry就係食完便當就訓下咁


迷迷糊糊下搭左兩個幾鐘

「喂！起身啦！」


比椰奶叫醒既我問

「咩事呀？」


「落車囉仲問！」

我睇一睇車廂入面果行字，又真係下個站到啦喎



「咦到啦？」

呢個時候larry都起埋身

我探一探窗出面

風景已經同東京完全唔同，少左好多高樓大廈

替而代之既係自然既面貌，山、農田 、青空



落左車之後，我地暫時停左響車站門口


「乞痴！」

仆街，東京已經得5度架啦，點知呢度仲撚凍

「咁凍架屌...」



「嘿一早講左東北會凍好多架啦，你又唔聽！」

larry用有點恥笑既語氣話我


唔知佢，係咪想響chantal面前攞威呢...



「咁，我地依家去邊呀？」阿純問



chantal拎出電話

「我地去左酒店放低野先啦，冇理由仲成手行李架嘛」



chantal又講得啱，無理由兩手拖喼咁睇狐狸掛




酒店距離車站好近，行幾分鐘就到


checkin搞左一輪之後，我地終於有得上房

房間分配方面，無理由我同女仔同房架嘛，所以都係2+3，我同larry同房，三個女仔就另一間大房


「嘩好眼訓呀」

仆街幾日冇訓過床，即刻跳上去彈幾下先



larry望住我

「有冇咁攰呀」


「訓左幾日他他mi啦大佬！」

我響床上面打轉



「砰砰！！」

伴隨住拍門聲既係椰奶佢地既叫聲

「喂！！放低左行李就行啦！」

「趕巴士呀快啦！！！」


「趕咩巴士呀...」


「新地你唔知咩？去狐狸村既巴士一日得一班架咋」

larry嘴角上提：「睇黎，你都只不過係見chantal黎你先黎咋喎」


「larry你咩...咩意思...」


larry冇理我，大叫

「黎緊啦！」


唔通，larry都覺得我鐘意chantal？

加速

打柒佢啦

Push

食屎啦Larry

睇到我都好掛住白石狐狸村嗰班可愛嘅狐狸