大家點樣處理自己負面情緒

是咁的

放負撚冇人鐘意 亦都冇人會鐘意做

但喺香港呢個地方我覺得有啲難做到24小時正能樣

其實負面情緒點都要搵個地方釋放咗佢

我自己就煩惱緊應唔應該同其他人講

同屋企人講就驚屋企人擔心
同朋友講又唔想俾太大壓力佢哋

而同另一半講問題可能仲大
可能對另一半嚟講喺一個負擔
可能會另佢覺得你廢 軟弱 冇用
可能會引申到其他拗撬
(小弟最近就喺因為咁被分手)

我自己就試緊不斷提自己正面啲 唔好講負面嘢 有咩就自己諗掂佢咁 又會做下運動 搵frd玩咁 不過效果就麻麻哋

各位巴絲有冇啲咩好建議 定喺夾硬挨過就ok

空穴來風必有因

其實「唔講負面嘢、做下運動、搵frd玩」呢類型嘅嘢都來自於樓主你負面情緒嘅源頭，只不過係透過以上手法黎 逃避/麻醉 咁解，長遠並無幫助。

再者，見到樓主你會講「有咩就自己諗掂佢咁」

相反，樓主不妨搵負面情緒嘅源頭出黎並加以對策。


負面情緒其實

搵相熟朋友呻晒佢，千祈唔好積滯
有時睇下無聊youtube放鬆，做下廢人

空穴來風必有因

其實「唔講負面嘢、做下運動、搵frd玩」呢類型嘅嘢都來自於樓主你負面情緒嘅源頭，只不過係透過以上手法黎 逃避/麻醉 咁解，長遠並無幫助。

相反，樓主不妨搵負面情緒嘅源頭出黎並加以對策。自己諗唔掂都好，其他人都可能比到你唔少意見。

再者，見到樓主你會講「有咩就自己諗掂佢咁」
似乎樓主潛意識下會認定其他人唔會幫手。其實有時候話唔定其他人係會樂意幫手，只係差在樓主冇搵啱人去分享問題出黎。







ps樓上手殘sd錯

我自己就唔習慣對人放負 就算係朋友都好
太習慣自己消化 但有時太壓抑就會沖涼喊一場
沖完出返嚟又一條好漢咁

上連登鳩叫

其實我覺得有時放下負係冇咩大問題
重要嘅係唔可以長期處於呢種狀態，諗到自己好似悲情主角咁
其實同朋友/另一半放下負 佢地未必比到啲咩實質野你
但可能講講下大家原來都有同樣問題搵到共鳴咁
就算冇 有人聽下你講野同你食下野睇下片點都會有啲幫助

最重要嘅係 你意識到自己被負面情緒困擾住嘅時候
要諗清楚自己想點，定下啲簡易目標
比如一件好煩好複雜嘅事，你可以諗吓有冇人可以幫到你
如果唔鍾意人哋幫，你可以將一件事拆散佢一個個Step咁當目標去解決
如果一件事根本係冇辦法解決嘅，咁你就要去改變你嘅心態
唔知巴打你明唔明
煩惱好多時係自己比自己，退多一兩步睇事情
可能咩都唔係太重

搵多啲自己舒服開心嘅野去做下
多啲曬下太陽，唔好逼得自己太緊
人生苦短

呢個方法都好
至少發洩左出黎先

我覺得個源頭有機會喺性格問題 成日會prepare for the worst咁

明啊 我都試過 不過人愈大好似就愈喊唔出

最緊要搵信得過的人

冥想(masterbation)

好似get到 諗翻轉頭有時真喺自己唔俾自己後路 不過改變心態都唔喺咁易 試下先

如果hea得太耐會勁內疚 覺得浪費咗時間

聖人模式

最緊要搵信得過的人講
但建立信任需要時間
亦都有心理準備對方說話未必岩聽
同埋對方又機會退縮

我就會好似追女仔咁
平時建立多幾個可以講心事的朋友
就算其中一個唔得閒都唔會咁hurt

返教會啦, 教會又好多聽你講心事的人!

真 hea半日就已經開始內疚

其實喺聽到另一半因為我同佢講呢啲負面嘢而同我分開 所以有啲怕去搵人講 亦都唔知咁樣啱唔啱

可能真喺好似你講咁 喺冇搵啱人講

反而喺唔敢講太多 怕麻煩到人

(突然覺得 乜都怕仲點做人…

諗一諗，有時最真嘅快樂，來自於最簡單嘅嘢…

食一樣好耐無食過嘅零食，瞓一覺，做下運動，上下網，甚至無目的出街hea 一下…

回頭再睇令你覺得心煩嘅嘢，或者已經唔再係問題…

或者退一步，就算煩惱解決唔到，呢個世界又有邊個可以無煩惱？如果可以放低，唔堅持去＂解決＂個麻煩，又有咩問題？抽離少少，或者可以冇咁多掛礙…

同人呻下雖然通常解決唔到個實質問題，但好好咁講一次，不論對情緒同對個問題了解，都應該會好好多。

睇得出樓主本身對自己係好嚴苛既人
淨係要求自己正面依樣野本身都係嚴苛既事
學你話齋性格都係有關
又或者係經歷讓到自己會有咁既諗法

硬食

千祈千祈唔好"諗方法正面D", 呢個行為會令你諗法更負面
一路做一路會諗"點解我做咁多野都仲係咁我係咪有病"

你該做既係接受正常人就係有正有負,人係有情緒嫁,全正/全負都係精神病
對身邊既人都一樣, 你放得負時, 心情好個日都照樣同佢地分享
咁佢地個負擔就會細極多.