人越大覺得有時好多嘅負面情緒都係自己框住自己嘅諗法而產生出嚟
依家覺得當有啲咩唔開心就會諗有啲咩方法去避免下次因為咁再次唔開心/點樣解決
如果真係唔開心就由自己短暫咁唔開心 喊出嚟又好做咩都好
總之負面嘅情緒一定要得到抒發 想呻嘅咪搵朋友囉
但千其唔好長時間比自己浮浮沉沉係負面情緒入面
攞啲最worst嘅例子嚟講 屋企人過身
咁唔開心一定架啦 咁你自己諗下你由個一刻嘅人生係咪就要因為咁要選擇每一日都要過得咁唔開心 覺得人生唔會開心番
通通都係唔想比自己開心嘅藉口
唔係應該覺得生命每分每秒都應該要開開心心先係屋企人/身邊嘅人想睇到?
同埋要活得更精彩?
如果負面情緒一直揮之不去 到時你影響嘅唔單止係你自己 你身邊嘅人都會受到負面影響
~~人要正面唔容易 應該話做人要正面前題 了解左自己想點 先學識處理自己嘅負面情緒 再慢慢搵到一個適合嘅方法去令自己開心
人生流流長 每一日都試下搵值得開心嘅嘢啦 做人唔需要咁苦 話比自己知你係一個值得日日過得開心嘅人