#香港球員 #中場 顏樂楓
顏樂楓司職中場,大家平時會叫佢光頭仔,現時效力中銀人壽香港超級聯賽球隊理文,
暫時喺A級賽事代表香港上陣過一次,但都分別喺省港盃同港澳埠際賽中為香港隊奪得過錦標。
顏樂楓自少開始參加足球訓練,受過區隊黃大仙嘅訓練,更加喺13歲時加入傑志青年軍為球隊奪得唔少錦標,更加喺2011年獲提升至一隊,期間先後被外借到飛馬同南區效力,都獲得唔少嘅上陣次數,2014年返到傑志後更協助球隊獲得本土賽事三冠王,
而效力傑志時最為人津津樂道嘅係佢多次喺亞協盃取得入球同助攻,首次作客於亞協盃上陣為球先喺禁區射入一球,再傳送直線俾徐德帥直抽網頂,交出一入球一助攻。及後為爭取更多出場機會,外借到元朗隊後成功站穩正選,喺各項賽事為球隊上陣20場,攻入一球,元朗喺該球季以第5名完成聯賽,獲得參加季後附加賽嘅資格,唯不敵南區而未能晉身決賽。
而喺2017開始,顏樂楓開始效力理文,隨即能夠企穩正選位置,至今三個球季已經為球隊上陣81次更成功奪得球隊首個錦標,佢喺效力理文喺中場位置全場走動,為球隊前後做串連,亦多次喺上前放冷箭,多次協助球隊取得勝仗,絕對係理文喺今季獲得亞洲賽資格嘅功臣之一,
雖然今季有受傷患困擾,但復出後馬上交出好表現,出色嘅表現都令佢受到香港隊主教練嘅賞識,再次入選香港隊決選名單,為港隊出戰世界盃外圍賽剩餘嘅三場賽事。
https://www.instagram.com/p/CPAQSKYnO3p/
From: HKFA